നിങ്ങളുടെ കുട്ടികളുമായി അവരുടെ ഡിജിറ്റൽ വ്യക്തിത്വത്തെക്കുറിച്ച് സംഭാഷണങ്ങൾ ആരംഭിക്കൽ
Meta സൃഷ്‌ടിച്ചത്
2023 ഏപ്രിൽ 14
നമ്മുടെ കുട്ടികളുമായി തുറന്നതും തുടർച്ചയായതുമായ സംഭാഷണങ്ങൾ നടത്തുന്നത് ഡിജിറ്റൽ ക്ഷേമം വികസിപ്പിക്കുന്നതിന്റെ ഒരു പ്രധാന ഭാഗമാണ്. ഓൺലൈൻ സുരക്ഷ ആ സംഭാഷണത്തിന്റെ ഒരു പ്രധാന ഭാഗമായിരിക്കണം, എന്നാൽ സുരക്ഷ മാത്രമല്ല, ഡിജിറ്റൽ ക്ഷേമത്തിന്റെ എല്ലാ ഭാഗങ്ങളും ഉൾപ്പെടുത്താൻ നമ്മുടെ സംഭാഷണങ്ങൾ വിശാലമാക്കേണ്ടതുണ്ട്. നമ്മുടെ ജീവിതത്തെ സമ്പന്നമാക്കുന്നതിനും നമ്മുടെ കമ്മ്യൂണിറ്റികളെ മികച്ചതാക്കുന്നതിനും സാങ്കേതികവിദ്യ എങ്ങനെ ഉപയോഗിക്കാം എന്നതിനെക്കുറിച്ചുള്ള സംഭാഷണങ്ങൾ ഇതിൽ ഉൾപ്പെടുന്നു. സുഹൃത്തുക്കളുമായും കുടുംബാംഗങ്ങളുമായും ആരോഗ്യകരമായ ബന്ധങ്ങൾ കെട്ടിപ്പടുക്കുന്നതിന് സാങ്കേതികവിദ്യ ഉപയോഗിക്കുന്നതിനെ കുറിച്ച് സംസാരിക്കുന്നതും പുതിയ കാര്യങ്ങൾ പഠിക്കുന്നതിനും നല്ല തീരുമാനങ്ങൾ എടുക്കുന്നതിനുമുള്ള ശരിയായ വിവര സ്രോതസ്സുകൾ വേഗത്തിൽ കണ്ടെത്താനാകുന്നതും ഇതിൽ ഉൾപ്പെടുന്നു. ഇത് നമ്മുടെ ഓൺലൈൻ, ഓഫ്‌ലൈൻ പ്രവർത്തനങ്ങൾ ഉചിതമായി സന്തുലിതമാക്കുന്നതിനെക്കുറിച്ചാണ്.
നമ്മുടെ വീടുകളിലും സ്‌കൂളുകളിലും പഠിപ്പിക്കേണ്ട, ആരോഗ്യമുള്ള ഡിജിറ്റൽ പൗരൻമാരുടെ 5 കഴിവുകൾ ഡിജിറ്റൽ സിറ്റിസൺഷിപ്പ് സഖ്യം കണ്ടെത്തിയിട്ടുണ്ട്. നമ്മുടെ കുട്ടികളെ അവരുടെ സാങ്കേതികവിദ്യാ ഉപയോഗത്തിൽ സന്തുലിത പാലിക്കുന്നവരായും അറിവുള്ളവരായും ഉൾക്കൊള്ളുന്നവരായും ഇടപഴകുന്നവരായും ജാഗ്രതയുള്ളവരായുമിരിക്കാൻ പഠിക്കാൻ സഹായിക്കുന്നതിലാണ് കഴിവുകൾ ശ്രദ്ധ കേന്ദ്രീകരിക്കുന്നത്. നിങ്ങളുടെ കുടുംബത്തിന്റെ ഡിജിറ്റൽ സംസ്‌കാരത്തെക്കുറിച്ച് ചിന്തിക്കുമ്പോൾ, കുട്ടികൾ സംഭാഷണത്തിൽ ഏർപ്പെട്ടിരിക്കുന്നതും അവരുടെ സ്വന്തം ഡിജിറ്റൽ അനുഭവങ്ങൾ പ്രതിഫലിപ്പിക്കാനുള്ള അവസരം ഉണ്ടായിരിക്കുന്നതും പ്രധാനമാണ്. ഫലപ്രദമായ ഡിജിറ്റൽ പൗരനായിരിക്കുന്നതിന്റെ ആട്രിബ്യൂട്ടുകൾ പരിശീലിക്കുന്നത് എന്തുകൊണ്ട് പ്രധാനമാണ് എന്നതിനെ കുറിച്ച് സംസാരിക്കുക. വെർച്വൽ ലോകത്തിലെ അവരുടെ പെരുമാറ്റങ്ങളെ അടിസ്ഥാനമാക്കി അവരുടെ ജീവിതത്തിലും മറ്റുള്ളവരുടെ ജീവിതത്തിലും വരുത്താനാകുന്ന വ്യത്യാസം കാണാൻ അവരെ സഹായിക്കുക.
ഒരു കുടുംബത്തിന്റെ സാങ്കേതിക സംസ്കാരം മാറുന്നത് ഒരൊറ്റ സംസാരത്തിൽ സംഭവിക്കുന്നതല്ല, മറിച്ച് തുടർച്ചയായുള്ള സംഭാഷണങ്ങളിലൂടെയാണ്. നിങ്ങൾക്ക് ആരംഭിക്കുന്നതിന്, സംഭാഷണങ്ങൾ ആരംഭിക്കാൻ നിങ്ങളെ സഹായിക്കുന്നതിനുള്ള ഡിജിറ്റൽ പൗരന്മാരുടെ 5 കഴിവുകൾക്ക് അനുയോജ്യമാക്കിയ ചില കോൺവർസേഷൻ സ്‌റ്റാർട്ടറുകൾ ഇതാ;
സന്തുലിതമായത്
വിവരങ്ങൾ ബോധ്യപ്പെട്ടുള്ളത്
ഉൾക്കൊള്ളുന്നത്
ഇടപഴകുന്നത്
ജാഗ്രതയുള്ളത്
നമ്മുടെ വീടുകളിലും സ്‌കൂളുകളിലും പഠിപ്പിക്കേണ്ട, ആരോഗ്യമുള്ള ഡിജിറ്റൽ പൗരൻമാരുടെ 5 കഴിവുകൾ ഡിജിറ്റൽ സിറ്റിസൺഷിപ്പ് സഖ്യം കണ്ടെത്തിയിട്ടുണ്ട്. നമ്മുടെ കുട്ടികളെ അവരുടെ സാങ്കേതികവിദ്യാ ഉപയോഗത്തിൽ സന്തുലിത പാലിക്കുന്നവരായും അറിവുള്ളവരായും ഉൾക്കൊള്ളുന്നവരായും ഇടപഴകുന്നവരായും ജാഗ്രതയുള്ളവരായുമിരിക്കാൻ പഠിക്കാൻ സഹായിക്കുന്നതിലാണ് കഴിവുകൾ ശ്രദ്ധ കേന്ദ്രീകരിക്കുന്നത്. നിങ്ങളുടെ കുടുംബത്തിന്റെ ഡിജിറ്റൽ സംസ്‌കാരത്തെക്കുറിച്ച് ചിന്തിക്കുമ്പോൾ, കുട്ടികൾ സംഭാഷണത്തിൽ ഏർപ്പെട്ടിരിക്കുന്നതും അവരുടെ സ്വന്തം ഡിജിറ്റൽ അനുഭവങ്ങൾ പ്രതിഫലിപ്പിക്കാനുള്ള അവസരം ഉണ്ടായിരിക്കുന്നതും പ്രധാനമാണ്. ഫലപ്രദമായ ഡിജിറ്റൽ പൗരനായിരിക്കുന്നതിന്റെ ആട്രിബ്യൂട്ടുകൾ പരിശീലിക്കുന്നത് എന്തുകൊണ്ട് പ്രധാനമാണ് എന്നതിനെ കുറിച്ച് സംസാരിക്കുക. വെർച്വൽ ലോകത്തിലെ അവരുടെ പെരുമാറ്റങ്ങളെ അടിസ്ഥാനമാക്കി അവരുടെ ജീവിതത്തിലും മറ്റുള്ളവരുടെ ജീവിതത്തിലും വരുത്താനാകുന്ന വ്യത്യാസം കാണാൻ അവരെ സഹായിക്കുക.
ഒരു കുടുംബത്തിന്റെ സാങ്കേതിക സംസ്കാരം മാറുന്നത് ഒരൊറ്റ സംസാരത്തിൽ സംഭവിക്കുന്നതല്ല, മറിച്ച് തുടർച്ചയായുള്ള സംഭാഷണങ്ങളിലൂടെയാണ്. നിങ്ങൾക്ക് ആരംഭിക്കുന്നതിന്, സംഭാഷണങ്ങൾ ആരംഭിക്കാൻ നിങ്ങളെ സഹായിക്കുന്നതിനുള്ള ഡിജിറ്റൽ പൗരന്മാരുടെ 5 കഴിവുകൾക്ക് അനുയോജ്യമാക്കിയ ചില കോൺവർസേഷൻ സ്‌റ്റാർട്ടറുകൾ ഇതാ;
സന്തുലിതമായത്
- നിങ്ങളുടെ ചില ആപ്പുകൾ ഉപയോഗിക്കുന്നത് നിർത്തുന്നതിൽ നിങ്ങൾക്ക് ബുദ്ധിമുട്ടുണ്ടാക്കുന്ന ചില കാര്യങ്ങൾ ഏതൊക്കെയാണ്?
- ഒരു പ്രത്യേക ഡിജിറ്റൽ പ്രവർത്തനം കൂടുതൽ പ്രാധാന്യമുള്ള മറ്റ് കാര്യങ്ങൾ ചെയ്യുന്നതിൽ നിന്ന് നിങ്ങളെ തടയുന്ന അവസരങ്ങളുണ്ടോ?
- സാങ്കേതികവിദ്യ ഉപയോഗിക്കുന്നതിൽ നിന്ന് ഇടവേള എടുക്കേണ്ട സമയമായെന്ന് നിങ്ങൾക്ക് എങ്ങനെ അറിയാം?
- നമ്മുടെ ദിവസത്തിൽ ഉപകരണരഹിതമായിരിക്കേണ്ട സമയങ്ങൾ എപ്പോഴാണ്?
- ഏതൊക്കെ ആപ്പുകൾ അല്ലെങ്കിൽ ഡിജിറ്റൽ പ്രവർത്തനങ്ങൾ നിങ്ങൾക്ക് ഉപയോഗപ്രദമാണെന്ന് നിങ്ങൾ എങ്ങനെ തീരുമാനിക്കും?
വിവരങ്ങൾ ബോധ്യപ്പെട്ടുള്ളത്
- നിങ്ങൾ അടുത്തിടെ ഓൺലൈനിൽ പുതുതായി പഠിച്ചത് എന്താണ്?
- നിങ്ങൾ പുതിയ എന്തെങ്കിലും പഠിക്കാൻ ആഗ്രഹിക്കുമ്പോൾ ഓൺലൈനിൽ പോകാൻ നിങ്ങളുടെ പ്രിയപ്പെട്ട സ്ഥലങ്ങൾ ഏതെല്ലാമാണ്?
- നമ്മൾ ഓൺലൈനിൽ കണ്ടെത്തുന്ന വിവരങ്ങൾ തെറ്റിദ്ധരിപ്പിക്കുന്നതോ കൃത്യമല്ലാത്തതോ ആണെങ്കിൽ തിരിച്ചറിയാതിരിക്കുന്നതിന്റെ അപകടങ്ങൾ എന്തൊക്കെയാണ്?
- തെറ്റായി തോന്നുന്ന വിവരങ്ങൾ ആരെങ്കിലും പങ്കിടുമ്പോൾ നിങ്ങൾക്ക് എങ്ങനെ പ്രതികരിക്കാം?
- നിങ്ങൾ എന്തെങ്കിലും പങ്കിടുകയും അത് ശരിയല്ലെന്ന് കണ്ടെത്തുകയും ചെയ്താൽ നിങ്ങൾ എന്തുചെയ്യണം?
ഉൾക്കൊള്ളുന്നത്
- നിങ്ങൾ ഓൺലൈനിൽ എഴുതിയതോ പറഞ്ഞതോ ആയ കാര്യങ്ങളിൽ എപ്പോഴെങ്കിലും ഖേദിച്ചിട്ടുണ്ടോ?
- നിങ്ങൾ ബഹുമാനിക്കുന്ന ആരെങ്കിലും നിങ്ങളെ നിരാശപ്പെടുത്തുന്ന എന്തെങ്കിലും ഓൺലൈനിൽ ചെയ്യുന്നതോ പറയുന്നതോ നിങ്ങൾ എപ്പോഴെങ്കിലും കണ്ടിട്ടുണ്ടോ?
- ഓൺലൈനിലോ വ്യക്തിപരമായോ ഒരാളോട് ദയ കാണിക്കാതിരിക്കുന്നത് എളുപ്പമാണെന്ന് നിങ്ങൾ കരുതുന്നുണ്ടോ?
- നിങ്ങളോട് വിയോജിക്കുന്ന ഒരാളിൽ നിന്ന് നിങ്ങൾ പഠിച്ച എന്തിനെയെങ്കിലും കുറിച്ച് നിങ്ങൾക്ക് ചിന്തിക്കാനാകുമോ?
- ഓൺലൈനിൽ നിങ്ങൾ എപ്പോഴെങ്കിലും ഒഴിവാക്കപ്പെടുകയോ നിരസിക്കപ്പെടുകയോ ചെയ്തതായി തോന്നിയിട്ടുണ്ടോ?
ഇടപഴകുന്നത്
- ഓൺലൈനിൽ മറ്റൊരാളെ സഹായിക്കാൻ നിങ്ങൾ എപ്പോഴെങ്കിലും അവസരം കണ്ടെത്തിയിട്ടുണ്ടോ?
- നിങ്ങളുടെ സ്കൂളിലെ ഒരു പ്രശ്നം പരിഹരിക്കാൻ കഴിയുമെങ്കിൽ, അത് എന്തായിരിക്കും?
- ആ പ്രശ്നം പരിഹരിക്കാൻ നിങ്ങളെ സഹായിക്കാൻ നിങ്ങൾക്ക് എങ്ങനെ സാങ്കേതികവിദ്യ ഉപയോഗിക്കാം?
- ലോകത്തെ മികച്ചതാക്കുന്ന ഒരു പുതിയ ആപ്പ് നിങ്ങൾക്ക് കണ്ടുപിടിക്കാൻ കഴിയുമെങ്കിൽ, അത് എന്തുചെയ്യും?
- കുടുംബ സ്‌മരണകളും കഥകളും പകർത്താൻ നിങ്ങൾക്ക് എങ്ങനെ സാങ്കേതികവിദ്യ ഉപയോഗിക്കാം?
ജാഗ്രതയുള്ളത്
- ഓൺലൈനിൽ ഒരാൾ മറ്റൊരാളോട് മോശമായി പെരുമാറുന്നത് കണ്ടാൽ നിങ്ങൾ എന്ത് ചെയ്യും?
- ഒരു വെബ്‌സൈറ്റോ ആപ്പോ സുരക്ഷിതമല്ലാത്തതാകാമെന്ന ചില മുന്നറിയിപ്പ് സൂചനകൾ എന്തൊക്കെയാണ്?
- ആരെങ്കിലും നിങ്ങളോട് ഓൺലൈനിൽ ചെയ്യാൻ ആവശ്യപ്പെടുന്ന കാര്യങ്ങളിൽ നിങ്ങൾക്ക് അസ്വസ്ഥത തോന്നിയാൽ നിങ്ങൾ എന്തു ചെയ്യും?
- ഓൺലൈനിൽ സംഭവിച്ച ഒരു കാര്യത്തെക്കുറിച്ച് നിങ്ങൾക്ക് ആശങ്കയുണ്ടെങ്കിൽ ആരോട് സംസാരിക്കുന്നതാണ് നിങ്ങൾക്ക് സൗകര്യപ്രദം?
- ഓൺലൈനിൽ സുരക്ഷിതമായി തുടരാൻ ഒരു കുടുംബമെന്ന നിലയിൽ നമ്മൾ ചെയ്യേണ്ട ചില കാര്യങ്ങൾ എന്തൊക്കെയാണ്?
