Facebook અને Messenger તરુણ/તરુણીનાં એકાઉન્ટ: બિલ્ટ-ઇન રક્ષણો કેવી રીતે તમારા તરુણ/તરુણીને સલામત રાખવામાં મદદ કરે છે
Meta દ્વારા લિખિત
8 એપ્રિલ, 2025
13+ કન્ટેન્ટ સેટિંગ સહિત Facebook અને Messenger તરુણ/તરુણીનાં એકાઉન્ટનાં રક્ષણોની રચના માતા-પિતાને મનની શાંતિ આપવા માટે થઈ છે, એ જાણતા કે રક્ષણાત્મક સેટિંગ ઓટોમેટિક રીતે ચાલુ થઈ જાય છે – તે પણ માતા-પિતાએ કંઈપણ કરવાની જરૂર પડ્યા વિના.
તરુણ/તરુણીઓ માટે વધારાનાં રક્ષણો સાથે 13+ કન્ટેન્ટ સેટિંગ Facebook અને Messenger તરુણ/તરુણીનાં એકાઉન્ટ પર આ વર્ષના ઘટનાક્રમ દરમિયાન તબક્કાવાર રજૂ થઈ રહ્યાં છે.
તરુણ/તરુણીઓ માટે બિલ્ટ-ઇન સંરક્ષણો
અમે ઇચ્છીએ છીએ કે તરુણ/તરુણીઓને વધુ સુરક્ષિત અને વધુ સકારાત્મક ઓનલાઇન અનુભવો મળે અને અમે Facebook અને Messenger તરુણ/તરુણીનાં એકાઉન્ટની રચના માતા-પિતાની સૌથી મોટી ચિંતાઓને ઉકેલવામાં મદદ માટે કરી છે. 13થી 17 વર્ષના Facebook અને Messenger યુઝર પાસે આપમેળે જ નીચે મુજબની બધી સુવિધાઓ હશે:
- ઓડિયન્સ મર્યાદિત કરવું: તરુણ/તરુણીનાં એકાઉન્ટનાં સેટિંગમાં તેમની પોસ્ટ, સ્ટોરી, રીલ, મિત્રોનું લિસ્ટ અને તેઓ ફોલો કરે છે તે પેજ કોણ જોઈ શકે તે ઓટોમેટિક રીતે "મિત્રો" પર સેટ હશે.
- વયાનુસાર ઉપયુક્ત પ્રતિબંધો: તરુણ/તરુણીઓ, 13+ સેટિંગમાં હોય ત્યારે તરુણ/તરુણીઓ માટે અયોગ્ય હોય તેવા કન્ટેન્ટને પ્રાથમિક રીતે શેર કરતી પ્રોફાઇલ અથવા પેજને ફોલો કરવાની, તેમને શોધવાની, તેમની સાથે ઇન્ટરેક્ટ કરવાની અથવા તેમનું કન્ટેન્ટ જોવાની તેમની ક્ષમતામાં મર્યાદિત હશે.
- શોધો: અમે આત્મહત્યા, પોતાને ઈજા પહોંચાડવા અને ભોજન સંબંધી વિકારો જેવા અમુક સંવેદનશીલ વિષયોને લગતા શોધ શબ્દોને પહેલાંથી જ બ્લોક કરીએ છીએ. હવે અમે પરિપક્વ શોધ શબ્દોની વધુ વ્યાપક રેન્જ, જેમ કે 'આલ્કોહોલ' અથવા 'રક્તપાત' માટેનાં કન્ટેન્ટ પરિણામોને જોવાની તરુણ/તરુણીઓની ક્ષમતાને બ્લોક કરીશું— અને અમે એ વાતની ખાતરી કરવા માટે કામ કરી રહ્યા છીએ કે જો આ શબ્દોની જોડણી ખોટી હશે તો હજી પણ તે બ્લોક થયેલા રહેશે.
- મેસેજિંગ સંબંધી પ્રતિબંધો: તરુણ/તરુણીઓ પાસે ઓટોમેટિક રીતે વધુ રક્ષણાત્મક મેસેજ ડિલિવરી સેટિંગ હશે. ફક્ત Facebook મિત્રો અથવા અન્ય કનેક્શન (દા.ત. અગાઉ તેમણે જેમને મેસેજ મોકલ્યાં હોય તે લોકો) જ તેમની સાથે ચેટ કરી શકશે. તેમનો ફોન નંબર ધરાવનારાં લોકો તેમને મેસેજની વિનંતી મોકલી શકશે. તરુણ/તરુણીઓ માટે અયોગ્ય હોય તેવું કન્ટેન્ટ મુખ્યત્વે શેર કરતી પ્રોફાઇલ અને પેજને મેસેજ મોકલવાની અથવા તેની સાથે ઇન્ટરેક્ટ કરવાની તરુણ/તરુણીઓની ક્ષમતા મર્યાદિત કરવામાં આવશે.
- કન્ટેન્ટ સંબંધી પ્રતિબંધો: તરુણ/તરુણીઓ સામાન્ય રીતે પોસ્ટ, રીલ અને સ્ટોરી જેવા કન્ટેન્ટને જોશે કે જે ઉંમર 13+ માટે રેટિંગ આપવામાં આવેલા કન્ટેન્ટમાં તેઓ જોશે તેની સમાન હશે.
- લાઇવ બ્રોડકાસ્ટને લગતા પ્રતિબંધો: લાઇવ બ્રોડકાસ્ટિંગ 18 વર્ષથી ઓછી ઉંમરના બધા તરુણ/તરુણીઓ માટે ડિફોલ્ટ રૂપથી બંધ હોય છે. 16 વર્ષથી ઓછી ઉંમરનાં તરુણ/તરુણીઓને આ સુવિધા ચાલુ કરવા માટે માતા-પિતા દ્વારા થતી દેખરેખની જરૂર રહેશે.
- મર્યાદિત ઇન્ટરેક્શન: તરુણ/તરુણીઓને તેમની પ્રોફાઇલ પર પોસ્ટ દેખાય તે પહેલાં તેઓ જેમાં ટેગ થયેલાં છે તે પોસ્ટની સમીક્ષા કરવાની જરૂર પડશે. તરુણ/તરુણીનાં એકાઉન્ટમાં "તમારી ભાવિ સાર્વજનિક રીલને રીમિક્સ કરવાની કોઈને પણ મંજૂરી આપો"ના સેટિંગ "બંધ" પર સેટ હશે.
- સમય મર્યાદાનાં રિમાઇન્ડર: તરુણ/તરુણીઓ દરરોજ 60 મિનિટ પછી Facebookને બંધ કરવા માટે કહેતાં નોટિફિકેશન મેળવશે.
- સ્લીપ મોડ ચાલુ: રાત્રે 10 વાગ્યાથી સવારે 7 વાગ્યાની વચ્ચે સ્લીપ મોડ ચાલુ કરવામાં આવશે, જે રાત્રે આવનારાં Facebook નોટિફિકેશનને મ્યૂટ કરશે.
Facebook અને Messenger તરુણ/તરુણીનાં એકાઉન્ટ સાથે દેખરેખની સુવિધાનો ઉપયોગ કરવો
'દેખરેખ' એવાં ટૂલ અને જાણકારીનો એક સેટ છે કે જેનો ઉપયોગ માતા-પિતા અને ગાર્ડિયન Facebook અને Messenger પર તેમનાં તરુણ/તરુણીઓ (13-17 વર્ષની ઉંમરનાં અથવા કેટલાક પ્રદેશોમાં 14-17)ને સપોર્ટ આપવામાં મદદ મળે તે માટે કરી શકે છે. તરુણ/તરુણીનાં એકાઉન્ટ વડે, દેખરેખની સુવિધા માતા-પિતા અને ગાર્ડિયન માટે તેમના તરુણ/તરુણીના સલામતી માટેનાં સેટિંગ જોવાનું અને અમુક ચોક્કસ સેટિંગને ઓછા સુરક્ષાત્મક બનાવવા માટેની તેમની વિનંતીઓને મંજૂર કરવા અથવા નકારવાનું પણ ચાલુ કરે છે. હજી વધુ સુરક્ષાત્મક બનાવવા માટે માતા-પિતા અને ગાર્ડિયન સમય મર્યાદાઓ સેટ કરી શકે છે અને તરુણ/તરુણીના સલામતી માટેનાં અન્ય સેટિંગ પણ કરી શકે છે.
જ્યારે તરુણ/તરુણીનાં એકાઉન્ટ સાથે દેખરેખની સુવિધા સેટ અપ કરેલી હોય, ત્યારે માતા-પિતા:
- દૈનિક મર્યાદા અને સ્લીપ મોડ વડે Facebook પર તેમના તરુણ/તરુણીના સમયને સંચાલિત કરી શકે છે.
- અમુક ચોક્કસ સેટિંગને ઓછા સુરક્ષાત્મક બનાવવા માટેની તેમના તરુણ/તરુણીની વિનંતીને મંજૂર કરી શકે છે અથવા નકારી શકે છે.
- તેમના Facebook મિત્રો, Messenger સંપર્કનું લિસ્ટ અને તેમણે કોને બ્લોક કર્યા છે તે સહિત તેમના તરુણ/તરુણી Facebook અને Messengerનો ઉપયોગ કેવી રીતે કરે છે તે વિશેની જાણકારી જોઈ શકે છે.
જો તરુણ/તરુણીના એકાઉન્ટ પર દેખરેખની સુવિધા સેટ અપ કરવામાં આવી હોય, તો માતા-પિતા અથવા ગાર્ડિયનને તરુણ/તરુણીના એકાઉન્ટનાં સેટિંગને ઓછાં રક્ષણાત્મક બનાવતા ફેરફારોને મંજૂર કરવાની જરૂર પડશે, સિવાય કે તરુણ/તરુણીને તેમનાં સેટિંગને તેમની જાતે અપડેટ કરવાની પરવાનગી આપવામાં આવી હોય.
દેખરેખ સંબંધી ટૂલ કેવી રીતે કામ કરે છે તેના પરની વધુ માહિતી અહીં મળી શકે છે તરુણ/તરુણીનાં એકાઉન્ટ માટે માતા-પિતા અથવા ગાર્ડિયનની દેખરેખ વિશે વારંવાર પૂછાતા પ્રશ્નો.
માતા-પિતાને મનની શાંતિ મળે તેમાં મદદ માટેની ટિપ્સ
તરુણ/તરુણીનાં એકાઉન્ટ એ તમારાં તરુણ/તરુણીઓ માટે એક શ્રેષ્ઠ શરૂઆત છે, પરંતુ તેમના ઓનલાઇન વપરાશ વિશે તમારા તરુણ/તરુણી સાથે નિખાલસ અને પ્રામાણિક વાતચીત કરવી એ હંમેશાં તેમનો ઓનલાઇન અનુભવ સકારાત્મક છે તેની ખાતરી કરવા માટેની એક સૌથી અસરકારક રીત છે. શરૂઆત કરવા માટેની અહીં કેટલીક ટિપ્સ આપી છે:
- ઓનલાઇન સલામતી વિશે તમારા તરુણ/તરુણી સાથે વાત કરવી: તમારા તરુણ/તરુણીને તેઓ શું બનાવે છે અને અન્ય લોકો સાથે શેર કરે છે તે વિશે વિચારપૂર્ણ અને જવાબદાર રહેવા માટે પ્રોત્સાહિત કરો.
- સીમાઓ અને અપેક્ષાઓ સેટ કરવી: તમારા તરુણ/તરુણીના સ્ક્રીન સમય પર મર્યાદાઓ સેટ કરવા અને તેમની એક્ટિવિટીનું નિરીક્ષણ કરવા માટે તમે દેખરેખ સંબંધી ટૂલનો ઉપયોગ કેવી રીતે કરશો તેના પર તમારા તરુણ/તરુણી સાથે સ્પષ્ટ રહો.
- સામેલ થયેલા રહો: તમારા તરુણ/તરુણીના ઓનલાઇન જીવનમાં સક્રિય રુચિ લો અને તેમને સલામત રહેવામાં મદદ માટે નિયમિત રીતે તેમના અનુભવો વિશે પ્રશ્નો પૂછો.
વધારાનાં સંસાધનો
Meta ફેમિલી સેન્ટરમાં સોશિયલ મીડિયાનો ઉપયોગ કરી રહેલાં તરુણ/તરુણીઓના માતા-પિતા માટે ડઝનબંધ લેખો છે. વધારાના સપોર્ટ માટે, અમારા સંસાધન હબની મુલાકાત લો અથવા નીચેના લેખ પૈકી એક પર એક નજર નાખો:
- તમારા બાળકને ઓનલાઇન સપોર્ટ કરવા માટેનાં 5 પગલાં | ફેમિલી સેન્ટર
- ઓનલાઇન વયાનુસાર-ઉપયુક્ત કન્ટેન્ટ: માતા-પિતા માટે તેનો શું અર્થ થાય
- તમારાં બાળકો સાથે તેમના ડિજિટલ વ્યક્તિત્વ વિશે વાતચીતો શરૂ કરવી | ફેમિલી સેન્ટર
- સોશિયલ મીડિયા માટેની પેરેન્ટિંગ ટિપ્સ | ફેમિલી સેન્ટર
- તરુણ/તરુણીઓ સાથે સ્વસ્થ ઓનલાઇન ઇન્ટરેક્શન વિશે વાત કરવી | ફેમિલી સેન્ટર
Meta ખાતે, અમે તમારા તરુણ/તરુણીને ઓનલાઇન વધુ સલામત રાખવામાં તમારી મદદ કરવા સમર્પિત છીએ. Facebook અને Messenger તરુણ/તરુણીનાં એકાઉન્ટ સાથે, તમારા તરુણ/તરુણી, વધુ સુરક્ષિત અને સકારાત્મક ડિજિટલ વાતાવરણ બનાવવા માટે ડિઝાઇન કરવામાં આવેલી વિવિધ સુવિધાઓ અને ટૂલ દ્વારા સુરક્ષિત છે. સાથે મળીને કામ કરીને, અમે તમારા તરુણ/તરુણીને સ્વસ્થ ઓનલાઇન ટેવો કેળવવામાં અને વધુ સલામત ઓનલાઇન અનુભવનો આનંદ લેવામાં મદદ કરી શકીએ છીએ.
સંબંધિત સંસાધનો
કરોડો તરુણ/તરુણીઓ હવે તરુણ/તરુણીનાં એકાઉન્ટમાં છે, ઉપરાંત અમે સ્કૂલો અને શિક્ષકો માટે વધુ સપોર્ટ ઉમેરી રહ્યાં છીએ
વધુ વાંચો
