તમારા Meta અવતારને એક સ્ટાર બનાવવો
રેચલ એફ. રોજર્સ, PhD દ્વારા
12મી નવેમ્બર, 2024
પ્રસ્તાવના: મેટાવર્સ માટે પ્રમાણિત ઓળખની અભિવ્યક્તિ
એલિસી ડિક, Reality Labsનાં પોલિસી મેનેજર અને જેકલિન ડોઇગ-કીઝ, સેફ્ટી પોલિસી મેનેજર
આ વર્ષે અમે લોકોને Facebook, Instagram, WhatsApp, Meta Horizon તથા અન્ય વર્ચ્યુઅલ અને મિક્સ્ડ રિયાલિટીના અનુભવો પર સ્વયંને રજૂ કરવા માટે વધુ વિકલ્પો આપવા માટે અમારા Meta અવતારને અપડેટ કર્યા છે. આ આગલી-જનરેશનના અવતાર એક નવી હાઉસ સ્ટાઇલને પ્રસ્તુત કરે છે અને સ્વયંને અભિવ્યક્ત કરવા માટે લોકોને વધુ શક્તિ આપે છે.
તમે કદાચ અવતારને ઓનલાઇન સંચાર કરવા માટે ઉપયોગમાં લેવાતી તમારી સ્વયંની ડિજિટલ રજૂઆતો તરીકે જાણતા હોઈ શકો છો. પરંતુ ભાવિ મેટાવર્સમાં, તે બધી ઍપ્સ અને અનુભવોમાં ઓળખનો મુખ્ય ભાગ હશે. એટલા માટે જ અમે એવા અવતારને ડિઝાઇન કરવાનું વધુ સરળ બનાવવા માંગીએ છીએ કે જે તમારી અનન્ય ક્રિએટિવિટી, રુચિઓ અને ઓળખને પ્રતિબિંબિત કરે.
અમે લોકોને તેમના અસલ સ્વરૂપોની રજૂઆત કરતા અવતાર બનાવવા માટે જેની જરૂર હોય તેવાં ટૂલ તેમને આપવા માંગીએ છીએ. પરંતુ અમે એ બાબતની પણ કાળજી રાખવા માંગીએ છીએ કે કેવી રીતે ઓળખના અલગ-અલગ ભાગો અલગ-અલગ વર્ચ્યુઅલ સ્પેસમાં, તેમના પોતાના માટે અને અન્ય લોકો માટે એમ બંને માટે, સલામતી, પ્રાઇવસી અને એકંદર અનુભવ પર પ્રભાવ પાડી શકે છે. તે કરવામાં અમને મદદ મળી રહે તે માટે, અમે યુવા લોકો તથા ડિજિટલ સલામતી અને સુખાકારીના અન્ય નિષ્ણાતોની સાથે પરામર્શ કરીને આ માર્ગદર્શિકા બનાવવા માટે ડૉ. રેચલ રોજર્સ સાથે સહયોગ કર્યો, તેઓ એક શિક્ષાવિદ્ છે કે જેમનું કામ મીડિયા અને યુવા લોકોની સુખાકારી પર ધ્યાન કેન્દ્રિત કરવાનું છે. તેમાં, તમને અવતાર મારફતે ઓળખને સલામત રીતે અને આદરપૂર્ણ રીતે કેવી રીતે એક્સ્પ્લોર કરવી તે અંગે તરુણ/તરુણીઓ માટે ટિપ્સ અને માતા-પિતા માટે માર્ગદર્શન મળશે.
અમે આશા રાખીએ છીએ કે આ માર્ગદર્શિકાથી યુવા લોકો અને તેમના માતા-પિતાને વર્ચ્યુઅલ સ્વ-અભિવ્યક્તિ વિશે સાથે મળીને શીખવામાં મદદ મળી રહે અને તે તેમને અવતારના અનુભવોમાં સુરક્ષિત રીતે સહભાગી થવા માટે ટૂલ આપે છે. દરેક અવતાર એક “સ્ટાર” હોય છે કે જેના મારફતે તમારું અસલ સ્વરૂપ દીપી શકે છે - શરૂઆત કરવા માટે આ માર્ગદર્શિકાનો ઉપયોગ કરો અને તમારી કલ્પના તમને ક્યાં લઈ જાય છે તે જુઓ!
Meta અવતાર તમને ડિજિટલ વિશ્વમાં નવી અને આકર્ષક રીતે સ્વયંને અભિવ્યક્ત કરવા દે છે.
ચાલો તમારા Meta અવતારને એક સ્ટાર કેવી રીતે બનાવવો તે વિશે વિચાર કરવા માટે એક મિનિટનો સમય કાઢીએ: સુરક્ષિત, વિચારવંત, અસલ અને આદરપૂર્ણ.
સ્ટાર અવતાર શા માટે બનાવવા?
તમે કદાચ જાણતા હશો તેમ, લોકો તેમના અવતાર કેવા દેખાય તે વિશે ખરેખર ઇરાદાપૂર્વક કામ કરતા હોય છે. તેઓ પોતાના વ્યક્તિત્વને પ્રદર્શિત કરતા હોય તેવા લુક બનાવી શકે છે અથવા પોતાના અવતારને સ્વયંના એક સ્ટાઇલવાળા વર્ઝન જેવો દેખાવ આપી શકે છે
મોટા ભાગના અવતાર એ કોઈ વ્યક્તિના આંતરિક સ્વરૂપ, શારીરિક લાક્ષણિકતાઓ અને કંઈક વધુ આકાંક્ષી બાબતોનું સંયોજન હોય છે. અવતાર એ ભૌતિક વિશ્વમાં તમે કરી શકવામાં સમર્થ ન હોઈ શકો તે રીતોમાં સ્વયંને અભિવ્યક્ત કરવા માટેની એક ઉમદા રીત હોઈ શકે છે.
તમે અવતાર મારફતે તમારા વ્યક્તિત્વ અને ઓળખના કયા ભાગોને બતાવવા અંગે પરવા કરો છો તે વિશે વિચારવું એ શરૂઆત કરવાની એક સારી જગ્યા હોઈ શકે છે. આને જાણી લેવું ક્યારેક મુશ્કેલ હોઈ શકે છે, તેથી જો તમને એ વાતની ખાતરી ન હોય કે કોઈ બાબતને કેવી રીતે સંભાળવી તો હંમેશાં માતા-પિતા અથવા વિશ્વસનીય વયસ્કની સાથે વાત કરો.
સ્ટાર તપાસ:
- મારા પોતાના વિશેની એવી કઈ બાબતો છે કે જે હું ઇચ્છું છું કે અન્ય લોકો જુએ અથવા જાણે? તે મારા માટે શા માટે મહત્ત્વપૂર્ણ છે?
- સ્વયંને અભિવ્યક્ત કરવા માટે હું શું એડ્જસ્ટ કરવા કે બદલવા માંગું છું અને શા માટે?
- શું હું ઇચ્છું છું કે મારો અવતાર દરેક જણને અથવા લોકોના એક મર્યાદિત ગ્રૂપને દેખાય? શું તે કયા અવતાર પર આધારિત છે?
સુરક્ષિત
તમે કદાચ તમારી પ્રાઇવસીનું ઓનલાઇન રક્ષણ કરવા વિશે ઠીક-ઠીક પ્રમાણમાં વિચારશીલ છો. આ જ વાત સ્ટાર અવતારને પણ લાગુ પડે છે! એક કાર્ટૂન જેવો અવતાર એ ફોટા માટે એક મનોરંજક વિકલ્પ હોઈ શકે છે કે જે હજીયે તમારી રજૂઆત કરે છે.
જ્યારે આપણે ઓનલાઇન હોઈએ છીએ, ત્યારે આપણે આપણા વિશે ઘણું બધું શેર કરી શકીએ છીએ. આપણે બતાવી શકીએ છીએ કે આપણે કોણ છીએ, આપણા માટે શું મહત્ત્વપૂર્ણ છે, આપણે કઈ ઇમ્પ્રેશન પાડવાનો પ્રયાસ કરી રહ્યા છીએ અને આપણે કઈ કોમ્યુનિટીના છીએ.
અવતાર પણ તે કરી શકે છે! અને અન્ય લોકોના અવતાર આપણને તેમના વિશે જણાવી શકે છે. ઉદાહરણ તરીકે, તમારી મનપસંદ ટીમ અથવા બેન્ડ દર્શાવતી ટી-શર્ટ પહેરવાથી અન્ય લોકોને ખબર પડે છે કે તમે તેમના ફેન છો. તમારો અવતાર તમારી ઓળખના વધુ મહત્ત્વપૂર્ણ ભાગોને પણ શેર કરી શકે છે. તે અન્ય લોકોને તમે કઈ જાતિ, વંશ અને સંસ્કૃતિના છો તે, તમારી ઉંમર, લિંગની અભિવ્યક્તિ, ક્ષમતા અથવા ધર્મ વિશે જણાવી શકે છે.
ભૌતિક અથવા વર્ચ્યુઅલ વિશ્વમાં સ્વ-રજૂઆત એ તમારા અવાજ જેવું જ સંચારનું એક ટૂલ છે અને તમારે તેનો ઉપયોગ એટલો જ કાળજીપૂર્વક કરવો જોઈએ.
ક્યારેક અન્ય લોકો આપણા દેખાવનું અર્થઘટન એવી રીતે કરે છે કે જેના મૂળિયાં સામાજિક સ્ટીરિયોટાઇપમાં રહેલા હોય છે, પછી ભલેને તેમને તેનો ખ્યાલ ન રહે. આ, વિશ્વનું વધુ ઝડપથી અર્થઘટન કરવા માટે આપણા મન રચે તે શોર્ટકટ હોય છે. પરંતુ બને કે આ ન્યાયોચિત, સચોટ અથવા હંમેશાં મદદરૂપ ન હોય. કોઈ વ્યક્તિના અવતારનો શું અર્થ થાય તે ધારી લેવાને બદલે તેમને તેમના અવતારની પસંદગીઓ વિશે પૂછવાની ખાતરી કરો! અને એ વાતથી વાકેફ રહો કે અન્ય લોકો તમારા વિશે એવી ધારણાઓ બાંધી શકે છે કે જે તદ્દન યોગ્ય ન હોય.
તમારા અવતારની કદ-કાઠી (શરીરના આકાર), ચહેરા અને કપડાં સહિત તે જેવો દેખાય છે તે અન્ય લોકોની સમક્ષ તમે કેટલી ઉંમરના દેખાઓ તેના પર અસર પડી શકે છે. ઉદાહરણ તરીકે, કેટલીક પસંદગીઓ તમને તમારી વાસ્તવિક ઉંમર કરતાં વધુ મોટા અથવા નાના દેખાડી શકે છે.
જ્યારે તમે તમારો અવતાર બનાવો છો, ત્યારે તમે અન્ય લોકોની સાથે શું શેર કરવા માંગો છો, તમે કેવા દેખાવા માંગો છો અને તમે કોની સાથે ઇન્ટરેક્ટ કરવા માંગો છો તે વિશે વિચાર કરો.
સ્ટાર તપાસ: સુરક્ષિત રહેવું
ઓનલાઇન સહિત કોઈ પણ સ્પેસમાં, લોકો તમારા દેખાવના આધારે તમારા વિશે શું ધારી શકે છે તે વિશે વિચારવું મહત્ત્વનું છે. ઉદાહરણ તરીકે, તમે તમારા અવતારને કેવી રીતે ડિઝાઇન કરો છો તેના આધારે, લોકો એમ વિચારી શકે છે કે તમારી જેટલી ઉંમર છે તેના કરતાં તમે વધુ મોટા છો અથવા તમારી સાથે વયાનુસાર ઉપયુક્ત ન હોય તે રીતે ઇન્ટરેક્ટ કરી શકે છે. આ અસહજ હોઈ શકે છે. તમે તમારા પોતાના વિશે શું શેર કરવા માંગો છો અને લોકો તમારા વિશે શું “વાંચી” રહ્યાં હોઈ શકે છે તે બંને બાબતોને ધ્યાનમાં લો!
સ્વયંને પૂછો:
- શું હું અમુક શારીરિક લાક્ષણિકતાઓ ધરાવતાં લોકો વિશે બાંધી લઉં તેવી ધારણાઓ છે?
- હું જે રીતે સ્વયંને રજૂ કરું છું તેના વિશે લોકો શું ધારણાઓ બાંધી રહ્યાં હોઈ શકે છે?
- હું મારા અવતાર વડે તથા તે મારફતે થતાં ઇન્ટરેક્શન વડે શું છતું કરું છું?
સ્વયંને અને તમારા મિત્રોને ઓનલાઇન સુરક્ષિત રાખવા માટે તમારી પાસે કદાચ પહેલાંથી જ વ્યૂહરચનાઓ હશે! એ યાદ રાખો કે જો કોઈ વ્યક્તિ એ જાણવા માંગે છે કે તમે “ખરેખર” કેવા દેખાઓ છો, તો તેમને ફોટો મોકલવાની પહેલાં બે વાર વિચારો. તમે કોની સાથે કનેક્ટ થાઓ છો તે વિશે વિચારવંત બનો અને ઓનલાઇન સુરક્ષિત રહેવા માટે તમે જે વ્યૂહરચનાઓ શીખી છે તેનો ઉપયોગ કરો. જો તમને ખાતરી ન હોય, તો કોઈ વિશ્વસનીય વયસ્કને પૂછો.
વિચારવંત
તમારો અવતાર કેવી રીતે તમારા વિશેની અમુક બાબતોનો સંચાર કરી શકે અને તમને કોણ જોશે તે વિશે વિચારો.
આપણે મજા માટે, અન્ય લોકોની સાથે વાત કરવા અને આપણા જીવનની બાબતોને શેર કરવા માટે વર્ચ્યુઅલ સ્પેસનો ઉપયોગ કરીએ છીએ. જેમ તમે સ્કૂલમાં, કૌટુંબિક રાત્રિભોજ પર, કામ પર અથવા મોજમસ્તી કરતી વખતે અલગ-અલગ રૂપે ઉપસ્થિત થાઓ છો, તે જ રીતે તમે આ સ્પેસમાં "સ્વયંના અલગ-અલગ સ્વરૂપો"ને લાવી શકો છો. તમે કોઈ ચોક્કસ સ્પેસમાં કેવી રીતે દેખાવા માંગો છો અને શા માટે તે વિશે વિચારવું મહત્ત્વનું છે.
અવતારના સ્ટાઇલિંગની પસંદગીઓ અમુક સ્પેસ માટે વધુ કે ઓછા યોગ્ય હોઈ શકે છે. તમને ગંભીર ઇન્ટરેક્શન માટે એક વધુ વિનીત અવતાર અથવા ગેમ માટે એક વધુ રમતિયાળ અવતાર જોઈતો હોઈ શકે છે.
તમે દરેક જગ્યાએ સમાન Meta અવતાર ધરાવવાનું પસંદ કરી શકો છો અથવા અલગ-અલગ ઍપ્સ અથવા સ્પેસ માટે એક અનન્ય અવતારનો ઉપયોગ કરી શકો છો. તમે Facebook, Instagram, WhatsApp અથવા Meta Horizon પર કોની સાથે ઇન્ટરેક્ટ કરો છો તે વિશે વિચારો. તમે તે સ્પેસમાં લોકોની સાથે તમારા પોતાના વિશે શું શેર કરવા માંગો છો? તમે શું ખાનગી રાખવા માંગો છો?
અલગ-અલગ મૂડ કેપ્ચર કરવા અથવા તમારી ઓળખના અલગ-અલગ ભાગોને હાઇલાઇટ કરવા માટે એકથી વધુ અવતાર બનાવો!
સ્ટાર તપાસ: વિચારવંત બનવું
સ્વયંને પૂછો:
- હું કોણ છું તે મારા અવતારની વિશેષતાઓ, કપડાં અને એક્સેસરીઝ કેવી રીતે અભિવ્યક્ત કરે છે?
- આ સ્પેસમાં હું કોની સાથે ઇન્ટરેક્ટ કરું છું? શું મારું એકાઉન્ટ ખાનગી છે અથવા શું કોઈ પણ મારો અવતાર જોઈ શકે છે?
- શું હું સમજી-વિચારીને પસંદગીઓ કરું છું કે જે આ સંદર્ભ માટે યોગ્ય છે?
તમે નવેસરથી અવતારને બનાવવાનું પસંદ કરી શકો છો અથવા અવતારને તમારા જેવો વધુ દેખાતો કરવામાં મદદ મળી રહે તે માટે સેલ્ફીથી શરૂઆત કરી શકો છો!
અસલ
અવતાર વિશેની એક બહુ સરસ બાબત એ છે કે તે આપણને એ નક્કી કરવા દે છે કે કોઈ પણ આપેલી સ્પેસમાં આપણે અન્ય લોકો સમક્ષ કેવા દેખાવા માંગીએ છીએ. દરેક વ્યક્તિ ચહેરાનાં લક્ષણો અને વાળ, મેકઅપ અને કપડાં સાથે પ્રયોગ કરી શકે છે. આ, તમારા ભાગોને અવતાર મારફતે ભૌતિક વિશ્વમાં તેઓ થઈ શકે તેનાથી વધુ દીપી ઉઠવામાં મદદ કરી શકે છે.
અવતાર એ અલગ-અલગ દેખાવોને અજમાવી જોવાની અને આપણને તેમના વિશે કેવી અનુભૂતિ થાય છે તે જોવાની એક મજેદાર અને સરળ રીત પણ હોઈ શકે છે. ક્યારેક આપણો શારીરિક દેખાવ આપણા “અસલ સ્વરૂપ”ની એક સારી રજૂઆત જેવો લાગતો હોય છે. પરંતુ ક્યારેક આપણે પોતાનાં એવાં પાસાઓ ધરાવતા હોઈએ છીએ કે જે વાસ્તવિક વિશ્વમાં દીપી ઉઠતા ન હોવાનું જણાય છે. કદાચ તમારો અવતાર તમે અંદરથી કેવું અનુભવો છો તેની સાથે વધુ મળતો આવતો દેખાઈ શકે છે!
તમે સ્વયંને કેવી રીતે જુઓ છો અને તમે અન્ય લોકો સમક્ષ કેવા દેખાવા માંગો છો તે પ્રત્યે અસલ બનાવવા માટે તમે તમારા અવતારને ડિઝાઇન કરી શકો છો. આ, બધી સ્પેસમાં અલગ-અલગ હોઈ શકે છે! તે સમય સાથે પણ બદલાઈ શકે છે. કોઈ દિવસ આપણે કંઈક અલગ અનુભવીએ છીએ અને આપણે બધા બદલાઈએ છીએ અને પ્રગતિ કરીએ છીએ. તમને શું અસલ લાગે છે તે શોધી કાઢવા માટે અલગ-અલગ વિકલ્પોને અજમાવી જુઓ - તે, તમે વાસ્તવિક જીવનમાં જેવા દેખાઓ છો તેવું લાગી શકે અથવા પૂરી રીતે અલગ હોઈ શકે છે! અહીં કોઈ નિયમો રહેલા નથી.
તમે કદાચ વાસ્તવિકતા અથવા રમતિયાળપણા સાથે પણ પ્રયોગ કરવા માંગો. ઉદાહરણ તરીકે, વાળના કેટલાક રંગો અન્યો કરતાં ઓછા વાસ્તવિક દેખાઈ શકે છે. આ પસંદ કરવાથી વાસ્તવવાદને બદલે રમતિયાળપણાનું ચિત્ર નિરૂપિત થઈ શકે છે. અથવા, તમે રોબોટ અથવા તમારી મનપસંદ ફિલ્મના કેરેક્ટર જેવા ફેન્ટાસ્ટિકલ અવતારમાં રૂપાંતરિત થઈ શકો છો! ફરીથી, તમે જ્યાં તમારા અવતારનો ઉપયોગ કરશો તે સ્પેસના સંદર્ભને હંમેશાં તપાસો.
સ્ટાર તપાસ: અસલ હોવું
એ બાબતની કાળજી રાખો કે ભૌતિક વિશ્વમાં જેઓ તમને પહેલાંથી જ ઓળખે છે તે લોકો તમારા અવતાર પર કેવી પ્રતિક્રિયા આપી શકે છે. જો તમારી શારીરિક રજૂઆત તમારા વર્ચ્યુઅલ દેખાવથી અલગ હોય તો તેઓ આશ્ચર્ય પામી શકે છે. જો તમારા "વાસ્તવિક" જીવનની કોઈ વ્યક્તિ તમને ઓનલાઇન અલગ રીતે રજૂ થતા જુએ છે તો તેમની સાથે તમારી થઈ શકે એવી વાતચીતો વિશે વિચારો.
બીજી બાજુ, કેટલાંક લોકો તમને ફક્ત તમારા વર્ચ્યુઅલ સ્વરૂપમાં જ ઓળખતા હોઈ શકે છે અને તમારી ઓળખ વિશે અન્ય કોઈ સંદર્ભો ધરાવતા ન હોય. આ લોકો તમને કેવી રીતે “વાંચી (અર્થઘટન કરી)” શકે તે વિશે વિચારો. તમે જેમ ઇચ્છો તેમ તમે રજૂઆત કરી શકો છો– પરંતુ તમે સ્પેસની રેન્જમાં પગલાં માંડો ત્યારે વિચારવંત અને તૈયાર રહેવું એ મહત્ત્વનું છે.
આકાંક્ષી
અંગ્રેજી અક્ષર "A" એ અસલ (ઓથેન્ટિક) માટે છે, પરંતુ તે આકાંક્ષી (એસ્પિરેશનલ) માટે પણ હોઈ શકે છે. અવતાર એ બંને હોઈ શકે છે!
લોકો કદાચ એમ ઇચ્છે કે તેમનો અવતાર એ રીતે “સારો” દેખાય કે જે તેમના શારીરિક દેખાવથી અલગ હોય. આ, અલગ-અલગ દેખાવની સાથે પ્રયોગ કરવાની એક મજેદાર રીત હોઈ શકે છે! પરંતુ ધ્યાનમાં રાખો કે આપણે જેને “સારું દેખાવું” તરીકે વિચારીએ છીએ તે ઘણી વાર આપણે સેલિબ્રિટી, એથ્લેટ અથવા ઇન્ફ્લુએન્સરના જે ફોટા જોઈએ છીએ તેના પર આધારિત હોય છે. આ ફોટામાં ઘણી વાર "આદર્શ" નાક-નક્ષ હોય છે કે જે મોટા ભાગનાં લોકો પાસે ભૌતિક વિશ્વમાં હોતાં નથી.
આ એક “સ્ટીરિયોટિપિકલ આદર્શ” દેખાવ બનાવે છે જેને વાસ્તવિક જીવનમાં લગભગ કોઈ મેળવી શકતું નથી. એ યાદ રાખો કે આ આદર્શ દેખાવ અવાસ્તવિક છે, જોકે તે વાસ્તવિક લાગી શકે છે! તમારી મનપસંદ સેલિબ્રિટી પણ જ્યારે તેઓ કેમેરાની સામે ન હોય ત્યારે કદાચ અલગ દેખાય છે. વાસ્તવમાં, જેમ-જેમ એડિટિંગનાં ટૂલ વધુને વધુ એડવાન્સ થતા જાય છે, તેમ-તેમ ઓનલાઇન દેખાવો ભૌતિક વિશ્વ માટે ઓછા સાચા બનતા જાય છે. જ્યારે તમે કોઈ વ્યક્તિને ઓનલાઇન જુઓ છો, ત્યારે તે, તેઓ તે સ્પેસમાં તમારી સમક્ષ કેવા દેખાવા માંગે છે તેની રજૂઆત હોય છે. એ યાદ રાખો કે આ તેઓ ખરેખર જેવા દેખાય તે ન પણ હોઈ શકે!
એવી ઘણી બધી રીતો રહેલી છે કે જેનાથી તમે તમારા અવતારને કસ્ટમાઇઝ કરી શકો છો! જેમાંથી તમારું અસલ સ્વરૂપ દીપી ઉઠી શકે તેવા અવતારને બનાવવા માટે અલગ-અલગ વિકલ્પો સાથે અખતરા કરી જુઓ.
તમે તમારા અવતારના ચહેરા, આંખો અથવા નાકનો આકાર અને કદ બદલી શકો છો અથવા વધુ નાનું કે મોટું શરીર બનાવી શકો છો. એ વાતથી વાકેફ રહો કે આ ટૂલનો ઉપયોગ કોઈ વ્યક્તિ ખરેખર જેવી દેખાય છે તેને બદલવા માટે થઈ શકે છે અને એ યાદ રાખો કે “આદર્શ” અવાસ્તવિક હોય છે! દરેક આકાર અને લક્ષણ સુંદર હોય છે.
યાદ રાખો: પ્રેરણા આપનારાં લોકો દરેક પ્રકારના શરીરવાળા હોય છે! આત્મવિશ્વાસ અંદરથી આવે છે.
સ્ટાર તપાસ - આકાંક્ષી અવતાર
સદીઓથી કલા, સંસ્કૃતિ અને સભ્યતામાં સૌંદર્ય એ એક મહત્ત્વનું મૂલ્ય રહ્યું છે. પરંતુ સ્વયંને પૂછો કે “હું શા માટે “સારા દેખાવા”નો પ્રયાસ કરું છું? શું હું ખરેખર માનું છું કે આ એવી વસ્તુઓ છે જે લોકોને આકર્ષક બનાવે છે? શું આકર્ષક છે અને દેખાવ કેટલો મહત્ત્વપૂર્ણ છે તે વિશેની મારી માન્યતાઓ વિશે હું કયા મેસેજ મોકલું છું?”
જો કોઈ મિત્ર તેમના દેખાવથી નાખુશ હોવાનું અનુભવી રહ્યા હોય, તો તેમને યાદ કરાવો કે લોકોની ઓનલાઇન રજૂઆત એ શારીરિક દેખાવની સમાન હોતી નથી. અનેક લોકો ફિલ્ટર અને અન્ય ટૂલનો ઉપયોગ કરે છે. તેમની ચિંતાઓને લઈને કોઈ વિશ્વસનીય વયસ્ક પાસેથી મદદ માંગવા માટે તેમને પ્રોત્સાહિત કરો.
યાદ રાખો, પ્રેરણા આપનારાં લોકો દરેક પ્રકારના શરીર, કદ, કાઠી અને લક્ષણ (વાળ, ત્વચાના રંગની છટા, આંખ અથવા નાકનો આકાર વગેરે)વાળા હોય છે!
જ્યારે તમે અવતાર બનાવો ત્યારે તમારા માટે શું મહત્ત્વપૂર્ણ અને સુંદર હોય છે? શું તમારો અવતાર શું સુંદર છે તે અંગેની તમારી સમજ પર ખરો ઉતરે છે?
સ્વયંને પૂછો:
- શું તમારો અવતાર શું “આકર્ષક” છે તેના ઘાટ જેવો દેખાય છે કે પછી તે તમે જે છો તે (તમારા વ્યક્તિત્વ) પરત્વે અનન્ય છે?
- શું તમે તમારા અવતારનો ઉપયોગ સૌંદર્ય વિશે આપણે જે રીતે વિચારીએ છીએ તેને વ્યાપક બનાવવા માટે કરી શકો છો?
તમારા અવતાર માટે પસંદગીઓની રેન્જ વિમુક્ત કરનારી હોઈ શકે છે, પરંતુ તે તમે ઓનલાઇન અને ઓફલાઇન કેવા દેખાઓ છો તે વિશેની જટિલ લાગણીઓ પણ લાવી શકે છે. જો તમારે કોઈની સાથે વાત કરવાની જરૂર હોય તો કોઈ વિશ્વસનીય વયસ્કનો સંપર્ક કરો.
આદરપૂર્ણ
જેટલાં વાસ્તવિક લોકો રહેલાં છે તેના કરતાં પણ હજી વધુ વ્યાપક અવતારની રેન્જ રહેલી છે! આ, લોકો જે અલગ-અલગ રીતોના દેખાઈ શકે તેની ઉજવણી કરવાની એક અદ્ભુત રીત છે. હકીકતમાં, સ્ટાઇલવાળો Meta અવતાર બનાવવા માટે એક ક્વિન્ટિલિયનથી વધુ અલગ-અલગ રીતો રહેલી છે!
વર્ચ્યુઅલ સ્પેસમાં દરેક જણે એક એવો અવતાર બનાવ્યો છે કે જે તેમને રજૂ કરતો હોવાનું તેમને લાગે છે. આપણે વર્ચ્યુઅલ વિશ્વમાં દરેક જણની સાથે ગૌરવ અને આદરભાવની સાથે વ્યવહાર કરવો જોઈએ, પછી ભલેને તેઓ ગમે તેવા દેખાતા હોય.
દેખાવનાં કેટલાંક પાસાઓ અલગ-અલગ ગ્રૂપ માટે મજબૂત સાંસ્કૃતિક અર્થ ધરાવતાં હોય છે. આ તમારા અવતારને તમારા અસલ સ્વરૂપ અને તમારાં મૂલ્યોની રજૂઆત કરવામાં મદદ કરી શકે છે. પરંતુ અન્ય લોકો માટે મહત્ત્વપૂર્ણ અર્થ ધરાવતી વસ્તુઓ પસંદ કરવી એ અનાદરપૂર્ણ હોવાનું જોવામાં આવી શકે છે, પછી ભલેને તમારો ઉદ્દેશ્ય તેમ કરવાનો ન હતો!
તમે તમારા અવતાર માટે જે વસ્તુઓનો ઉપયોગ કરો છો તેના વિશે અન્ય લોકો પણ અલગ-અલગ સમજ ધરાવતા હોઈ શકે છે. ગેરસમજો થઈ શકે છે. અન્ય લોકો માટે વિવિધ પ્રતીકોનો શું અર્થ થાય તે પૂછવું મદદરૂપ થઈ શકે છે, ખાસ કરીને જો ગેરસમજો હોય તો.
જેમ-જેમ તમે અન્ય લોકોની સાથે ઓનલાઇન સહભાગિતા કરો, તેમ-તેમ તમે તેઓ સ્વયંની જે રીતે રજૂઆત કરે છે તેના આધારે કઈ ધારણાઓ બાંધી રહ્યા છો? શું તે ધારણાઓની તમે તેમની સાથે કેવી રીતે ઇન્ટરેક્ટ કરો છો તેની પર અસર પડે છે? ખાતરી કરો કે તમે કોઈ પણ ધારણા બાંધવાની પહેલાં હંમેશાં સ્પષ્ટપણે પૂછી લો છો.
સ્ટાર તપાસ - આદરપૂર્ણ બનવું
જો તમે કોઈ એવા અવતારને પસંદ કરો છો કે જે ભૌતિક વિશ્વમાં તમે જેવા દેખાઓ છો તેના કરતાં અલગ દેખાતો હોય, તો એ તપાસો કે તમે એ લોકો વિશે કયા મેસેજ મોકલી રહ્યા છો કે જેમનો શારીરિક દેખાવ આના જેવો દેખાતો હોય. કોઈ વયસ્ક કે મિત્રને પૂછો: “શું આ કોઈ બીજી વ્યક્તિને નિરાશ કરનારું હોઈ શકે છે?”
સ્વયંને પૂછો:
- આ અવતાર વડે હું શું કહેવા/અભિવ્યક્ત કરવાનો પ્રયાસ કરું છું? શું આ માયાળુ, અસલ અને આદરપૂર્ણ છે? શું અન્ય લોકોને ગેરસમજ થઈ શકે છે?
- જો કોઈ વ્યક્તિ આ પ્રકારે અનાદરપૂર્ણ વ્યવહાર કરી રહી છે તો હું મારી કોમ્યુનિટીના સભ્યોનો કેવી રીતે સપોર્ટ કરી શકું?
- શું આ અવતાર મારા વાસ્તવિક સ્વરૂપ અને મૂલ્યોને અભિવ્યક્ત કરી રહ્યો છે? શું તે મને એકંદરે મારા સ્વને પ્રસ્તુત કરવામાં સ્વતંત્ર બનાવે છે? શું તે સામાજિક ધોરણોને અનુરૂપ છે કે પછી તેની વિરુદ્ધ જાય છે?
ધારણા બાંધશો નહીં! હંમેશાં બીજી કોઈ વ્યક્તિની ઓળખો વિશે પૂછો. અને જો તમને વર્ચ્યુઅલ સ્પેસમાં અનાદરપૂર્ણ ઇન્ટરેક્શન દેખાય, તો કોઈ વિશ્વસનીય વયસ્કને સામેલ કરો. એ યાદ રાખો કે વર્ચ્યુઅલ સ્પેસમાં આદરપૂર્ણ વ્યવહાર માટેના નિયમો અને તેમનો ભંગ કરનારાં લોકોની જાણ કરવા માટેનાં ટૂલ હોઈ શકે છે.
એક સ્ટાર અવતાર!
યાદ રાખો, તમારા અવતારોને સમજી-વિચારીને બનાવો. તમારાં અને અમારી કોમ્યુનિટીનાં છે તે મૂલ્યોના સંદર્ભમાં સ્વયં પ્રત્યે સાચા રહો.
સ્ટાર સંબંધી છેવટની તપાસ:
- જો તમે એ બાબતે સુનિશ્ચિત નથી કે તમારો અવતાર યોગ્ય સંદેશ મોકલી રહ્યો છે, તો માતા-પિતા, વાલી કે અન્ય વિશ્વસનીય વ્યક્તિ સાથે વાત કરો. તેમને પૂછો કે તમારો અવતાર તેમને શું કહી રહ્યો છે? શું તે એ જ મેસેજ મોકલી રહ્યો છે કે જે મોકલવા માંગતા હતા?
- અન્યોની સાથે પણ આ જ કામ કરો! જો તમને લાગતું હોય કે તમારા મિત્રનો અવતાર અન્ય લોકો પ્રત્યે અજાણતા અથવા અનાદરપૂર્ણ કંઈક અભિવ્યક્ત કરી રહ્યું હોઈ શકે, તો વિચારવંત બનવામાં તેમની મદદ કરો. ઉદાહરણ તરીકે, તેમને પૂછો કે જ્યારે તેઓએ તેમનો અવતાર ડિઝાઇન કરેલો ત્યારે તે શું વિચારતા હતા અથવા તેમને શું લાગે છે કે અન્ય લોકો આના વિશે શું “વાંચી” શકે છે.
- તમારા અવતારના અનુભવોને કોઈ વિશ્વસનીય વયસ્કની સાથે શેર કરો, ખાસ કરીને જો તેનાથી તમને અસહજતાની અનુભૂતિ થતી હોય તો.
તમારા તરુણ/તરુણીની “સ્ટાર” અવતાર બનાવવામાં મદદ કરવા અંગેની માતા-પિતા અને વાલીઓ માટેની બારાખડી
પૂછો: તમારા તરુણ/તરુણીને તેમના અવતાર વિશે પૂછો:
- તમારા તરુણ/તરુણી માટે તેમના પોતાના કયા ભાગો તેમના અવતાર વડે બતાવવા મહત્ત્વપૂર્ણ છે અને શા માટે? શું તેનો આશય લોકોને હસાવવાનો છે? ઓળખ અથવા ગ્રૂપમાં જોડાવા માંગો છો? સંપૂર્ણપણે એક અલગ અથવા મહત્વાકાંક્ષી વ્યક્તિત્વને અજમાવી જોવા માંગો છો? તેમના શારીરિક દેખાવ સાથે જે મેળ ખાતું હોવાનું તમને મળી આવે તેવા કોઈ પાસાને તથા જે મેળ ખાતું ન હોય તેવા કોઈ પાસાને એમ બંનેને હાઇલાઇટ કરવાનો પ્રયાસ કરો અને તે પસંદગીઓ વિશે પૂછો.
પૂછો: “મને તમારા અવતાર વિશે જણાવો. તમે લોકોને તમારા પોતાના વિશે શું જણાવવા માંગી રહ્યા છો?”
- અન્ય લોકો તેમના અવતાર સાથે કેવી રીતે ઇન્ટરેક્ટ કરે છે અને વર્ચ્યુઅલ સ્પેસમાં હોવાના તેમના અનુભવ વિશે તમારા તરુણ/તરુણીની સાથે વાત કરો. તેમને યાદ કરાવો કે ઇન્ટરેક્શનનો સંદર્ભ મહત્ત્વપૂર્ણ છે અને પોતાની સ્વ-અભિવ્યક્તિને સમગ્ર ઇન્ટરેક્શન, ટેક્નોલોજી અને ઓડિયન્સની સાથે અનુકૂલિત કરવામાં મદદ કરો. તમારા તરુણ/તરુણીના અનેક અવતાર હોઈ શકે છે, તેથી તેનો ઉપયોગ ક્યારે કરવો તે વિશે તેઓ જે પસંદગીઓ કરે તે વિશે તેમને પૂછો.
પૂછો: “તમારા નવા અવતાર પર લોકો કેવી પ્રતિક્રિયા આપી રહ્યાં છે? તમે જેની સાથે ઇન્ટરેક્ટ કરો છો તેને જોતાં, તમે શા માટે આ ઍપ માટે આ અવતારને પસંદ કર્યો?”
સામેલ થાઓ: તમારા તરુણ/તરુણી તેમનો અવતાર બનાવી રહ્યા હોય ત્યારે તેમની સાથે સહયોગાત્મક રહો. તમારો પોતાનો અવતાર બનાવી જુઓ અને તેમની પાસેથી તમારી મદદ કરાવડાવો! સાથે મળીને લક્ષણોની સાથે અખતરા કરો અને તેમની સ્વ-રજૂઆત વિશે વિચારવામાં તેમની મદદ કરો.
સામેલ થાઓ:તમારા તરુણ/તરુણીની સાથે કોઈ થીમ અથવા મૂડ પસંદ કરો અને આને અભિવ્યક્ત કરતા અવતાર બનાવવા માટે સાથે મળીને કામ કરો. એકબીજાને એવી પસંદગીઓ કરવા માટે પ્રોત્સાહિત કરો કે જે તમે ભૌતિક વિશ્વમાં કેવા દેખાઓ છો તેની સમાન અથવા તેનાથી અલગ હોય. એકબીજાને પૂછો કે કેટલાંક પાસાઓને અલગ રીતે રજૂ કરવામાં કેવું લાગે છે.
સામેલ થાઓ:તમારા તરુણ/તરુણીને અન્ય લોકોના અવતારના અર્થ વિશે પૂછો: “મને તે વિશે જણાવશો? શું તમને લાગે છે કે તેનાં અન્ય અર્થઘટનો હોઈ શકે છે?”
અન્ય લોકોને સાંસ્કૃતિક ચિહ્નો અને પ્રતીકોના તેમના ઉપયોગ વિશે વિચારવંત પ્રશ્નો પૂછવાનું આદર્શરૂપ વર્તન કરો: “તમારા અવતારની [વસ્તુ] મારા ધ્યાનમાં આવી રહી છે. તમારા માટે આનો શું અર્થ થાય તે વિશે શું તમે મને જણાવી શકો છો”?
નિયંત્રણો: Meta, જ્યાં તેઓ તેમના અવતારનો ઉપયોગ કરી રહ્યા હોઈ શકે તેવા અનુભવોને નેવિગેટ કરવા માતા-પિતા અને તરુણ/તરુણીઓ માટે ટૂલ ઓફર કરે છે. તમારા તરુણ/તરુણીની સાથે એવા માહોલ (સેટિંગ)ને શોધવા માટે સહયોગપૂર્ણ રીતે કામ કરો કે જે તમારા કુટુંબ માટે કામ કરે અને સુરક્ષિત વાતાવરણ બનાવવામાં મદદ કરી શકે.
બોલવા કે પ્રતિક્રિયા આપવા પહેલાં જરા થોભો!
તરુણ/તરુણીઓ તેમની ઓળખ અને વ્યક્તિત્વને વિકસાવી રહ્યાં છે. તરુણ/તરુણીઓ મોટા થઈને પોતાના વ્યક્તિત્વને ખીલવતા હોય ત્યારે તેમના દ્વારા આ પાસાઓ અંગે વિચાર કરવામાં આવે અને તેની સાથે અખતરા કરવામાં આવે એ સામાન્ય બાબત છે.
વર્ચ્યુઅલ સ્પેસમાં રિપોર્ટિંગ અને અમલીકરણ માટે કોમ્યુનિટીના નિયમો અને ટૂલ હોય છે, જે કદાચ ભૌતિક જગ્યાઓમાં અસ્તિત્વમાં ન હોય. આ અનુભવો તમારા તરુણ/તરુણી માટે પોતાના અલગ-અલગ ભાગો અને તેમના વ્યક્તિત્વની સાથે સુરક્ષિત રીતે પ્રયોગ કરવા માટે એક સારી જગ્યા હોઈ શકે છે.
તેમ છતાં, તમારે તમારા તરુણ/તરુણીની સાથે મુશ્કેલ વિષયો, જેમ કે ધાકધમકી અને સતામણી અથવા બહુ સારી રીતે આદર્શ બનાવેલા અવતારોને જોયા પછી તેમના દેખાવથી અસંતોષ વિશે વાતચીતો કરવા માટે તૈયાર રહેવું જોઈએ.
તરુણ/તરુણીઓ તેમની ઓળખ અને વ્યક્તિત્વને વિકસાવી રહ્યાં છે. તરુણ/તરુણીઓ મોટા થઈને પોતાના વ્યક્તિત્વને ખીલવતા હોય ત્યારે તેમના દ્વારા આ પાસાઓ અંગે વિચાર કરવામાં આવે અને તેની સાથે અખતરા કરવામાં આવે એ સામાન્ય બાબત છે.
વર્ચ્યુઅલ સ્પેસમાં રિપોર્ટિંગ અને અમલીકરણ માટે કોમ્યુનિટીના નિયમો અને ટૂલ હોય છે, જે કદાચ ભૌતિક જગ્યાઓમાં અસ્તિત્વમાં ન હોય. આ અનુભવો તમારા તરુણ/તરુણી માટે પોતાના અલગ-અલગ ભાગો અને તેમના વ્યક્તિત્વની સાથે સુરક્ષિત રીતે પ્રયોગ કરવા માટે એક સારી જગ્યા હોઈ શકે છે.
તેમ છતાં, તમારે તમારા તરુણ/તરુણીની સાથે મુશ્કેલ વિષયો, જેમ કે ધાકધમકી અને સતામણી અથવા બહુ સારી રીતે આદર્શ બનાવેલા અવતારોને જોયા પછી તેમના દેખાવથી અસંતોષ વિશે વાતચીતો કરવા માટે તૈયાર રહેવું જોઈએ.
રચનાત્મક વાતચીતો માટેની ટિપ્સ
- તરુણ/તરુણીઓને તેમના અવતાર માટે તેમણે ચોક્કસ લાક્ષણિકતાઓ શા માટે પસંદ કરી તેનું વર્ણન કરવા માટે તેમને આમંત્રણ આપીને તેમનાં મૂલ્યોને અનુરૂપ હોય તેવી પસંદગીઓ કરવામાં મદદ કરો.
- તરુણ/તરુણીઓને અન્યો સાથે આવું કરવા માટે પ્રોમ્પ્ટ કરો. દેખાવના આધારે ધારણાઓ બાંધવાને બદલે ઓળખ વિશેના પ્રશ્નોને પૂછવા માટે પ્રોત્સાહિત કરો.
- તે રીતો વિશે વાત કરો કે જેનાથી અલગ-અલગ કોમ્યુનિટી કસ્ટમાઇઝેશન વિકલ્પોનો ઉપયોગ કરી શકે છે અને જો તેઓ તે કોમ્યુનિટીનો ભાગ ન હોય તો તેનો આદરપૂર્વક ઉપયોગ કેવી રીતે કરવો.
સંબંધિત સંસાધનો
ઓનલાઇન સામાજિક સરખામણી અને સકારાત્મક સ્વ-છબી | The Jed Foundation
વધુ વાંચો
