તરુણ/તરુણીઓ સાથે સ્વસ્થ ઓનલાઇન ઇન્ટરેક્શન વિશે વાત કરવી

સંવાદના તાંતણા ખુલ્લા રાખીને, તમે તમારા તરુણ/તરુણીને એ સમજવામાં મદદ કરી શકો છો કે ઓનલાઇન હોય કે ઓફલાઇન, એ સોનેરી નિયમ હજી પણ લાગુ પડે છે: તમારી સાથે જેવો વ્યવહાર ગમતો હોય તેવો વ્યવહાર લોકો સાથે કરો.

ભલેને તમે કોઈની સાથે વાત કરો કે તેમને DM કરો, તેમને પત્ર લખો કે તેમના પેજ પર કોઈ કોમેન્ટ પોસ્ટ કરો, ભાવનાત્મક હિતસંબંધ ઘણી વાર સમાન જ હોય છે. તમે એક સારી કોમેન્ટની સાથે કોઈના દિવસને શાનદાર બનાવી શકો છો અથવા અપમાનની સાથે તેમની લાગણીઓને ઠેસ પહોંચાડી શકો છો.

અહીં માતા-પિતાની એક ખાસ જવાબદારી હોય છે. જો તમારા તરુણ/તરુણી ઓનલાઇન નકારાત્મક અથવા ગરમાગરમીવાળું ઇન્ટરેક્શન કરી રહ્યા હોય, તો તમે જે થયેલું તે વિશે સુમાહિતગાર રહીને તથા આગળ વધવાનો રસ્તો શોધવામાં તેમની મદદ કરીને તેમની મદદ કરી શકો છો. તેમના અનુભવ વિશે તમારાથી જે જાણી શકાય તે જાણો, તેમની લાગણીઓને માન્ય કરો અને જુઓ કે શું તેઓ એવા જવાબનાં માધ્યમથી વાત કરવા માંગે છે જે સારા પરિણામ તરફ દોરી જઈ શકે.

આ બધું જ પ્રતિકૂળ પરિસ્થિતિઓમાં અડગ રહેવાના કૌશલ્ય – ખરાબ અનુભવો/ઘટનાઓ થવા પર તેમાંથી ઊગરી આવવાની ક્ષમતાને શીખવાનો ભાગ છે

તરુણ/તરુણીઓ અને યુવા લોકોને ઓનલાઇન સકારાત્મક ઇન્ટરેક્શન કેળવવામાં મદદ કરવી એ એક લાંબી પ્રક્રિયા હોઈ શકે છે જેમાં સમયાંતરે ઘણી બધી વાતચીત કરવાનું સામેલ હોઈ શકે છે. જો તમને વાતચીત શરૂ કરવા માટેનાં કેટલાંક સૂચનોની જરૂર હોય, તો આના જેવા વિષયોને તેમની સમક્ષ મૂકો:

• મને તમે વહાલા છો અને તમારે ઓનલાઇન જે બાબતનો સામનો કરવો પડે છે તે વિશે કેટલીકવાર મને ચિંતા થાય છે. શું આપણે જવાબ આપવામાં તમારી મદદ કરવા માટેની રીતો વિશે વાત કરી શકીએ છીએ?
• તમે ઓનલાઇન કરેલું તાજેતરનું ઇન્ટરેક્શન મને બતાવો.
• તમને ક્યારે અને શા માટે નિરાશાનો અનુભવ થયેલો?
• જ્યારે દુઃખદ અનુભવો/ઘટનાઓ થાય ત્યારે દુઃખી થવું ઠીક છે, જ્યારે ખરાબ અનુભવો/ઘટનાઓ થાય ત્યારે ખરાબ લાગવું ઠીક છે. આગલી વખતે વસ્તુઓને વધુ સારી બનાવવા માટે આપણે જે રીતે ઇન્ટરનેટ અને સોશિયલ મીડિયાનો ઉપયોગ કરીએ છીએ તેને આપણે કેવી રીતે બદલી શકીએ?