യൂത്ത് എക്‌സ്‌പെർട്ട് ഡോ. ഹിന താലിബും Meta-യുടെ നിക്കോൾ ലോപ്പസും തമ്മിലുള്ള ഫയർസൈഡ് ചർച്ച

സ്വതവേയുള്ള ആകാംക്ഷയോടെയും തുറന്ന മനസ്സോടെയും ഈ സംഭാഷണത്തെ സമീപിക്കുന്നതാണ് ഏറ്റവും വിജയകരമായ കാര്യമെന്നാണ് ഞാൻ മനസ്സിലാക്കിയിട്ടുള്ളത്. ഈ പ്രധാനപ്പെട്ട സംഭാഷണങ്ങൾ നടത്തുന്നതിനുള്ള മൂന്ന് നുറുങ്ങുകൾ ഇവിടെയുണ്ട്. ആദ്യം, ഒരു ദിവസം അവർ എങ്ങനെ സാങ്കേതികവിദ്യ ഉപയോഗിക്കുന്നു, ഏതൊക്കെ ആപ്പുകളും പ്ലാറ്റ്‌ഫോമുകളും ഉപയോഗിക്കുന്നു, അവരുടെ പ്രിയപ്പെട്ട, അവർ പിന്തുടരുന്നയാ‌ളുകൾ ആരൊക്കെയാണ്, അതിന് കാരണമെന്ത്, ഏതൊക്കെ ഗെയിമുകൾ കളിക്കാനാണ് അവർ ഏറ്റവും ഇഷ്‌ടപ്പെടുന്നത് തുടങ്ങിയ കാര്യങ്ങൾ വിശദീകരിക്കാൻ ആകാംക്ഷാപൂർവ്വം അവരോട് ആവശ്യപ്പെടുക. കൂടാതെ, അവരുടെ അക്കൗണ്ടുകൾ ഒരുമിച്ച് പരിശോധിക്കുന്നതിനും അവർക്കൊപ്പം അവരുടെ പ്രിയപ്പെട്ട ഗെയിമുകൾ കളിക്കുന്നതിനും സമയം ചെലവഴിക്കാൻ സാധിക്കുമെങ്കിൽ അത്രയും നല്ലത്. രണ്ടാമതായി, ആലോചിച്ച് മറുപടി പറയാൻ അവരെ അനുവദിക്കുക. “നിങ്ങളുടെ സോഷ്യൽ മീഡിയ ഉപയോഗത്തിൽ അല്ലെങ്കിൽ ഫോൺ ഉപയോഗത്തിൽ നിങ്ങൾക്ക് എത്രമാത്രം സംതൃപ്‌തിയുണ്ട്?” എന്ന് അവരോട് ചോദിക്കുക, എന്നെ കാണാൻ വരുന്ന കൗമാരക്കാരോട് ഞാൻ അക്ഷരാർത്ഥത്തിൽ ഇതാണ് ചോദിക്കുന്നത്. മീഡിയ ഉപയോഗത്തിന്റെ ഏത് ഘടകമാണ് അവർക്ക് സന്തോഷമുള്ളതും ബന്ധം തോന്നിക്കുന്നതും ഉപയോഗക്ഷമവുമായ അനുഭവം നൽകുന്നതെന്നും മറിച്ചുള്ള അനുഭവം നൽകുന്നത് ഏത് ഘടകമാണെന്നും ഞാൻ അവരോട് ചോദിക്കാറുണ്ട്.

മൂന്നാമതായി, അവരുടെ സുഹൃത്തുക്കളെ കുറിച്ചും സുഹൃത്തുക്കൾ എങ്ങനെയാണ് സോഷ്യൽ മീഡിയ ഉപയോഗിക്കുന്നതെന്നും ചോദിക്കുക. വിവരങ്ങൾ ചോദിച്ചറിയുക! നിങ്ങളെ കുറിച്ച് തന്നെ സംസാരിക്കുന്നതിലും നല്ലത് സുഹൃത്തുക്കളെ കുറിച്ച് സംസാരിക്കുന്നതാണ്, ഇതുപോലെ തന്നെ നിങ്ങളുടെ സോഷ്യൽ മീഡിയ ഉപയോഗത്തിലെ ഉയർച്ച താഴ്‌ചകൾ എങ്ങനെ കൈകാര്യം ചെയ്യുന്നുവെന്ന് നിങ്ങളുടെ കൗമാരക്കാരുമായി പങ്കിടുക. സോഷ്യൽ മീഡിയയെ കുറിച്ച് സംസാരിക്കുന്നതിനുള്ള വളഞ്ഞ വഴി തുടക്കത്തിൽ തന്നെ സോഷ്യൽ മീഡിയയെ കുറിച്ച് സംസാരിച്ച് തുടങ്ങാതിരിക്കുക എന്നതാണ്. അവരുടെ മാനസികാരോഗ്യത്തെ കുറിച്ചോ സ്‌കൂൾ, സ്പോർട്‌സ്, ഉറക്കം, തലവേദന അല്ലെങ്കിൽ ദൈനംദിന ജീവിതവുമായി ബന്ധപ്പെട്ട മറ്റ് വിഷയങ്ങൾ എന്നിവയെക്കുറിച്ചോ സംസാരിച്ച് തുടങ്ങിക്കൊണ്ട് സോഷ്യൽ മീഡിയ എങ്ങനെ അവർക്ക് സഹായകരമാകാം അല്ലെങ്കിൽ വെല്ലുവിളിയാകാം എന്ന വിഷയത്തിലേക്ക് എത്തുക. Meta-യ്ക്ക് അവരുടെ ഫാമിലി സെന്ററിൽ ഇത്തരം സംഭാഷണങ്ങൾ ആരംഭിക്കുന്നതിനുള്ള റിസോഴ്‌സുകളുണ്ട്.

കമ്മ്യൂണിറ്റിയെ കണ്ടെത്താനും സുഹൃത്തുക്കളുമായി കണക്റ്റ് ചെയ്യാനും പുതിയ കഴിവുകൾ പഠിക്കാനും നിങ്ങൾക്ക് സ്വയം പ്രകടിപ്പിക്കാനും കഴിയുന്ന മികച്ച പ്ലാറ്റ്‌ഫോമുകളാണ് Instagram-ഉം മറ്റ് സോഷ്യൽ മീഡിയ പ്ലാറ്റ്‌ഫോമുകളും. തങ്ങൾ ഓൺലൈനിൽ “തനിക്ക് പ്രിയപ്പെട്ട ആളുകളെ” കണ്ടെത്താറുണ്ടെന്ന് പല കൗമാരക്കാരും എന്നോട് പറഞ്ഞിട്ടുണ്ട്, പ്രത്യേകിച്ച് ചരിത്രപരമായി പാർശ്വവൽക്കരിക്കപ്പെട്ട കമ്മ്യൂണിറ്റികളിലെ കൗമാരക്കാർ. സോഷ്യൽ മീഡിയ വഴി എങ്ങനെയാണ് തങ്ങൾ പിന്തുണയും വിദ്യാഭ്യാസവും റിസോഴ്‌സുകളും കണ്ടെത്തിയതെന്ന് LGBTQIA+ കൗമാരക്കാർ പങ്കിട്ടിട്ടുണ്ട്. പ്രത്യേകിച്ച് കഴിഞ്ഞ ഏതാനും വർഷങ്ങളായി, പ്ലാറ്റ്‌ഫോമുകൾ വഴിയും തങ്ങൾ പിന്തുടരുന്ന ആളുകളും ഓർഗനൈസേഷനുകളും വഴിയും ആരോഗ്യ സംബന്ധമായ നുറുങ്ങുകൾ വഴിയും തങ്ങൾ മനസ്സിലാക്കിയ മാനസികാരോഗ്യ ടൂളുകളെ കുറിച്ചും വെല്ലുവിളികൾ നേരിടുന്നതിനായി ഓൺലൈൻ വഴി പഠിച്ച കഴിവുകളെ കുറിച്ചും കൗമാരക്കാർ സംസാരിക്കുന്നു! അവസാനമായി, കൗമാരക്കാർ ആശയങ്ങൾ പങ്കിടുന്നതിനുള്ള ഇടമായി സോഷ്യൽ മീഡിയയെ കണക്കാക്കുന്ന ഒരു മേഖലയാണ് അഡ്വക്കസി എന്ന് തോന്നുന്നു, അവർക്ക് അനുയോജ്യമായ വിധത്തിൽ തങ്ങളുടെ ലോകത്തിൽ മാറ്റം വരുത്താമെന്ന അവരുടെ പ്രതീക്ഷയെ ഞാൻ വളരെ ഇഷ്‌ടപ്പെടുന്നു.

രക്ഷകർത്താക്കളെ സംബന്ധിച്ച്, തങ്ങളുടെ കൗമാരക്കാർക്ക് പോസിറ്റീവായ അനുഭവം നൽകാൻ സഹായിക്കുന്നതിനായി പ്ലാറ്റ്‌ഫോമുകൾ ലഭ്യമാക്കുന്ന ടൂളുകളെ കുറിച്ചും അറിഞ്ഞിരിക്കേണ്ടത് പ്രധാനമാണ്, കാരണം ഇത് എപ്പോഴും പോസിറ്റീവ് അനുഭവങ്ങളല്ല നൽകുന്നത്. ഉദാഹരണത്തിന്, രക്ഷകർത്താക്കൾക്ക് കൗമാരക്കാരുടെ ഉള്ളടക്ക ശുപാർശ ക്രമീകരണങ്ങ‌ളും സമയ നിയന്ത്രണ ക്രമീകരണങ്ങ‌ളും സംബന്ധിച്ച് അവരെ സഹായിക്കാനും അവർക്ക് അനുയോജ്യമാണെങ്കിൽ രക്ഷാകർതൃ മേൽനോട്ടം സജ്ജീകരിക്കാനും കഴിയും.

എന്റെ അനുഭവത്തിൽ, കൗമാരപ്രായത്തിലുള്ള ഒരു കുട്ടി ഏത് പ്രായത്തിൽ സോഷ്യൽ മീഡിയയിൽ ചേരണമെന്ന് മുൻകൂട്ടി നിശ്ചയിച്ചിട്ടില്ല, എന്നാൽ എല്ലാ പ്ലാറ്റ്‌ഫോമുകളിലും തീർച്ചയായും ഏറ്റവും കുറഞ്ഞ പ്രായം സംബന്ധിച്ച സേവന നിബന്ധനകളുണ്ട്, അത് ഒരു പ്രധാന സുരക്ഷാമാർഗ്ഗമാണ്. സമാനമായി, സോഷ്യൽ മീഡിയ ഏകശിലാരൂപമല്ല, അതായത് അത് ഏക പ്ലാറ്റ്‌ഫോമല്ല, അത് Instagram, Facebook, TikTok എന്നിവ മാത്രവുമല്ല. ഓരോ വ്യക്തിക്കും തനതായ പ്രാധാന്യമുള്ള നിരവധി ഘടകങ്ങളുള്ളതിനാൽ എന്റെ മുന്നിലുള്ള കൗമാരപ്രായത്തിലുള്ള കുട്ടിയെയാണ് ഞാൻ പരിഗണിക്കുന്നത്. ഏറ്റവും പ്രധാനമായി, സോഷ്യൽ മീഡിയ ഉപയോഗിച്ച് തുടങ്ങാനുള്ള പ്രായത്തെ കുറിച്ചുള്ള കൗൺസിലിംഗിനായി കുടുംബങ്ങൾ സമീപിക്കുമ്പോൾ, അവരുടെ കൗമാരക്കാർക്ക് മാർഗ്ഗനിർദ്ദേശം നൽകുന്നതിനായി സമയം കണ്ടെത്തണമെന്ന് ഞാൻ രക്ഷകർത്താക്കളോട് ആവശ്യപ്പെടാറുണ്ട് അല്ലെങ്കിൽ നിർദ്ദേശിക്കാറുണ്ട്.

നേരിട്ടുള്ള സന്ദേശമയയ്‌ക്കലിനും iMessage-നും സോഷ്യൽ മീഡിയയുടെ അതേ പരിഗണനകൾ അർഹിക്കുന്നുവെന്ന് ഞാൻ പറയുമ്പോൾ പലപ്പോഴും കൗമാരക്കാരായ കുട്ടികളുടെ രക്ഷകർത്താക്കൾ ആശ്ചര്യപ്പെടാറുണ്ട്. Youtube Kids, iPad എന്നിവയും Minecraft, Roblox എന്നിവ പോലുള്ള ടാബ്‌ലെറ്റ് ഗെയിമുകളും സോഷ്യൽ മീഡിയയാണ്. അതുകൊണ്ട് തന്നെ, ഈ സംഭാഷണങ്ങൾ എലിമെന്ററി സ്‌കൂളിൽ പഠിക്കുന്ന കുട്ടികളുടെ രക്ഷകർത്താക്കൾക്കിടയിൽ നിന്ന് തന്നെ ആരംഭിക്കണം, ലോവർ സ്‌കൂളിൽ പഠിക്കുന്ന രണ്ട് കുട്ടികൾ ഉള്ളതിനാൽ ഞാനും ഇപ്പോൾ ഇതേ ഘട്ടത്തിലാണ്. സഹായം ആവശ്യമുള്ളപ്പോൾ കുട്ടികൾക്ക് മടികൂടാതെ നമ്മളെ സമീപിക്കാൻ കഴിയുന്നതിന് ഈ സംഭാഷണങ്ങൾ എത്രയും നേരത്തെ ആരംഭിക്കേണ്ടത് പ്രധാനമാണ്. അവസാനമായി, ഈ സംഭാഷണങ്ങൾ നമ്മുടെ കുടുംബങ്ങളിൽ നിന്ന് തന്നെ ആരംഭിക്കണം, നിങ്ങളുടെ ക്ലാസ്റൂമിലെയോ ഗ്രേഡിലെയോ കുട്ടികളുടെ രക്ഷകർത്താക്കളുമായും അധ്യാപകരുമായും ഈ സംഭാഷണങ്ങൾ നടത്താം. കുട്ടികളുള്ള എല്ലാ കമ്മ്യൂണിറ്റികളിലും നാം ഈ സംഭാഷണങ്ങൾ നടത്തേണ്ടതുണ്ട്. ഉപകരണങ്ങളും സോഷ്യൽ മീഡിയയും സംബന്ധിച്ച് ഓരോ കുടുംബത്തിന്റെയും മൂല്യങ്ങൾ വ്യത്യസ്‌തമായതിനാൽ ഏറ്റവും ബുദ്ധിമുട്ടേറിയ ഭാഗം ഇതാണെന്ന് രക്ഷകർത്താക്കൾ പറയാറുണ്ട്.

ഞാൻ ആദ്യം തന്നെ പരിഗണിക്കുന്ന തത്വങ്ങൾ ഇവയാണ്. ആദ്യം, ഉദ്ദേശ്യം വ്യക്തമാക്കാൻ ശ്രമിക്കുക അല്ലെങ്കിൽ എന്തുകൊണ്ടാണ് നിങ്ങൾ നിങ്ങളുടെ ഫോണിനായി സമീപിക്കുന്നതെന്ന് ഉറക്കെ പറയാൻ ശ്രമിക്കുക. ഇത് 10 മിനിറ്റ് നേരത്തേക്ക് ശ്രദ്ധ തിരിക്കുന്നതിനാകാം, നിങ്ങൾക്ക് 3 സുഹൃത്തുക്കൾക്ക് സന്ദേശമയയ്ക്കാനുണ്ടാകാം, അല്ലെങ്കിൽ ഒരു പാചകക്കുറിപ്പിനെ കുറിച്ച് കൂടുതൽ മനസ്സിലാക്കുന്നതിനാകാം. എന്തുതന്നെ ആയാലും ഉറക്കെ പറയുന്നതിന് അതിന്റേതായ ശക്തിയുണ്ടാകും, നിങ്ങൾ ഫോൺ താഴെ വച്ച് കഴിഞ്ഞാലും അതിനെക്കുറിച്ച് ചിന്തിക്കാം.

രണ്ടാമതായി, നിങ്ങളുടെ തോന്നലുകൾക്ക് അനുസരിച്ച് പെരുമാറുക. സോഷ്യൽ മീഡിയയിൽ സമയം ചെലവഴിക്കുന്നതിലൂടെയും ആളുകളുമായി ഇടപഴകുന്നതിലൂടെയും നിങ്ങൾക്ക് എന്ത് തോന്നുന്നുവെന്നത് പരിഗണിക്കുക. നിങ്ങൾക്ക് ഊർജ്ജവും പ്രചോദനവും പ്രോത്സാഹനവും തോന്നുന്നുണ്ടോ അതോ മടുപ്പും ഏകാന്തതയും വേദനയുമാണോ തോന്നുന്നതെന്ന് ശ്രദ്ധിക്കുക.

മൂന്നാമതായി, യഥാർത്ഥ ജീവിതത്തിൽ നിങ്ങൾ എങ്ങനെ പ്രവർത്തിക്കാനും സംസാരിക്കാനും പങ്കിടാനും ആഗ്രഹിക്കുന്നുവോ അതുപോലെ തന്നെ ഓൺലൈനിലും ചെയ്യുക. നിങ്ങൾ മുത്തശ്ശനോടും മുത്തശ്ശിയോടും പറയാൻ ആഗ്രഹിക്കാത്ത ഒരു കാര്യം അല്ലെങ്കിൽ കൂടുതൽ പ്രചരിക്കരുതെന്ന് ആഗ്രഹിക്കുന്ന ഒരു കാര്യം ഉണ്ടെങ്കിൽ, ഓൺലൈനിലും അത് പറയരുത്. ഇത്തരം കാര്യങ്ങൾ എവിടെയെല്ലാം പ്രചരിക്കുമെന്നോ ആരൊക്കെ കാണുമെന്നോ ഏതൊക്കെ സന്ദർഭങ്ങളിൽ അത് വിലയിരുത്തപ്പെടുമെന്നോ നിങ്ങൾക്ക് അറിയാത്തതിനാലാണ് അങ്ങനെ ചെയ്യാത്തത്. യഥാർത്ഥ ജീവിതത്തിലും ഓൺ‌ലൈനിലും നിങ്ങളോടും മറ്റുള്ളവരോടും കരുണ കാണിക്കുക.

ഓൺലൈനിൽ സംഭവിച്ചിരിക്കാവുന്ന കടന്നുപോകുന്നതിന് വൈകാരികമോ വെല്ലുവിളി നിറഞ്ഞതോ ആയ കാര്യങ്ങളെ കുറിച്ചുള്ള സംഭാഷണങ്ങൾ ശീലങ്ങളിൽ മാറ്റം കൊണ്ടുവരാനോ അവരുടെ ഓൺലൈൻ ഉപയോഗം സംബന്ധിച്ച അതിർവരമ്പുകൾ സജ്ജീകരിക്കാൻ അവർക്ക് അനുമതി നൽകുന്നതിനോ ഉള്ള മികച്ച മാർഗ്ഗമാണ്. ചെറുപ്പക്കാരുമായുള്ള എന്റെ സംഭാഷണങ്ങളിൽ ഇത് എങ്ങനെ ചെയ്യാമെന്നത് സംബന്ധിച്ച മികച്ച ആശയങ്ങൾ ലഭിച്ചത് അവരിൽ നിന്ന് തന്നെയാണ്. അവർക്ക് തങ്ങളെ തന്നെ നന്നായി അറിയാവുന്നതിനാൽ ചില തെറ്റുകൾ തിരുത്താനും അല്ലെങ്കിൽ ജീവിത, ആരോഗ്യ ലക്ഷ്യങ്ങൾക്ക് അനുയോജ്യമായ വിധത്തിൽ ഉപയോഗ രീതിയിൽ മാറ്റം വരുത്താനുമുള്ള ക്രിയാത്മക ആശയങ്ങൾ അവർ നിർദ്ദേശിക്കാറുണ്ട്.

കൗമാരക്കാർ ഓൺലൈനിൽ സ്വയം നേരിടുന്ന പ്രശ്‌നങ്ങളെ കുറിച്ച് പറയുന്നതിനേക്കാൾ, തങ്ങളുടെ സമപ്രായക്കാർ നേരിടുന്ന പ്രശ്‌നങ്ങളെ കുറിച്ച് അവർക്ക് കൂടുതൽ എളുപ്പത്തിൽ പറയാനാകും. അവിടെ നിന്ന് സംസാരിച്ച് തുടങ്ങുകയും വിവരങ്ങൾ ചോദിച്ചറിയുകയും ചെയ്യുക. ഇത് ആകർഷകമാണ്, ചിലപ്പോൾ ഹൃദയഭേദകവും, ഇതിനെ കുറിച്ച് സംസാരിക്കാൻ അവർക്ക് ഒരാൾ ആവശ്യമാണ്.

തിയോഡോ റൂസ്‌വെൽറ്റ് ഒരിക്കൽ പറഞ്ഞിട്ടുണ്ട് താരതമ്യം സന്തോഷം അപഹരിക്കുമെന്ന്. സാമൂഹിക താരതമ്യം ആത്മാഭിമാനത്തെ ബാധിക്കുന്ന കാര്യമാണ്, ശാരീരികവും മാനസികവുമായ വികാസവുമായി ബന്ധപ്പെട്ട് കൗമാരകാലം ദുർബലമായതിനാൽ ജീവിതത്തിലെ മറ്റ് ഘട്ടങ്ങളെ അപേക്ഷിച്ച് പല അഭിപ്രായങ്ങളും കൗമാരക്കാർ കൂടുതലായി നെഞ്ചിലേറ്റുകയും അത് അവരെ ബാധിക്കുകയും ചെയ്യുന്നു. അപ്പോൾ നമുക്ക് എങ്ങനെ അവരെ സഹായിക്കാൻ കഴിയും, യഥാർത്ഥ ജീവിതത്തിലും ഓൺലൈനിലും അവരിൽ ആത്മാഭിമാനം വളർത്താൻ സഹായകരമായ എല്ലാ കാര്യങ്ങളും നാം ചെയ്യണം, സന്തോഷം തല്ലിക്കെടുത്താൻ ശ്രമിക്കുന്നവരിൽ നിന്നും ബഹുമാനവും വിലയും നൽകാത്തവരിൽ നിന്നും മാറിനിൽക്കാൻ അവരെ പഠിപ്പിക്കുകയും വേണം, തങ്ങൾ ബഹുമാനിക്കപ്പെടുകയും വിലമതിക്കപ്പെടുകയും ചെയ്യുന്നുവെന്ന തോന്നൽ അവരിൽ ഉണർത്തുക. ശരിക്കും, ഇത് നിങ്ങളോടുള്ള കരുതലിന്റെ അടയാളമാണ്. കരുതൽ പ്രകടിപ്പിക്കുന്നത് സാമൂഹിക താരതമ്യത്തിനെതിരായ ശക്തമായ മറുമരുന്നാണ്. നെവർ ഇനഫ് എന്ന പുസ്‌തകത്തിന്റെ രചയിതാവായ ജെന്നിഫർ വാലസ് അടുത്തിടെ ഇതിനെ കുറിച്ച് സംസാരിക്കുന്നത് ഞാൻ കേൾക്കാനിടയായി, അത് വളരെ ശക്തമായ സന്ദേശമായിരുന്നു. മാർഗ്ഗം ചെറുതോ വലുതോ ആകട്ടെ, നമ്മുടെ കൗമാരക്കാരോടും അല്ലെങ്കിൽ നാം ഇടപഴകുന്ന കൗമാരക്കാരോടും നമുക്കുള്ള കരുതൽ പ്രകടിപ്പിക്കേണ്ടതുണ്ട്, കൂടാതെ അവർ കഴിവുള്ളവരാണെന്നും നാം അവരെ വിലമതിക്കുന്നുവെന്നും അവർ ഈ ലോകത്ത് പ്രാധാന്യമർഹിക്കുന്നവരാണെന്നും പറയുക.

പോസിറ്റീവായി തോന്നുന്ന ഉള്ളടക്കവുമായി ഇടപഴകാൻ ഞാൻ കൗമാരക്കാരോട് ആവശ്യപ്പെടാറുണ്ട്. ഡീ-ഫ്രണ്ട് ഡിസംബർ എന്നത് യഥാർത്ഥ കാര്യമാണ്, നിങ്ങളോട് നന്നായി പെരുമാറാത്തവരെ അൺഫോളോ ചെയ്യുന്നത് നല്ലതാണ്. സമാനമായി, ലൈക്കുകൾ ഓഫാക്കാനും സുഹൃത്തുക്കളെ നിങ്ങൾ ശ്രദ്ധിക്കുന്നില്ലെന്ന് അവർ അറിയരുതെന്ന് നിങ്ങൾ ആഗ്രഹിക്കുന്നുവെങ്കിൽ അവരെ നിയന്ത്രിക്കാനും ഞാൻ പലപ്പോഴും കൗമാരക്കാരോട് നിർദ്ദേശിക്കാറുണ്ട്. ഏറ്റവും പ്രധാനപ്പെട്ട കാര്യം, ഇവയെല്ലാത്തിനെയും കുറിച്ച് നിങ്ങളുടെ കൗമാരക്കാരോട് പതിവായി ചോദിക്കുക എന്നതാണ്.