ಸಾಮಾಜಿಕ ಮಾಧ್ಯಮ ಮತ್ತು ಆತ್ಮಹತ್ಯೆ ತಡೆಗಟ್ಟುವಿಕೆ: ಸಹಾಯವನ್ನು ಹುಡುಕುವುದು ಮತ್ತು ಸಹಾಯ ಮಾಡುವುದು ಹೇಗೆ

Meta ದಿಂದ ಬರೆಯಲ್ಪಟ್ಟಿದೆ

ಮಾರ್ಚ್ 12, 2024

ಹೊರಾಂಗಣದಲ್ಲಿ ಪರಸ್ಪರ ತೋಳುಗಳನ್ನು ಹಿಡಿದುಕೊಂಡು ನಗುತ್ತಾ ನಡೆಯುತ್ತಿರುವ ಇಬ್ಬರು.

ಆತ್ಮಹತ್ಯೆಯು ಒಂದು ಕ್ಲಿಷ್ಟಕರ ವಿಷಯವಾಗಿದೆ ಆದರೆ ನಾವು ಅದರ ಕುರಿತಾಗಿ ಮಾತನಾಡಬೇಕು. ವಯಸ್ಕರಂತೆ, ಟೀನ್ಸ್ ಈ ಭೀಕರ ವಿದ್ಯಮಾನಕ್ಕೆ ಒಳಗಾಗಬಹುದು. ಹದಿಹರೆಯದವರ ಜೀವನದಲ್ಲಿ ಪೋಷಕರು, ಪಾಲಕರು, ಶಿಕ್ಷಕರು ಮತ್ತು ಇತರ ವಿಶ್ವಾಸಾರ್ಹ ವ್ಯಕ್ತಿಗಳು ಆತ್ಮಹತ್ಯೆಗೆ ಸಂಬಂಧಿಸಿದ ಆಲೋಚನೆಗಳು, ಭಾವನೆಗಳು ಅಥವಾ ನಡವಳಿಕೆಗಳ ಚಿಹ್ನೆಗಳನ್ನು ಅರ್ಥಮಾಡಿಕೊಳ್ಳಲು ಪ್ರಮುಖ ಪಾತ್ರ ವಹಿಸುತ್ತಾರೆ.

ಟೀನ್ಸ್ ಜೊತೆಗೆ ಆತ್ಮಹತ್ಯೆಯ ಕುರಿತು ಮಾತನಾಡುವಾಗ ಸಹಾಯಕವಾಗುವ ಭಾಷೆ.

ಈ ಸಮಸ್ಯೆಯ ಕುರಿತು ನಿಮ್ಮ ಟೀನ್ ಜೊತೆಗೆ ಮಾತನಾಡುವುದು ಸುಲಭವಲ್ಲ, ಆದರೆ ನೀವು ಆ ಸಂಭಾಷಣೆಯನ್ನು ನಡೆಸುವಾಗ (ಅಥವಾ ಅವರು ಅದರ ಕುರಿತು ಮಾತನಾಡಿದರೆ), ಅದರಿಂದ ಹಿಂದೆ ಸರಿಯಬೇಡಿ.

ಯಾವಾಗಲೂ ಸಹಾಯವಾಗುವ ರೀತಿಯಲ್ಲಿ ಸಮಸ್ಯೆಗಳನ್ನು ಪರಿಹರಿಸುವತ್ತ ಕಾಳಜಿ ವಹಿಸಿ. ನೀವು ಭಾಷೆ ಮತ್ತು ಸಂದರ್ಭವನ್ನು ಬಳಸುವ ವಿಧಾನದ ಕುರಿತು ಹೆಚ್ಚು ಗಮನ ಹರಿಸಿ. ನೀವು ಆಯ್ಕೆ ಮಾಡುವ ಪದಗಳು ಸಂಭಾಷಣೆಯ ಮೇಲೆ ಆಳವಾದ ರೀತಿಯಲ್ಲಿ ಪರಿಣಾಮ ಬೀರಬಹುದು. ನಿಮ್ಮ ಸಂಭಾಷಣೆಯ ಪ್ರಾರಂಭದಲ್ಲಿ ಭರವಸೆ, ಚೇತರಿಕೆ ಮತ್ತು ಸಹಾಯ-ಅಪೇಕ್ಷೆಯ ಸ್ಟೋರೀಸ್ ಅನ್ನು ಇರಿಸಿ. ಅವರು ತಮ್ಮ ಭಾವನೆಗಳನ್ನು ಹಂಚಿಕೊಳ್ಳಲು ಆರಾಮದಾಯಕವಾದ ಸ್ಪೇಸ್ ಅನ್ನು ರಚಿಸಿ. ನೀವು ಅವರನ್ನು ಪ್ರೀತಿಸುತ್ತೀರಿ ಮತ್ತು ಸಹಾಯವು ಯಾವಾಗಲೂ ಲಭ್ಯವಿರುತ್ತದೆ ಎಂಬುದಾಗಿ ಅವರಿಗೆ ತಿಳಿಸಿ.

ಯುವಜನರಿಗೆ ಮಾನಸಿಕ ಆರೋಗ್ಯ ಸೇವೆಗಳ ಮೇಲೆ ಕೇಂದ್ರೀಕರಿಸಿದ ಸಂಸ್ಥೆಯಾದ ನಮ್ಮ ಪಾಲುದಾರ Orygen ನಿಂದ ಒಗ್ಗೂಡಿಸಲ್ಪಟ್ಟ ಮಾರ್ಗದರ್ಶಿಯಿಂದ ಉಪಯುಕ್ತವಾದ ಭಾಷೆಯ ಕೆಲವು ಉದಾಹರಣೆಗಳನ್ನು ಕೆಳಗೆ ನೀಡಲಾಗಿದೆ. ಆತ್ಮಹತ್ಯೆಯ ಕುರಿತು ಮಾತನಾಡುವಾಗ ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ಮುಖ್ಯವಾಗಿದೆ:

ಸಹಾಯಕ ಭಾಷೆ

ವ್ಯಕ್ತಿ “ಆತ್ಮಹತ್ಯೆಯಿಂದ ಮರಣ ಹೊಂದಿದ್ದಾರೆ” ಎಂದು ಹೇಳಲು ಪ್ರಯತ್ನಿಸಿ (“ಆತ್ಮಹತ್ಯೆ ಮಾಡಿಕೊಳ್ಳುವ” ಬದಲಿಗೆ - ಕೆಳಗಿನ ಸಹಾಯಕವಲ್ಲದ ಭಾಷೆಯ ಉದಾಹರಣೆಗಳನ್ನು ನೋಡಿ).
ಆತ್ಮಹತ್ಯೆಯು ಜಟಿಲವಾಗಿದೆ ಮತ್ತು ಒಬ್ಬ ವ್ಯಕ್ತಿಯು ತನ್ನ ಜೀವನವನ್ನು ಕೊನೆಗೊಳಿಸಲು ಅನೇಕ ಅಂಶಗಳು ಕಾರಣವಾಗುತ್ತವೆ ಎಂಬುದಾಗಿ ಸೂಚಿಸಿ.
ಭರವಸೆ ಮತ್ತು ಚೇತರಿಕೆಯ ಸಂದೇಶಗಳನ್ನು ಸೇರಿಸಿ.
ಆತ್ಮಹತ್ಯೆಯ ಕುರಿತು ಯೋಚಿಸುತ್ತಿರುವ ಇತರರಿಗೆ ಅವರು ಎಲ್ಲಿ ಮತ್ತು ಹೇಗೆ ಸಹಾಯ ಪಡೆಯಬಹುದು ಎಂಬುದರ ಕುರಿತು ತಿಳಿಸಿ.
ಆತ್ಮಹತ್ಯೆಯಿಂದ ರಕ್ಷಿಸಲು ಸಹಾಯ ಮಾಡುವ ಅಂಶಗಳ ಮಾಹಿತಿಯನ್ನು ಸೇರಿಸಿ, ಉದಾಹರಣೆಗೆ ಅವರ ನೆಚ್ಚಿನ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದು ಮತ್ತು ಅವರ ಸ್ನೇಹಿತರೊಂದಿಗೆ ಸುತ್ತಾಡುವುದು.
ಆತ್ಮಹತ್ಯೆಯನ್ನು ತಡೆಗಟ್ಟಬಹುದು, ಸಹಾಯ ಲಭ್ಯವಿದೆ, ಚಿಕಿತ್ಸೆಗಳು ಯಶಸ್ವಿಯಾಗುತ್ತವೆ ಮತ್ತು ಚೇತರಿಕೆ ಸಾಧ್ಯ ಎಂಬುದಾಗಿ ಸೂಚಿಸಿ.
ಯುವಜನರು ತಮ್ಮ ಭಾವನೆಗಳ ಕುರಿತು ಮಾತನಾಡುವುದನ್ನು ಪ್ರೋತ್ಸಾಹಿಸಿ — ಅದು ಸ್ನೇಹಿತರು ವಿಶ್ವಾಸಾರ್ಹ ವಯಸ್ಕರು ಅಥವಾ ವೃತ್ತಿಪರರು ಆಗಿರಬಹುದು.

ಇದಕ್ಕೆ ವ್ಯತಿರಿಕ್ತವಾಗಿ, ಸಂಭಾಷಣೆಯನ್ನು ಸರಿಯಾದ ದಿಕ್ಕಿನಲ್ಲಿ ನಡೆಸದೆಯೇ ಆತ್ಮಹತ್ಯೆಯ ಕುರಿತು ಮಾತನಾಡಲು ಮಾರ್ಗಗಳಿವೆ.

ಸಹಾಯಕವಲ್ಲದ ಭಾಷೆ

ಆತ್ಮಹತ್ಯೆಯನ್ನು ಅಪರಾಧ ಅಥವಾ ಪಾಪ ಎಂದು ವಿವರಿಸುವ ಪದಗಳನ್ನು ಬಳಸಬೇಡಿ (“ಆತ್ಮಹತ್ಯೆ ಮಾಡಿಕೊಂಡರು” ಎನ್ನುವುದಕ್ಕಿಂತ “ಆತ್ಮಹತ್ಯೆಯಿಂದ ಮರಣ ಹೊಂದಿದ್ದಾರೆ” ಎಂದು ಹೇಳಿ). ಯಾರಾದರೂ ಏನನ್ನಾದರೂ ಅನುಭವಿಸುತ್ತಿದ್ದಾರೆ ಎಂದರೆ ಅದು ತಪ್ಪು ಅಥವಾ ಸ್ವೀಕಾರಾರ್ಹವಲ್ಲ ಎಂಬುದಾಗಿ ಇದು ಸೂಚಿಸಬಹುದು ಅಥವಾ ಅವರು ಸಹಾಯಕ್ಕಾಗಿ ಕೇಳಿದರೆ ಅವರನ್ನು ತಪ್ಪಾಗಿ ನಿರ್ಣಯಿಸಲಾಗುತ್ತದೆ ಎಂದು ಯಾರಾದರೂ ಚಿಂತಿಸುವಂತೆ ಮಾಡಬಹುದು.
ಸಮಸ್ಯೆಗಳು, ಜೀವನದ ಒತ್ತಡಗಳು ಅಥವಾ ಮಾನಸಿಕ ಆರೋಗ್ಯದ ತೊಂದರೆಗಳಿಗೆ ಆತ್ಮಹತ್ಯೆಯೇ 'ಪರಿಹಾರ' ಎಂದು ಹೇಳಬೇಡಿ.
ಮನಮೋಹಕಗೊಳಿಸುವ, ಭಾವಪ್ರಧಾನಗೊಳಿಸುವ ಅಥವಾ ಆತ್ಮಹತ್ಯೆಯನ್ನು ಆಕರ್ಷಕವಾಗಿ ತೋರಿಸುವ ಪದಗಳನ್ನು ಬಳಸಬೇಡಿ.
ಆತ್ಮಹತ್ಯೆಯನ್ನು ಕ್ಷುಲ್ಲಕಗೊಳಿಸುವ ಅಥವಾ ಕಡಿಮೆ ಪ್ರಮಾಣದಲ್ಲಿ ಜಟಿಲವಾಗಿದೆ ಎಂಬುದಾಗಿ ತೋರುವ ಪದಗಳನ್ನು ಬಳಸಬೇಡಿ.
ಒಂದೇ ಘಟನೆಯನ್ನು ದೂಷಿಸಬೇಡಿ ಅಥವಾ ಆತ್ಮಹತ್ಯೆಯು ಬೆದರಿಸುವಿಕೆ ಅಥವಾ ಸಾಮಾಜಿಕ ಮಾಧ್ಯಮ ಬಳಕೆಯಂತಹ ಒಂದೇ ಕಾರಣದ ಪರಿಣಾಮವಾಗಿದೆ ಎಂಬುದಾಗಿ ಸೂಚಿಸಬೇಡಿ.
ಕಟ್ಟುಕಥೆಗಳು, ಅಪಮಾನ, ಸ್ಟೀರಿಯೊಟೈಪ್‌ಗಳನ್ನು ಬಲಪಡಿಸುವ ಅಥವಾ ಆತ್ಮಹತ್ಯೆಯ ಬಗ್ಗೆ ಏನನ್ನೂ ಮಾಡಲಾಗುವುದಿಲ್ಲ ಎಂಬುದನ್ನು ಸೂಚಿಸುವ ನಿರ್ಣಯಾತ್ಮಕ ಪದಗುಚ್ಛಗಳನ್ನು ಬಳಸಬೇಡಿ.
ನೈಜ ಆತ್ಮಹತ್ಯೆಯ ಅಥವಾ ಆತ್ಮಹತ್ಯೆ ಪ್ರಯತ್ನದ ಬಗ್ಗೆ ವಿವರವಾದ ಮಾಹಿತಿಯನ್ನು ನೀಡಬೇಡಿ.
ಆತ್ಮಹತ್ಯೆ ವಿಧಾನಗಳು ಅಥವಾ ಆತ್ಮಹತ್ಯೆಯ ಸ್ಥಳದ ಬಗ್ಗೆ ಮಾಹಿತಿಯನ್ನು ನೀಡಬೇಡಿ.
ಒಂದು ನಿರ್ದಿಷ್ಟ ಸ್ಥಳದಲ್ಲಿ ಅಥವಾ 'ಹಾಟ್ ಸ್ಪಾಟ್' ನಲ್ಲಿ ಹಲವಾರು ಆತ್ಮಹತ್ಯಾ ಕೃತ್ಯಗಳು ನಡೆದಿದ್ದರೆ ಅದನ್ನು ಒಪ್ಪಿಕೊಳ್ಳಬೇಡಿ.

ಒಳಾಂಗಣದಲ್ಲಿ ಕುಳಿತಿರುವಾಗ ಫೋನ್ ನೋಡುತ್ತಿರುವ ಹೂಡಿ ಧರಿಸಿರುವ ವ್ಯಕ್ತಿ.

ಸಾಮಾಜಿಕ ಮಾಧ್ಯಮದಲ್ಲಿ ಟೀನ್ಸ್ ಆತ್ಮಹತ್ಯಾ ವರ್ತನೆಗಳ ಕುರಿತು ಎಚ್ಚರವಹಿಸಿ

ಆತ್ಮಹತ್ಯಾ ವರ್ತನೆಯ ಒಂದು ಎಚ್ಚರಿಕೆಯ ಸಂಕೇತವೆಂದರೆ ನಿಮ್ಮ ಟೀನ್ “ನಾನು ಕಣ್ಮರೆಯಾಗಲು ಬಯಸುತ್ತೇನೆ” ಅಥವಾ “ನಾನು ಇದನ್ನು ಕೊನೆಗೊಳಿಸಲು ಬಯಸುತ್ತೇನೆ” ಎಂದು ಹೇಳುವುದಾಗಿದೆ. ತಾವು ನಿರಾಶಾದಾಯಕ ಮತ್ತು ಅಸಹಾಯಕತನವನ್ನು ಅನುಭವಿಸುತ್ತಿರುವುದಾಗಿ ಅವರು ಸೂಚಿಸಬಹುದು ಅಥವಾ ತಾವು ಇತರರಿಗೆ ಭಾರವಾಗಿದ್ದೇವೆಂದು ಸೂಚಿಸಬಹುದು. ಅವರು ಸಾಮಾನ್ಯವಾಗಿ ಮಾಡುವ ಸಂಗತಿಗಳಲ್ಲಿ ಆಸಕ್ತಿಯನ್ನು ಕಳೆದುಕೊಂಡಿರಬಹುದು ಅಥವಾ ಅವರು ಹಿಂದು ಮುಂದು ನೋಡದೆಯೇ ಕಾರ್ಯನಿರ್ವಹಿಸುತ್ತಿರಬಹುದು.

Orygen ‌ನಿಂದ ಹೈಲೈಟ್ ಮಾಡಲ್ಪಟ್ಟಂತೆ, ಆತ್ಮಹತ್ಯೆ ಮಾಡಿಕೊಳ್ಳಬಹುದಾದ ಯುವ ವ್ಯಕ್ತಿಯು ಒಳಗೊಂಡಿರಬಹುದಾದ ಇತರ ಚಿಹ್ನೆಗಳು:

ಅವರಿಗೆ ನೋಯಿಸುವ ಅಥವಾ ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಬೆದರಿಕೆ ಹಾಕುವುದು
ಆತ್ಮಹತ್ಯೆಯ ಮೂಲಕ ಸಾಯುವ ಮಾರ್ಗಗಳನ್ನು ಹುಡುಕುವುದು (ಉದಾ. ಮಾತ್ರೆಗಳು, ಶಸ್ತ್ರಾಸ್ತ್ರಗಳು ಅಥವಾ ಇತರ ವಿಧಾನಗಳ ಆ್ಯಕ್ಸೆಸ್ ಅನ್ನು ಹುಡುಕುವುದು)
ಉದ್ದೇಶಪೂರ್ವಕವಾಗಿ ಅವನು/ಅವಳೇ ನೋವುಂಟುಮಾಡಿಕೊಳ್ಳುವುದು (ಅಂದರೆ ಪರಚುವುದು, ಕತ್ತರಿಸುವುದು ಅಥವಾ ಸುಡುವ ಮೂಲಕ)
ಮರಣ, ಸಾಯುವುದು ಅಥವಾ ಆತ್ಮಹತ್ಯೆಯ ಬಗ್ಗೆ ಮಾತನಾಡುವುದು ಅಥವಾ ಬರೆಯುವುದು
ಹತಾಶ ಪರಿಸ್ಥಿತಿ
ಸಿಟ್ಟು, ಕೋಪ, ಸೇಡು ತೀರಿಸಿಕೊಳ್ಳುವುದು
ಆಲೋಚಿಸದೆಯೇ ಅಜಾಗರೂಕತೆಯಿಂದ ವರ್ತಿಸುವುದು ಅಥವಾ ಅಪಾಯಕಾರಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದು
ಸಿಕ್ಕಿಹಾಕಿಕೊಂಡ, ಹೊರಬರಲು ದಾರಿಯೇ ಇಲ್ಲದಂತಿರುವ ಭಾವನೆ
ಹೆಚ್ಚುತ್ತಿರುವ ಆಲ್ಕೋಹಾಲ್ ಅಥವಾ ಮಾದಕ ದ್ರವ್ಯಗಳ ಬಳಕೆ
ಸ್ನೇಹಿತರು, ಕುಟುಂಬ ಅಥವಾ ಸಮಾಜದಿಂದ ಹಿಮ್ಮುಖವಾಗುವುದು
ಆತಂಕ, ತಳಮಳ, ನಿದ್ರೆ ಅಥವಾ ಹಸಿವಿನಲ್ಲಿ ಬದಲಾವಣೆಗಳು
ಮನಸ್ಥಿತಿಯಲ್ಲಿ ನಾಟಕೀಯ ಬದಲಾವಣೆಗಳು
ಬದುಕಲು ಯಾವುದೇ ಕಾರಣವಿಲ್ಲದಿರುವುದು, ಜೀವನದಲ್ಲಿ ಉದ್ದೇಶವಿಲ್ಲದಿರುವುದು

ಈ ನಡವಳಿಕೆಯ ಕುರಿತು ಗಮನಹರಿಸುವಾಗ, ಇವುಗಳು ಆತ್ಮಹತ್ಯಾ ನಡವಳಿಕೆಯ ಲಕ್ಷಣಗಳನ್ನು ತೋರಿಸುತ್ತಿರುವ ಟೀನ್ಸ್ ಅನ್ನು ಬೆಂಬಲಿಸಲು ಪೋಷಕರು, ಪಾಲಕರು ಮತ್ತು ಇತರರು ತೆಗೆದುಕೊಳ್ಳಬಹುದಾದ ಕ್ರಮಗಳಾಗಿವೆ.

ಟೀನ್ಸ್‌ಗೆ ಬೆಂಬಲ ನೀಡಲು ಪೋಷಕರು ತೆಗೆದುಕೊಳ್ಳಬಹುದಾದ ಕ್ರಮಗಳು:

ನಿಮ್ಮ ಟೀನ್‌ ಎಚ್ಚರಿಕೆ ಚಿಹ್ನೆಗಳನ್ನು ತೋರಿಸಿದ ನಂತರ ಅಥವಾ ಅವರು ನಿಮ್ಮೊಂದಿಗೆ ಮಾತನಾಡಲು ಬಯಸುತ್ತಾರೆ ಎಂದು ಹೇಳಿದ ನಂತರ ಹೇಗೆ ಪ್ರಾರಂಭಿಸಬೇಕು ಎಂದು ನೀವು ಆಲೋಚಿಸುತ್ತಿದ್ದರೆ ನೀವು ಅವರನ್ನು ಬೆಂಬಲಿಸಬಹುದಾದ ಕೆಲವು ವಿಧಾನಗಳು ಇಲ್ಲಿವೆ. Forefront: ಆತ್ಮಹತ್ಯೆ ತಡೆಗಟ್ಟುವಿಕೆಯಲ್ಲಿ ನಾವೀನ್ಯತೆ ಮೂಲಕ ಕೆಲಸದ ಆಧಾರದ ಮೇಲೆ ನೀಡಲಾದ ಪಟ್ಟಿ ಇಲ್ಲಿದೆ.

ಅನುಭೂತಿಯನ್ನು ವ್ಯಕ್ತಪಡಿಸಿ ಮತ್ತು ಅವರ ಮಾತುಗಳನ್ನು ಆಲಿಸಿ. ಅವರಿಗೆ ನಿಮ್ಮ ಸಂಪೂರ್ಣ ಗಮನವನ್ನು ನೀಡಿ. ಪರಿಹಾರವನ್ನು ನೀಡದೇ ಇರಲು ಅಥವಾ ಸಂಗತಿಗಳು ಉತ್ತಮವಾಗುತ್ತವೆ ಎಂಬುದಾಗಿ ಮನವೊಲಿಸಲು ಪ್ರಯತ್ನಿಸಬೇಡಿ; ಈ ಸಂದರ್ಭದಲ್ಲಿ ಅವರಿಗೆ ಬೇಕಾಗಿರುವುದು ಅವರ ಮಾತುಗಳನ್ನು ಆಲಿಸುವುದಾಗಿದೆ. ಅರ್ಥಮಾಡಿಕೊಂಡಿರುವ ಭಾವನೆ ಮೂಡಿಸಲು ಅವರಿಗೆ ಸಹಾಯ ಮಾಡಿ ಮತ್ತು ಅವರನ್ನು ನಿರ್ಣಯಿಸಬೇಡಿ. ಅವರು ಹೇಗೆ ಭಾವಿಸುತ್ತಿದ್ದಾರೆಂಬ ಬಗ್ಗೆ ಅವರು ಮಾತನಾಡುವಂತೆ ಮಾಡುವ ಮುಕ್ತ-ರೂಪದ ಪ್ರಶ್ನೆಗಳನ್ನು ಕೇಳಲು ಪ್ರಯತ್ನಿಸಿ, ಉದಾಹರಣೆಗೆ “ಇದೀಗ ನಿಮ್ಮ ಮನಸ್ಸಿನಲ್ಲಿ ಸಾಕಷ್ಟು ಬೇಗುದಿಯನ್ನು ಅನುಭವಿಸುತ್ತಿರುವಿರಿ ಎಂದು ನನಗೆ ತಿಳಿದಿದೆ. ನಾವು ಮಾತನಾಡಬಹುದೇ? ನೀವು ಹೇಗೆ ಭಾವಿಸುತ್ತಿರುವಿರಿ ಎಂದು ಕೇಳಲು ನಾನು ಬಯಸುತ್ತೇನೆ.”
ಆತ್ಮಹತ್ಯೆಯ ಕುರಿತು ಕೇಳಿ: ಸ್ಪಷ್ಟವಾಗಿ ಮತ್ತು ನೇರವಾಗಿ ಕೇಳುವ ಮೂಲಕ, “ನೀವು ಆತ್ಮಹತ್ಯೆ ಕುರಿತು ಯೋಚಿಸುತ್ತಿರುವಿರಾ?” ನೀವು ಕಾಳಜಿ ವಹಿಸುತ್ತೀರಿ ಮತ್ತು ಅವರು ಎಷ್ಟು ಯಾತನೆಯಲ್ಲಿದ್ದಾರೆಂದು ನೀವು ಆಲಿಸಿದ್ದೀರೆಂದು ತೋರಿಸುತ್ತೀರಿ. ನೀವು ನೇರವಾಗಿ ಕೇಳುವ ಮೂಲಕ ಬೇರೊಬ್ಬರು ತಮಗೆ ತಾವೇ ಹಾನಿ ಮಾಡಿಕೊಳ್ಳುವ ಅಪಾಯವನ್ನು ಹೆಚ್ಚಿಸುತ್ತಿಲ್ಲ. ಒಂದು ವೇಳೆ ಅವರು, “ಹೌದು, ನಾನು ಆತ್ಮಹತ್ಯೆಯ ಕುರಿತು ಯೋಚಿಸುತ್ತಿದ್ದೇನೆ” ಎಂದು ಹೇಳಿದರೆ, ಗಾಬರಿಗೊಳ್ಳಬೇಡಿ. ಅದನ್ನು ನಿಮಗೆ ಹೇಳಲು ಅವರಿಗೆ ತುಂಬಾ ಧೈರ್ಯವಿದೆ ಎಂಬುದಾಗಿ ಅವರಿಗೆ ತಿಳಿಸಿ ಮತ್ತುಸಂಭಾಷಣೆಯನ್ನು ಮುಂದುವರಿಸಿ. ಅವರ ಮನಸ್ಸಿನಲ್ಲಿ ಏನಿದೆ ಎಂಬುದರ ಕುರಿತು ಮಾತನಾಡಲು ಅವರಿಗೆ ಉತ್ತೇಜನ ನೀಡುವುದರಿಂದ ಅವರ ಪ್ರತ್ಯೇಕತೆಯ ಭಾವನೆಯನ್ನು ಕಡಿಮೆ ಮಾಡಬಹುದು.
ಅಪಾಯವನ್ನು ತೊಡೆದುಹಾಕಿ.ಆತ್ಮಹತ್ಯೆಯ ಕುರಿತು ಅವರು ಯೋಚಿಸುತ್ತಿರುವುದಾಗಿ ಹೇಳಿದರೆ, ಅದರ ಕುರಿತು ಅವರು ಯೋಜಿಸುತ್ತಿದ್ದಾರೆಯೇ ಎಂದು ಕೇಳಿ. ಅವರು ಹೌದು ಎಂದು ಹೇಳಿದರೆ, ಅವರ ಬಳಿ ಔಷಧಗಳು, ಆಯುಧ ಅಥವಾ ಹಗ್ಗದಂತಹ ಸಾಧನಗಳ ಲಭ್ಯತೆ ಇದೆಯೇ ಎಂಬುದಾಗಿ ಕೇಳಿ. ಈ ವಸ್ತುಗಳನ್ನು ಅವರಿಂದ ದೂರವಿರಿಸಲು ನಿಮ್ಮ ಅತ್ಯುತ್ತಮ ಕೆಲಸ ಮಾಡುವುದು ಅಥವಾ ಇತರ ಸ್ನೇಹಿತರು ಅಥವಾ ಕಾನೂನು ಜಾರಿಗೊಳಿಸುವುವವರು, ಹಂತವನ್ನು ಸಹಾಯಕ್ಕಾಗಿ ಇರಿಸಿಕೊಳ್ಳುವದು ಪ್ರಮುಖವಾಗಿದೆ.
ಅವರಿಗೆ ಮುಂದಿನ ಹಂತದ ಕಾಳಜಿ ದೊರಕಿಸಿಕೊಡುವುದಕ್ಕೆ ಸಹಾಯ ಮಾಡಿ: ನಿಮ್ಮ ಸ್ನೇಹಿತರು ಅಥವಾ ಕುಟುಂಬದ ಸದಸ್ಯರೊಂದಿಗೆ ಮಾತನಾಡುವುದು ಮುಖ್ಯವಾಗಿರುತ್ತದೆ ಮತ್ತು ಅವರನ್ನು ಸಲಹೆಗಾರರು, ಆರೋಗ್ಯ ಕಾಳಜಿ ವೃತ್ತಿಪರರು ಅಥವಾ ಸಹಾಯವಾಣಿ ಜೊತೆಗೆ ಸಂಪರ್ಕಪಡಿಸಲು ನೀವು ಬಯಸಬಹುದು.
ಆತ್ಮಹತ್ಯೆ ತಡೆಗಟ್ಟುವಿಕೆ
ರಾಷ್ಟ್ರೀಯ ಆತ್ಮಹತ್ಯೆ ತಡೆಗಟ್ಟುವಿಕೆ ಸಹಾಯವಾಣಿ 1-800-273-8255
ವಿಪತ್ತಿನ ಪಠ್ಯ ಸಾಲು 741-741

ಅಪಾಯಕಾರಿ ಆನ್‌ಲೈನ್ "ಸವಾಲುಗಳಿಗೆ" ಪ್ರತಿಕ್ರಿಯಿಸುವುದು

ಆನ್‌ಲೈನ್ “ಆತ್ಮಹತ್ಯೆ ಸವಾಲುಗಳು” ಅಥವಾ “ಗೇಮ್‌ಗಳು” ಸಾಮಾನ್ಯವಾಗಿ ಹಾನಿಕಾರಕ ಕಾರ್ಯಗಳ ಸರಣಿಯನ್ನು ಒಳಗೊಂಡಿರುತ್ತನ, ಅವುಗಳನ್ನು ಜನರಿಗೆ ನಿರ್ದಿಷ್ಟ ಸಮಯದ ಅವಧಿಯಲ್ಲಿ ನೀಡಲಾಗುತ್ತದೆ, ಆಗಾಗ್ಗೆ ತೀವ್ರತೆಯನ್ನು ಹೆಚ್ಚಿಸುತ್ತವೆ. ಈ ಸವಾಲುಗಳನ್ನು ಚರ್ಚಿಸುವ ಕಂಟೆಂಟ್ Meta ದ ನೀತಿಗಳಿಗೆ ವಿರುದ್ಧವಾಗಿದೆ. Meta ಈ ಕಂಟೆಂಟ್ ಅನ್ನು ತೆಗೆದುಹಾಕುತ್ತದೆ ಮತ್ತು ಕೆಲವು ಸಂದರ್ಭಗಳಲ್ಲಿ, ನಾವು ಅದನ್ನು ಪೋಸ್ಟ್ ಮಾಡಿದ ಖಾತೆಗಳನ್ನು ಸಹ ತೆಗೆದುಹಾಕಬಹುದು.

ನಿಮ್ಮ ಟೀನ್ ಈ ರೀತಿಯ ಕಂಟೆಂಟ್ ಅನ್ನು ಹಂಚಿಕೊಳ್ಳುವುದನ್ನು ನೀವು ನೋಡಿದರೆ (ಅಥವಾ ಸಹಪಾಠಿಗಳು ಅದನ್ನು ಹಂಚಿಕೊಳ್ಳುವುದನ್ನು ಅವರು ನೋಡಿದ್ದಾರೆಂದು ಅವರು ನಿಮಗೆ ತಿಳಿಸಿದರೆ), ಮುಂದೆ ಏನು ಮಾಡಬೇಕು ಎಂಬುದರ ಕುರಿತು ಕೆಲವು ಸಲಹೆಗಳು ಇಲ್ಲಿವೆ:

ಅಪಾಯವನ್ನು ಅರ್ಥಮಾಡಿಕೊಳ್ಳಿ. ಅಪಾಯವನ್ನು ನಿರ್ಲಕ್ಷಿಸಬೇಡಿ. ಈ ಕಂಟೆಂಟ್‌ನ ಹರಡುವಿಕೆಯನ್ನು ತಡೆಯುವಲ್ಲಿ ಪ್ರತಿಯೊಬ್ಬರದ್ದೂ ಪಾತ್ರವಿದೆ.
ಸಕ್ರಿಯವಾಗಿ ಆಲಿಸಿ. ಯುವ ಜನತೆಗಳು ತಾವು ಆನ್‌ಲೈನ್‌ನಲ್ಲಿ ನೋಡಿದ ವಿಷಯಗಳು ಅಥವಾ ಸ್ನೇಹಿತರು ಅಥವಾ ಇತರರು ಮಾಡಿದ ಪೋಸ್ಟ್‌ಗಳು ಅಥವಾ ಕಾಮೆಂಟ್‌ಗಳ ಬಗ್ಗೆ ಯಾವುದೇ ಕಾಳಜಿ ಅಥವಾ ಚಿಂತೆಗಳನ್ನು ವ್ಯಕ್ತಪಡಿಸಿದರೆ, ಆಲಿಸುವುದು ಮತ್ತು ಬೆಂಬಲವನ್ನು ನೀಡುವುದು ಮುಖ್ಯವಾಗಿದೆ.
ಪರಿಣಾಮವನ್ನು ಪರಿಗಣಿಸಿ. ಆನ್‌ಲೈನ್ ಸ್ವಯಂ-ಹಾನಿ ಮತ್ತು ಆತ್ಮಹತ್ಯಾ ಸವಾಲುಗಳ ಕುರಿತು ಎಚ್ಚರಿಕೆಗಳನ್ನು ಫಾರ್ವರ್ಡ್ ಮಾಡುವುದು ಸಹ ಕೆಲವು ಜನರಿಗೆ ಪ್ರಚೋದನೆಯನ್ನು ನೀಡಬಹುದು. ಜನರು ತಿಳುವಳಿಕೆಯನ್ನು ಹೊಂದಿರುವುದು ಮುಖ್ಯವಾಗಿದೆ, ಆದರೆ ಆತ್ಮಹತ್ಯೆಯ ವಿಷಯಕ್ಕೆ ಸಂಬಂಧಿಸಿದಂತೆ ನೀವು ಏನನ್ನು ಹಂಚಿಕೊಳ್ಳುತ್ತೀರಿ ಮತ್ತು ಅದು ಇತರರ ಮೇಲೆ ಹೇಗೆ ಪರಿಣಾಮ ಬೀರಬಹುದು ಎಂಬುದರ ಕುರಿತು ಗಮನವಿರಲಿ.
ಇದನ್ನು ವರದಿಮಾಡಿ. ಸಾಮಾಜಿಕ ಮಾಧ್ಯಮ ಚಾನಲ್‌ಗಳಿಗೆ ಹಾನಿಕಾರಕ ಅಥವಾ ಸಂಕಟವನ್ನು ಉಂಟುಮಾಡುವ ಅನುಚಿತ ಆನ್‌ಲೈನ್ ವಿಷಯವನ್ನು ಯಾರಾದರೂ ವರದಿ ಮಾಡಬಹುದು. ವೇದಿಕೆಗಳು ತಮ್ಮ ನೀತಿಗಳಿಗೆ ವಿರುದ್ಧವಾದ ಕಂಟೆಂಟ್ ಅನ್ನು ವಿಮರ್ಶಿಸುತ್ತವೆ ಮತ್ತು ಸಂಭಾವ್ಯವಾಗಿ ತೆಗೆದುಹಾಕುತ್ತವೆ.
ಅದರ ಕುರಿತು ಮಾತನಾಡಿ. ನೀವು ಟೀನ್ಸ್‌ ಹೊಂದಿದ್ದರೆ (ಅಥವಾ ಯುವ ಜನತೆಯೊಂದಿಗೆ ಕೆಲಸ ಮಾಡಿದರೆ), ಅವರು ಏನು ಮಾಡುತ್ತಿದ್ದಾರೆ ಅಥವಾ ನೋಡುತ್ತಿದ್ದಾರೆ ಎಂಬುದನ್ನು ಹಂಚಿಕೊಳ್ಳಲು ಅವರನ್ನು ಪ್ರೋತ್ಸಾಹಿಸುವ ರೀತಿಯಲ್ಲಿ ಅವರ ಆನ್‌ಲೈನ್ ಚಟುವಟಿಕೆಯ ಕುರಿತು ಅವರೊಂದಿಗೆ ಮಾತನಾಡಲು ಮಾರ್ಗಗಳನ್ನು ಕಂಡುಕೊಳ್ಳಿ. ಸವಾಲಿನ ಬಗ್ಗೆ ನೇರವಾಗಿ ಕೇಳುವುದು ಕೆಲಸ ಮಾಡದಿದ್ದರೆ, ಕಂಡುಹಿಡಿಯಲು ಹೆಚ್ಚು ಪರೋಕ್ಷ ಮಾರ್ಗಗಳನ್ನು ಪ್ರಯತ್ನಿಸಿ. ಯುವ ಜನತೆಯು ತಮ್ಮ ಹೆತ್ತವರನ್ನು ನಂಬಬಹುದು ಮತ್ತು ಪ್ರಾಮಾಣಿಕವಾಗಿರುವುದಕ್ಕಾಗಿ ಶಿಕ್ಷಿಸಲಾಗುವುದಿಲ್ಲ ಎಂಬುದು ತಿಳಿದಿರಬೇಕು.

ಸಂಪನ್ಮೂಲಗಳು

Meta ದ ತಂತ್ರಜ್ಞಾನಗಳಲ್ಲಿ ಯೋಗಕ್ಷೇಮ ಮತ್ತು ಆನ್‌ಲೈನ್ ಸುರಕ್ಷತೆಯ ಕುರಿತು ಹೆಚ್ಚುವರಿ ಆನ್‌ಲೈನ್ ಸಂಪನ್ಮೂಲಗಳಿಗಾಗಿ, ನಮ್ಮ ಆತ್ಮಹತ್ಯೆ ತಡೆಗಟ್ಟುವಿಕೆ ಹಬ್‌ಗೆ ಭೇಟಿ ನೀಡಿ ಅಥವಾ ನಮ್ಮ ಸುರಕ್ಷತಾ ಕೇಂದ್ರಕ್ಕೆ ಭೇಡಿ ನೀಡಿ.

ನಮ್ಮ ತಂತ್ರಜ್ಞಾನಗಳನ್ನು ಬಳಸುವ ಜನರನ್ನು ಉತ್ತಮ ರೀತಿಯಲ್ಲಿ ಬೆಂಬಲಿಸಲು, ಈ ಪರಿಣಿತ ಸಂಸ್ಥೆಗಳೊಂದಿಗೆ Meta ಪಾಲುದಾರರಾಗಿದ್ದಾರೆ:

ಯುನೈಟೆಡ್ ಸ್ಟೇಟ್ಸ್

ರಾಷ್ಟ್ರೀಯ ಆತ್ಮಹತ್ಯೆ ತಡೆಗಟ್ಟುವಿಕೆ ಸಹಾಯವಾಣಿ 1-800-273-8255
ವಿಪತ್ತಿನ ಪಠ್ಯ ಸಾಲು 741-741

ವೈಶಿಷ್ಟ್ಯಗಳು ಮತ್ತು ಪರಿಕರಗಳು

ದೈನಂದಿನ ಸಮಯದ ಮಿತಿಯನ್ನು ಹೊಂದಿಸಿ

Instagram ನಲ್ಲಿ ಮೇಲ್ವಿಚಾರಣೆ ಪರಿಕರಗಳು

ಸ್ಲೀಪ್ ಮೋಡ್ ಅನ್ನು ಸಕ್ರಿಯಗೊಳಿಸಿ

ಸಮಯ ಮಿತಿಗಳನ್ನು ಹೊಂದಿಸಿ

ಸಂಬಂಧಿತ ಸಂಪನ್ಮೂಲಗಳು

ಆತ್ಮಹತ್ಯೆ ಕುರಿತು ಸಂಭಾಷಣೆಗಳಿಗೆ ಪೋಷಕರು ಮತ್ತು ಆರೈಕೆದಾರರ ಮಾರ್ಗದರ್ಶಿ

ಇನ್ನಷ್ಟು ಓದಿ