സോഷ്യൽ മീഡിയയും ആത്മഹത്യാ പ്രതിരോധവും: എങ്ങനെ സഹായം നേടാം, എങ്ങനെ സഹായിക്കാം

• വ്യക്തി "ആത്മഹത്യയിലൂടെ മരിച്ചു" എന്ന് പറയാൻ ശ്രമിക്കുക ("ആത്മഹത്യ ചെയ്‌തു" എന്നതിന് പകരം - സഹായകരമല്ലാത്ത ഭാഷയുടെ ഉദാഹരണങ്ങൾ ചുവടെ കാണുക).
• ആത്മഹത്യ സങ്കീർണ്ണമാണെന്നും ഒരു വ്യക്തിയുടെ ജീവിതം അവസാനിപ്പിക്കാൻ പല ഘടകങ്ങളും കാരണമാകുന്നുവെന്നും സൂചിപ്പിക്കുക.
• പ്രത്യാശയുടെയും പുനരുജ്ജീവനത്തിന്റെയും സന്ദേശങ്ങൾ ഉൾപ്പെടുത്തുക.
• ആത്മഹത്യയെക്കുറിച്ച് ചിന്തിക്കാനിടയുള്ള മറ്റുള്ളവരോട് എവിടെ, എങ്ങനെ സഹായം ലഭിക്കുമെന്ന് പറയുക.
• അവരുടെ പ്രിയപ്പെട്ട പ്രവർത്തനങ്ങളിൽ ഏർപ്പെടുന്നതും സുഹൃത്തുക്കളുമായി സമയം ചിലവിടുന്നതും പോലുള്ള, ആത്മഹത്യയിൽ നിന്ന് സംരക്ഷിക്കാൻ സഹായിക്കുന്ന ഘടകങ്ങളെക്കുറിച്ചുള്ള വിവരങ്ങൾ ഉൾപ്പെടുത്തുക.
• ആത്മഹത്യ തടയാനാകുമെന്നും സഹായം ലഭ്യമാണെന്നും ചികിത്സകൾ വിജയകരമാണെന്നും പുനരുജ്ജീവനം സാധ്യമാണെന്നും സൂചിപ്പിക്കുക.
• യുവാക്കൾക്ക് എന്താണ് തോന്നുന്നതെന്ന് സംസാരിക്കാൻ അവരെ പ്രോത്സാഹിപ്പിക്കുക - അത് ഒരു സുഹൃത്തിനോടോ വിശ്വസ്തനായ ഒരു മുതിർന്നയാളോടോ പ്രൊഫഷണലിനോടോ ആയിരിക്കാം.

• ആത്മഹത്യയെ കുറ്റകരമെന്നോ പാപമെന്നോ വിവരിക്കുന്ന വാക്കുകൾ ഉപയോഗിക്കരുത് ("ആത്മഹത്യ ചെയ്തു" എന്നതിനുപകരം "ആത്മഹത്യയിലൂടെ മരിച്ചു" എന്ന് പറയുക). ഇത് ഒരാൾക്ക് തോന്നുന്നത് തെറ്റോ അസ്വീകാര്യമോ ആണെന്നോ അവരോട് സൂചിപ്പിക്കുന്നതോ സഹായം ആവശ്യപ്പെട്ടാൽ തങ്ങളെ മുൻവിധിയോടെ സമീപിക്കുമോ എന്ന് ആരെയെങ്കിലും ആശങ്കപ്പെടുത്തുന്നതോ ആയേക്കാം.
• പ്രശ്‌നങ്ങൾക്കും ജീവിത സമ്മർദ്ദങ്ങൾക്കും അല്ലെങ്കിൽ മാനസികാരോഗ്യ പ്രശ്‌നങ്ങൾക്കും ആത്മഹത്യ ഒരു 'പരിഹാരം' ആണെന്ന് പറയരുത്.
• ആത്മഹത്യയെ ഗ്ലാമറൈസ് ചെയ്യുന്നതോ, കാൽപ്പനികമാക്കുന്നതോ, ആകർഷകമായി തോന്നിപ്പിക്കുന്നതോ ആയ വാക്കുകൾ ഉപയോഗിക്കരുത്.
• ആത്മഹത്യയെ നിസ്സാരമാക്കുന്നതോ അതിന്റെ നിലവിലുള്ള സങ്കീർണ്ണത കുറയ്‌ക്കുന്നതോ ആയ വാക്കുകൾ ഉപയോഗിക്കരുത്.
• ഒരു സംഭവത്തെ കുറ്റപ്പെടുത്തുകയോ അല്ലെങ്കിൽ ഭീഷണിപ്പെടുത്തൽ അല്ലെങ്കിൽ സോഷ്യൽ മീഡിയ ഉപയോഗം പോലെയുള്ള ഒരൊറ്റ കാരണത്തിന്റെ ഫലമാണ് ആത്മഹത്യയെന്ന് സൂചിപ്പിക്കുകയോ ചെയ്യരുത്.
• കെട്ടുകഥകൾ, കളങ്കം, സ്റ്റീരിയോടൈപ്പുകൾ എന്നിവയെ ശക്തിപ്പെടുത്തുന്നതോ ആത്മഹത്യയെക്കുറിച്ച് ഒന്നും ചെയ്യാൻ കഴിയില്ലെന്ന് സൂചിപ്പിക്കുന്നതോ ആയ മുൻ‌വിധിയോട് കൂടിയ പദങ്ങൾ ഉപയോഗിക്കരുത്.
• യഥാർത്ഥ ആത്മഹത്യയെക്കുറിച്ചോ ആത്മഹത്യാശ്രമത്തെക്കുറിച്ചോ ഉള്ള വിശദമായ വിവരങ്ങൾ നൽകരുത്.
• ആത്മഹത്യാ രീതികളെക്കുറിച്ചോ ആത്മഹത്യ ചെയ്ത സ്ഥലത്തെക്കുറിച്ചോ ഉള്ള വിവരങ്ങൾ നൽകരുത്.
• ഒരു പ്രത്യേക സ്ഥലത്തോ 'ഹോട്ട് സ്പോട്ടിലോ' നിരവധി ആത്മഹത്യകൾ നടന്നിട്ടുണ്ടെങ്കിൽ അത് സമ്മതിക്കരുത്.

സോഷ്യൽ മീഡിയയിൽ കൗമാരക്കാരിലെ ആത്മഹത്യാപരമായ പെരുമാറ്റങ്ങൾ ശ്രദ്ധിക്കുക

• അവനെ/അവളെ തന്നെ ഉപദ്രവിക്കുമെന്നോ ആത്മഹത്യ ചെയ്യുമെന്നോ ഭീഷണിപ്പെടുത്തുന്നു
• ആത്മഹത്യയിലൂടെ മരിക്കാനുള്ള വഴികൾ തേടുന്നു (ഉദാ: ഗുളികകൾ, ആയുധങ്ങൾ അല്ലെങ്കിൽ മറ്റ് മാർഗങ്ങൾ തേടൽ)
• മനപ്പൂർവ്വം അവനെ/അവളെ സ്വയം വേദനിപ്പിക്കുന്നു (അതായത്, പോറൽ ഏൽപ്പിക്കുന്നതിലൂടെ, മുറിവ് ഏൽപ്പിക്കുന്നതിലൂടെ അല്ലെങ്കിൽ കത്തിക്കുന്നതിലൂടെ)
• മരണത്തെക്കുറിച്ചോ മരിക്കുന്നതിനെക്കുറിച്ചോ ആത്മഹത്യയെക്കുറിച്ചോ സംസാരിക്കുകയോ എഴുതുകയോ ചെയ്യുന്നു
• പ്രതീക്ഷയില്ലായ്മ
• കോപം, ദേഷ്യം, പ്രതികാരം തേടൽ
• ഒന്നും ചിന്തിക്കാതെ, സാഹസികമായി പ്രവർത്തിക്കുകയോ അപകടകരമായ പ്രവർത്തനങ്ങളിൽ ഏർപ്പെടുകയോ ചെയ്യുന്നു
• പുറത്തുകടക്കാൻ ഒരു വഴിയുമില്ലാത്തതുപോലെ കുടുങ്ങിപ്പോയതായി തോന്നുന്നു
• മദ്യത്തിന്റെ അല്ലെങ്കിൽ മയക്കുമരുന്നിന്റെ ഉപയോഗം വർദ്ധിക്കുന്നു
• സുഹൃത്തുക്കളിൽ നിന്നോ കുടുംബത്തിൽ നിന്നോ സമൂഹത്തിൽ നിന്നോ പിൻവലിയുന്നു
• ഉത്കണ്ഠ, വ്യാകുലത, ഉറക്കത്തിലോ വിശപ്പിലോ ഉള്ള മാറ്റങ്ങൾ
• മാനസികാവസ്ഥയിലുള്ള നാടകീയമായ മാറ്റങ്ങൾ
• ജീവിക്കാൻ ഒരു കാരണവുമില്ല, ജീവിതത്തിൽ ലക്ഷ്യബോധവുമില്ല

അപകടകരമായ ഓൺലൈൻ “വെല്ലുവിളികളോട്” പ്രതികരിക്കൽ

• അപകടസാധ്യത മനസ്സിലാക്കുക. അപകട സാധ്യത തള്ളിക്കളയരുത്. ഈ ഉള്ളടക്കത്തിന്റെ വ്യാപനം തടയുന്നതിൽ എല്ലാവർക്കും പങ്കുണ്ട്.
• സജീവമായി കേൾക്കുക. ചെറുപ്പക്കാർ ഓൺലൈനിൽ കണ്ട കാര്യങ്ങളെക്കുറിച്ചോ സുഹൃത്തുക്കളുടെയോ മറ്റുള്ളവരുടെയോ പോസ്റ്റുകളോ അഭിപ്രായങ്ങളോ സംബന്ധിച്ച് എന്തെങ്കിലും ആശങ്കകളോ വിഷമങ്ങളോ പ്രകടിപ്പിക്കുകയാണെങ്കിൽ, അവരെ കേൾക്കുകയും പിന്തുണ നൽകുകയും ചെയ്യേണ്ടത് പ്രധാനമാണ്.
• ആഘാതം പരിഗണിക്കുക. ഓൺലൈനിലുള്ള സ്വയം-ഉപദ്രവിക്കലിനെയും ആത്മഹത്യാ വെല്ലുവിളികളെയും കുറിച്ചുള്ള മുന്നറിയിപ്പുകൾ കൈമാറുന്നത് പോലും ചില ആളുകൾക്ക് പ്രേരണയുണ്ടാക്കാം. ആളുകൾക്ക് കാര്യങ്ങൾ സംബന്ധിച്ച് അറിവുണ്ടായിരിക്കേണ്ടത് പ്രധാനമാണ്, എന്നാൽ ആത്മഹത്യ എന്ന വിഷയവുമായി ബന്ധപ്പെട്ട് നിങ്ങൾ എന്താണ് പങ്കിടുന്നത് എന്നതിലും അത് മറ്റുള്ളവരെ എങ്ങനെ ബാധിക്കുമെന്നതിലും ശ്രദ്ധ പുലർത്തുക.
• ഇത് റിപ്പോർട്ടുചെയ്യുക. സോഷ്യൽ മീഡിയ ചാനലുകൾക്ക് ഹാനികരമോ വിഷമിപ്പിക്കുന്നതോ ആയ അനുചിതമായ ഓൺലൈൻ മെറ്റീരിയൽ ആർക്കും റിപ്പോർട്ട് ചെയ്യാം. പ്ലാറ്റ്‌ഫോമുകൾ അവരുടെ നയങ്ങൾക്ക് വിരുദ്ധമായ ഉള്ളടക്കം അവലോകനം ചെയ്യുകയും നീക്കം ചെയ്യുകയും ചെയ്യും.
• ഇത് സംബന്ധിച്ച് വിശദമായി ചർച്ച ചെയ്യുക. നിങ്ങൾക്ക് കൗമാരപ്രായത്തിലുള്ള കുട്ടികൾ ഉണ്ടെങ്കിൽ (അല്ലെങ്കിൽ യുവാക്കൾക്കൊപ്പം ജോലി ചെയ്യുന്നുവെങ്കിൽ), അവർ ചെയ്യുന്നതോ കാണുന്നതോ ആയ കാര്യങ്ങൾ പങ്കിടാൻ അവരെ പ്രോത്സാഹിപ്പിക്കുന്ന വിധത്തിൽ അവരുടെ ഓൺലൈൻ പ്രവർത്തനത്തെക്കുറിച്ച് അവരോട് സംസാരിക്കാനുള്ള വഴികൾ കണ്ടെത്തുക. ഒരു വെല്ലുവിളിയെക്കുറിച്ച് നേരിട്ട് ചോദിക്കുന്നത് ഫലപ്രദമായില്ലെങ്കിൽ, കണ്ടെത്താനുള്ള കൂടുതൽ പരോക്ഷ മാർഗങ്ങൾ പരീക്ഷിക്കുക. തങ്ങളുടെ മാതാപിതാക്കളെ വിശ്വസിക്കാൻ കഴിയുമെന്നും സത്യസന്ധമായി കാര്യങ്ങൾ പറയുമ്പോൾ ശിക്ഷിക്കപ്പെടില്ലെന്നും ചെറുപ്പക്കാർ അറിഞ്ഞിരിക്കണം.