ਅੱਲ੍ਹੜ ਬੱਚਿਆਂ ਵਿੱਚ ਮੁੜ-ਉੱਭਰਨ ਦੀ ਸਮਰੱਥਾ ਪੈਦਾ ਕਰਨ ਦੀ ਮਹੱਤਤਾ
Cyberbullying Research Center
ਸਮੀਰ ਹਿੰਦੂਜਾ ਅਤੇ ਜਸਟਿਨ ਡਬਲਯੂ. ਪੈਚਿਨ ਵੱਲੋਂ ਲਿਖਿਆ ਗਿਆ
13 ਜੂਨ 2022
ਆਪਣੇ ਆਪ ਨੂੰ ਢਾਲਣਾ "ਮੁੜ-ਖੜ੍ਹਾ ਹੋਣ, ਦੁਬਾਰਾ ਕੋਸ਼ਿਸ਼ ਕਰਨ, ਮੁਸੀਬਤਾਂ ਦਾ ਸਫਲਤਾਪੂਰਵਕ ਸਾਹਮਣਾ ਕਰਨ ਦੇ ਅਨੁਕੂਲ ਹੋਣ ਅਤੇ ਗੰਭੀਰ ਤਣਾਅ ਦੇ ਸੰਪਰਕ ਵਿੱਚ ਆਉਣ ਦੇ ਬਾਵਜੂਦ ਸਮਾਜਿਕ ਅਤੇ ਅਕਾਦਮਿਕ ਯੋਗਤਾ ਵਿਕਸਤ ਕਰਨ...ਜਾਂ ਫਿਰ ਅੱਜ ਦੀ ਦੁਨੀਆ ਦੇ ਤਣਾਅ ਨਾਲ ਨਜਿੱਠਣ ਦੀ ਸਮਰੱਥਾ ਹੈ।"1 ਬਿਨਾਂ ਸ਼ੱਕ ਨੌਜਵਾਨਾਂ ਨੂੰ ਵੱਡੇ ਹੋਣ ਦੌਰਾਨ ਮੁਸੀਬਤਾਂ ਆਉਣਗੀਆਂ - ਉਨ੍ਹਾਂ ਦੀ ਸਕੂਲੀ ਪੜ੍ਹਾਈ ਵਿੱਚ, ਉਨ੍ਹਾਂ ਦੀ ਸਿਹਤ ਵਿੱਚ, ਅਤੇ ਉਨ੍ਹਾਂ ਦੇ ਸਮਾਜਿਕ ਜੀਵਨ ਵਿੱਚ। ਬਦਕਿਸਮਤੀ ਨਾਲ, ਮੁੜ-ਉੱਭਰਨ ਦੀ ਸਮਰੱਥਾ ਦੀ ਮਹੱਤਤਾ ਨੂੰ ਅਕਸਰ ਨਜ਼ਰਅੰਦਾਜ਼ ਕੀਤਾ ਜਾਂਦਾ ਹੈ। ਜ਼ਿੰਦਗੀ ਵੱਖ-ਵੱਖ ਸੰਘਰਸ਼ਾਂ ਨਾਲ ਭਰੀ ਹੋਈ ਹੈ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਸੰਬੰਧਿਤ ਹਨ। ਬਹੁਤ ਸਾਰੇ ਮਾਂ-ਪਿਓ ਆਪਣੇ ਬੱਚਿਆਂ ਨੂੰ ਕਿਸੇ ਵੀ ਕਿਸਮ ਦੇ ਦਰਦ ਤੋਂ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਉਨ੍ਹਾਂ ਦੇ ਨਾਲ ਦੀ ਬਜਾਏ ਉਨ੍ਹਾਂ ਦੀ ਥਾਂ 'ਤੇ ਬੋਲਦੇ ਹਨ, ਅਤੇ ਔਖੇ ਪਰ ਮਹੱਤਵਪੂਰਨ ਸਿਖਾਉਣ ਯੋਗ ਪਲਾਂ ਦੀ ਇਜਾਜ਼ਤ ਦਿੱਤੇ ਬਿਨਾਂ ਦਖ਼ਲ ਦਿੰਦੇ ਹਨ। ਹਾਲਾਂਕਿ, ਹਰ ਸਥਿਤੀ ਵਿੱਚ ਅਜਿਹਾ ਕਰਨਾ ਤੁਹਾਡੇ ਅੱਲ੍ਹੜ ਬੱਚਿਆਂ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ - ਅਤੇ ਇਸ ਨਾਲ ਉਹ ਬਾਲਗ ਉਮਰ ਲਈ ਤਿਆਰ ਨਹੀਂ ਹੋ ਸਕਦੇ, ਜੋ ਕਿਸੇ ਅਜਿਹੇ ਮਾਹੌਲ ਵਿੱਚ ਸੰਭਵ ਨਹੀਂ, ਜਿੱਥੇ ਹਰ ਕੋਈ ਉਨ੍ਹਾਂ ਨਾਲ ਹਮੇਸ਼ਾ ਚੰਗਾ ਵਿਹਾਰ ਕਰਦਾ ਰਹੇ।
ਮੁੜ-ਉੱਭਰਨ ਦੀ ਸਮਰੱਥਾ ਅਤੇ ਸਾਈਬਰ ਧੱਕੇਸ਼ਾਹੀ 'ਤੇ ਖੋਜ
ਸਾਡੀ ਖੋਜ ਵਿੱਚ2 ਸਾਨੂੰ ਪਤਾ ਲੱਗਾ ਹੈ ਕਿ ਇੱਕ ਅੱਲ੍ਹੜ ਬੱਚੇ ਵਿੱਚ ਜਿੰਨੀ ਜ਼ਿਆਦਾ ਮੁੜ-ਉੱਭਰਨ ਦੀ ਸਮਰੱਥਾ ਹੁੰਦਾ ਹੈ, ਸਾਈਬਰ ਧੱਕੇਸ਼ਾਹੀ ਨਾਲ ਉਨ੍ਹਾਂ ਦੇ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਓਨੀ ਘੱਟ ਹੁੰਦੀ ਹੈ। ਇਸ ਤੋਂ ਇਲਾਵਾ, ਮੁੜ-ਉੱਭਰਨ ਦੀ ਸਮਰੱਥਾ ਦੇ ਉੱਚ ਪੱਧਰਾਂ ਵਾਲੇ ਅੱਲ੍ਹੜ ਬੱਚਿਆਂ ਨੇ ਉਹ ਸਾਰੀਆਂ ਚੀਜ਼ਾਂ ਕੀਤੀਆਂ ਜੋ ਮਾਂ-ਪਿਓ ਅਤੇ ਦੇਖਭਾਲ ਕਰਨ ਵਾਲੇ ਚਾਹੁੰਦੇ ਹਨ ਕਿ ਵਿਦਿਆਰਥੀਆਂ ਨੂੰ ਦੁਰਵਿਵਹਾਰ ਦਾ ਸਾਹਮਣਾ ਕਰਨ ਵੇਲੇ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਨੇ ਇਸਦੀ ਸੂਚਨਾ ਸਕੂਲ ਨੂੰ ਦਿੱਤੀ। ਉਨ੍ਹਾਂ ਨੇ ਇਸਦੀ ਸੂਚਨਾ ਸਾਈਟ/ਐਪ ਨੂੰ ਦਿੱਤੀ। ਉਨ੍ਹਾਂ ਨੇ ਆਪਣਾ ਸਕ੍ਰੀਨ ਨਾਂ ਬਦਲਿਆ, ਹਮਲਾਵਰ ਨੂੰ ਬਲੌਕ ਕੀਤਾ, ਜਾਂ ਲੌਗ ਆਉਟ ਕੀਤਾ। ਦੂਜੇ ਪਾਸੇ, ਮੁੜ-ਉੱਭਰਨ ਦੀ ਸਭ ਤੋਂ ਘੱਟ ਸਮਰੱਥਾ ਵਾਲੇ ਅੱਲ੍ਹੜ ਬੱਚਿਆਂ ਦੀ ਸਾਈਬਰ ਧੱਕੇਸ਼ਾਹੀ ਵਿਰੁੱਧ ਕੋਈ ਕਾਰਵਾਈ ਨਾ ਕਰਨ ਸੰਭਾਵਨਾ ਦੀ ਜ਼ਿਆਦਾ ਸੀ।
ਮੁਸੀਬਤ ਨੂੰ ਸੁਧਾਰ ਕੇ ਮੁੜ-ਉੱਭਰਨ ਦੀ ਸਮਰੱਥਾ ਪੈਦਾ ਕਰਨਾ
ਮੰਨ ਲਓ ਕਿ ਤੁਹਾਡਾ ਅੱਲ੍ਹੜ ਬੱਚਾ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਦੁਖੀ ਕਰਨ ਕਮੈਂਟਾਂ ਨਾਲ ਨਜਿੱਠ ਰਿਹਾ ਹੈ। ਸ਼ਾਇਦ ਮੂਲ ਰੂਪ ਵਿੱਚ, ਅੱਲ੍ਹੜ ਵੱਖ ਹੋ ਸਕਦਾ ਹੈ, ਅਤੇ ਆਪਣੇ ਆਪ ਨੂੰ ਦੱਸਣਾ ਸ਼ੁਰੂ ਕਰ ਸਕਦਾ ਹੈ ਕਿ ਉਹ ਇੱਕ ਹਾਰਨ ਵਾਲੇ ਹਨ ਜੋ ਇਸ ਗੱਲ ਦੇ ਹੱਕਦਾਰ ਹਨ, ਅਤੇ ਇਹ ਧੱਕੇਸ਼ਾਹੀ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਬਹੁਤ ਹੈ, ਅਤੇ ਬਹੁਤੇ ਲੋਕਾਂ ਦਾ ਉਨ੍ਹਾਂ ਵੱਲ ਭਾਵਨਾਵਾਂ ਦਾ ਸੰਭਾਵਿਤ ਪ੍ਰਤੀਨਿਧ ਹੈ । ਆਦਰਸ਼ਕ ਤੌਰ 'ਤੇ, ਇਹ ਉਨ੍ਹਾਂ ਲਈ ਬਿਹਤਰ ਹੋਵੇਗਾ ਕਿ ਕੀ ਹੋਇਆ ਹੈ ਅਤੇ ਇਸ ਨੂੰ ਸਕਾਰਾਤਮਕ ਢੰਗ ਨਾਲ ਸਮਝਣਾ ਚਾਹੀਦਾ ਹੈ। ਉਹ ਆਪਣੇ ਆਪ ਨੂੰ ਦੱਸ ਸਕਦੇ ਹਨ ਕਿ ਉਹ ਵਿਅਕਤੀ ਜੋ ਉਨ੍ਹਾਂ ਨੂੰ ਸਾਈਬਰ ਧੱਕੇਸ਼ਾਹੀ ਕਰ ਰਿਹਾ ਹੈ, ਉਦਾਹਰਨ ਲਈ, ਉਨ੍ਹਾਂ ਦੀਆਂ ਆਪਣੀਆਂ ਅਸੁਰੱਖਿਆਵਾਂ ਅਤੇ ਨਿੱਜੀ ਸਮੱਸਿਆਵਾਂ ਨਾਲ ਨਜਿੱਠ ਰਿਹਾ ਹੈ, ਅਤੇ ਦੂਜਿਆਂ ਨੂੰ ਨੀਵਾਂ ਦਿਖਾ ਕੇ ਹੀ ਆਪਣੀ ਜ਼ਿੰਦਗੀ ਬਾਰੇ ਬਿਹਤਰ ਮਹਿਸੂਸ ਕਰ ਸਕਦਾ ਹੈ। ਉਹ ਆਪਣੇ ਆਪ ਨੂੰ ਯਾਦ ਦਿਵਾ ਸਕਦੇ ਹਨ ਕਿ ਹਮਲਾਵਰ ਦੀ ਰਾਇ ਅਤੇ ਕਾਰਵਾਈਆਂ ਚੀਜ਼ਾਂ ਦੀ ਵਿਸ਼ਾਲ ਯੋਜਨਾ ਵਿੱਚ ਅਸਲ ਵਿੱਚ ਮਾਇਨੇ ਨਹੀਂ ਰੱਖਦੀਆਂ, ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਦਿਮਾਗ ਵਿੱਚ "ਰੈਂਟ ਫ਼ਰੀ ਰਹਿਣ" ਨਾ ਦੇਣ।
ਇਸ ਸਮੇਂ ਹੀ ਮਾਂ-ਪਿਓ ਅਤੇ ਦੇਖਭਾਲ ਕਰਨ ਵਾਲਿਆਂ ਦੀ ਲੋੜ ਹੁੰਦੀ ਹੈ ਅਤੇ ਇੱਥੇ ਹੀ ਉਹ ਠਰਮੇ ਵਾਲੀ ਅਤੇ ਉਦੇਸ਼ਪੂਰਨ ਗੱਲਬਾਤ ਅਸਲ ਵਿੱਚ ਉਪਯੋਗੀ ਹੋ ਸਕਦੀ ਹੈ। ਜਦੋਂ ਅਸੀਂ ਅੱਲ੍ਹੜਾਂ ਦੀ ਇਹ ਪਛਾਣ ਕਰਨ ਵਿੱਚ ਮਦਦ ਕਰਨ ਦੇ ਯੋਗ ਹੁੰਦੇ ਹਾਂ ਕਿ ਨਿਰਪੱਖ ਤੌਰ 'ਤੇ ਦੇਖਣ 'ਤੇ ਉਨ੍ਹਾਂ ਦੇ ਕਿਹੜੇ ਵਿਸ਼ਵਾਸਾਂ ਵਿੱਚ ਕੋਈ ਦਮ ਨਹੀਂ ਹੈ, ਤਾਂ ਅਸੀਂ ਉਨ੍ਹਾਂ ਦੇ ਹੁਨਰ ਦੇ ਟੂਲਬਾਕਸ ਵਿੱਚ ਅਜਿਹੇ ਟੂਲ ਸ਼ਾਮਲ ਕਰਦੇ ਹਾਂ, ਜਿਨ੍ਹਾਂ ਦੀ ਮਦਦ ਨਾਲ ਉਹ ਬੁਰੀ ਸੋਚ ਦੇ ਪੈਟਰਨਾਂ ਨੂੰ ਟਾਲ ਸਕਣ, ਉਨ੍ਹਾਂ ਨੂੰ ਰੋਕ ਸਕਣ ਅਤੇ ਉਨ੍ਹਾਂ ਦਾ ਖੰਡਨ ਕਰ ਸਕਣ3 ਉਹ ਫਿਰ ਉਨ੍ਹਾਂ ਨੂੰ ਸਿਹਤਮੰਦ, ਲਾਭਦਾਇਕ ਵਿਚਾਰਾਂ ਨਾਲ ਬਦਲ ਸਕਦੇ ਹਨ। ਇਸਦੇ ਨਤੀਜੇ ਵਜੋਂ ਵਰਤਮਾਨ ਅਤੇ ਭਵਿੱਖ ਵਿੱਚ ਜੀਵਨ ਪ੍ਰਤੀ ਸਕਾਰਾਤਮਕ ਸੁਭਾਅ ਅਤੇ ਦ੍ਰਿਸ਼ਟੀਕੋਣ ਬਣਦਾ ਹੈ।
ਦੇਖਭਾਲ ਕਰਨ ਵਾਲੇ ਫ਼ਿਲਮਾਂ ਅਤੇ ਕਿਤਾਬਾਂ ਨਾਲ ਮੁੜ-ਉੱਭਰਨ ਦੀ ਸਮਰੱਥਾ ਨੂੰ ਕਿਵੇਂ ਵਧਾ ਸਕਦੇ ਹਨ
ਮਾਂ-ਪਿਓ ਅਤੇ ਦੇਖਭਾਲ ਕਰਨ ਵਾਲੇ ਮੁੜ-ਉੱਭਰਨ ਦੀ ਸਮਰੱਥਾ ਨੂੰ ਸਿਖਾਉਣ ਲਈ ਫਿਲਮਾਂ ਅਤੇ ਕਿਤਾਬਾਂ ਦੀ ਵਰਤੋਂ ਕਰ ਸਕਦੇ ਹਨ, ਖ਼ਾਸ ਤੌਰ 'ਤੇ ਇਸ ਲਈ ਕਿਉਂਕਿ ਨੌਜਵਾਨ, ਪੌਪ ਕਲਚਰ, ਅਤੇ ਮੀਡੀਆ ਲਗਭਗ ਅਟੁੱਟ ਰੂਪ ਵਿੱਚ ਜੁੜੇ ਹੋਏ ਹਨ। ਅਸੀਂ ਸੁਭਾਵਿਕ ਤੌਰ 'ਤੇ ਕਹਾਣੀ ਦੀ ਬਣਤਰ ਨਾਲ ਜੁੜਦੇ ਹਾਂ ਅਤੇ ਉਨ੍ਹਾਂ ਮਹਾਨ ਲੋਕਾਂ ਤੋਂ ਡੂੰਘਾਈ ਨਾਲ ਪ੍ਰੇਰਿਤ ਹੁੰਦੇ ਹਾਂ ਜਿਨ੍ਹਾਂ ਨੂੰ ਅਸੀਂ ਸਾਰੀ ਉਮਰ ਸੁਣਿਆ, ਦੇਖਿਆ ਜਾਂ ਪੜ੍ਹਿਆ ਹੈ। ਬਹੁਤ ਸਾਰੇ ਬੱਚੇ ਐਲੀਮੈਂਟਰੀ ਸਕੂਲ ਵਿੱਚ ਪਰੀ ਕਹਾਣੀਆਂ ਅਤੇ ਯੂਨਾਨੀ ਮਿਥਿਹਾਸ ਤੋਂ ਪ੍ਰਭਾਵਿਤ ਹੋਏ ਹਨ, ਅੱਲ੍ਹੜ ਅਵਸਥਾ ਅਤੇ ਜਵਾਨੀ ਦੇ ਦੌਰਾਨ ਆਉਣ ਵਾਲੇ ਸੁਪਰਹੀਰੋਜ਼, ਬਾਅਦ ਵਿੱਚ ਜੀਵਨ ਵਿੱਚ ਖੇਡ-ਥੀਮ ਅਤੇ ਯੁੱਧ ਫ਼ਿਲਮਾਂ ਤੱਕ, ਅਤੇ ਇਨ੍ਹਾਂ ਵਿੱਚੋਂ ਹਰ ਇੱਕ ਕਹਾਣੀ ਉਨ੍ਹਾਂ ਨੂੰ ਬਾਹਰ ਰਹਿਣ ਲਈ ਪ੍ਰੇਰਿਤ ਕਰ ਸਕਦੀ ਹੈ। ਹੇਠਾਂ ਸਾਡੀ ਕੁਝ ਮਨਪਸੰਦ ਸਮੱਗਰੀ ਹੈ ਜੋ ਉਮਰ ਦੇ ਪੱਧਰ ਮੁਤਾਬਕ ਵੰਡੀ ਗਈ ਹੈ।
ਮੁੜ-ਉੱਭਰਨ ਦੀ ਸਮਰੱਥਾ ਸਿਖਾਉਣ ਲਈ ਫ਼ਿਲਮਾਂ ਅਤੇ ਸ਼ੋਅ:
ਮਿਡਲ ਸਕੂਲ
- Facing the Giants
- Finding Forrester
- Greatest Showman
- The 33
- The Florida Project
- The Rescue
ਹਾਈ ਸਕੂਲ
- 127 Hours
- Atypical
- Creed
- Penguin Bloom
- Rabbit-Proof Fence
- When They See Us
ਮੁੜ-ਉੱਭਰਨ ਦੀ ਸਮਰੱਥਾ ਸਿਖਾਉਣ ਲਈ ਕਿਤਾਬਾਂ:
ਮਿਡਲ ਸਕੂਲ
- El Deafo
- Fish in a Tree
- Sorta Like a Rock Star
- The Boy who Harnessed the Wind
- The Dot
- The Hunger Games
ਹਾਈ ਸਕੂਲ
- A Long Walk to Water
- Fast Talk on a Slow Track
- Hatchet
- Of Human Bondage
- The Rules of Survival
- Whirligig
ਮਾਂ-ਪਿਓ ਅਤੇ ਦੇਖਭਾਲ ਕਰਨ ਵਾਲਿਆਂ ਲਈ ਚੰਗਾ ਹੋਵੇਗਾ ਕਿ ਉਹ ਅੱਲ੍ਹੜ ਬੱਚਿਆਂ ਨੂੰ ਕਿਸੇ ਵੀ ਆਨਲਾਈਨ (ਜਾਂ ਆਫ਼ਲਾਈਨ!) ਮੁਸੀਬਤ ਨੂੰ ਵਧੇਰੇ ਸਕਾਰਾਤਮਕਤਾ ਨਾਲ ਦੇਖਣ ਮਦਦ ਕਰ ਕੇ, ਅਤੇ ਉਨ੍ਹਾਂ ਨੂੰ ਅਜਿਹੇ ਲੋਕਾਂ ਦੀਆਂ ਸੰਬੰਧਿਤ ਕਹਾਣੀਆਂ ਉਪਲਬਧ ਕਰਵਾਉਣ ਲਈ ਮੀਡੀਆ ਦੀ ਵਰਤੋਂ ਕਰ ਕੇ ਮੁੜ-ਉੱਭਰਨ ਦੀ ਸਮਰੱਥਾ ਵਿਕਸਿਤ ਕਰਨ ਨੂੰ ਤਰਜੀਹ ਦੇਣ, ਜਿਨ੍ਹਾਂ ਦੇ ਦ੍ਰਿਸ਼ਟੀਕੋਣ, ਕੰਮ ਅਤੇ ਜੀਵਨ ਤੋਂ ਸਿੱਖਿਆ ਮਿਲ ਸਕੇ। ਅਜਿਹਾ ਕਰਨ ਨਾਲ ਉਹ ਆਪਣੇ ਆਨਲਾਈਨ ਅਨੁਭਵਾਂ 'ਤੇ ਕੰਟਰੋਲ ਲੈਣ ਲਈ ਤਿਆਰ ਹੋਣਗੇ, ਅਤੇ ਆਪਣੇ ਆਪ ਨੂੰ ਨੁਕਸਾਨ ਤੋਂ ਬਿਹਤਰ ਢੰਗ ਨਾਲ ਬਚਾ ਸਕਣਗੇ। ਇਸ ਤੋਂ ਇਲਾਵਾ, ਇਨ੍ਹਾਂ ਤਰੀਕਿਆਂ ਨਾਲ ਮੁੜ-ਉੱਭਰਨ ਦੀ ਸਮਰੱਥਾ ਪੈਦਾ ਕਰਨਾ ਤੁਹਾਡੇ ਬੱਚੇ ਦੇ ਆਤਮ-ਵਿਸ਼ਵਾਸ, ਸਮੱਸਿਆ-ਹੱਲ ਕਰਨ ਦੀ ਯੋਗਤਾ, ਖੁਦਮੁਖਤਿਆਰੀ ਅਤੇ ਉਦੇਸ਼ ਦੀ ਭਾਵਨਾ ਨੂੰ ਵਧਾਏਗਾ - ਇਹ ਸਭ ਤੰਦਰੁਸਤ ਨੌਜਵਾਨ ਵਿਕਾਸ ਲਈ ਮਹੱਤਵਪੂਰਨ ਹਨ।
1 ਹੈਂਡਰਸਨ, ਐਨ., ਅਤੇ ਮਿਲਸਟੀਨ, ਐੱਮ. ਐੱਮ. (2003)। Resiliency in schools: Making it happen for students and educators.
ਥਾਊਸੈਂਡ ਓਕ, ਸੀ.ਏ: ਸੇਜ ਪਬਲੀਕੇਸ਼ਨ (ਕੋਰਵਿਨ ਪ੍ਰੈੱਸ)
2 ਹਿੰਦੂਜਾ, ਐੱਸ. ਐਂਡ ਪੈਚਿਨ, ਜੇ. ਡਬਲਯੂ. (2017)। Cultivating Youth Resilience to Prevent Bullying and Cyberbullying Victimization. Child Abuse & Neglect, 73, 51-62.
3 ਅਲਬਰਟ ਐਲਿਸ ਦੇ ABC (ਮੁਸੀਬਤ, ਵਿਸ਼ਵਾਸ ਅਤੇ ਨਤੀਜੇ) ਮਾਡਲ 'ਤੇ ਆਧਾਰਿਤ। ਕਿਰਪਾ ਕਰਕੇ ਦੇਖੋ ਐਲਿਸ, ਏ. (1991). ਤਰਕਸ਼ੀਲ-ਭਾਵਨਾਤਮਕ ਥੈਰੇਪੀ (RET) ਦਾ ਸੋਧਿਆ ਹੋਇਆ ABC's. ਤਰਕਸ਼ੀਲ-ਭਾਵਨਾਤਮਕ ਅਤੇ ਬੋਧਾਤਮਕ-ਵਿਹਾਰ ਥੈਰੇਪੀ ਦਾ ਰਸਾਲਾ, 9(3), 139-172.
ਥਾਊਸੈਂਡ ਓਕ, ਸੀ.ਏ: ਸੇਜ ਪਬਲੀਕੇਸ਼ਨ (ਕੋਰਵਿਨ ਪ੍ਰੈੱਸ)
2 ਹਿੰਦੂਜਾ, ਐੱਸ. ਐਂਡ ਪੈਚਿਨ, ਜੇ. ਡਬਲਯੂ. (2017)। Cultivating Youth Resilience to Prevent Bullying and Cyberbullying Victimization. Child Abuse & Neglect, 73, 51-62.
3 ਅਲਬਰਟ ਐਲਿਸ ਦੇ ABC (ਮੁਸੀਬਤ, ਵਿਸ਼ਵਾਸ ਅਤੇ ਨਤੀਜੇ) ਮਾਡਲ 'ਤੇ ਆਧਾਰਿਤ। ਕਿਰਪਾ ਕਰਕੇ ਦੇਖੋ ਐਲਿਸ, ਏ. (1991). ਤਰਕਸ਼ੀਲ-ਭਾਵਨਾਤਮਕ ਥੈਰੇਪੀ (RET) ਦਾ ਸੋਧਿਆ ਹੋਇਆ ABC's. ਤਰਕਸ਼ੀਲ-ਭਾਵਨਾਤਮਕ ਅਤੇ ਬੋਧਾਤਮਕ-ਵਿਹਾਰ ਥੈਰੇਪੀ ਦਾ ਰਸਾਲਾ, 9(3), 139-172.
ਸੰਬੰਧਿਤ ਸਰੋਤ
ਨਿਗਰਾਨੀ ਵਰਗੇ ਟੂਲਾਂ ਦੀ ਵਰਤੋਂ ਕਰਨਾ ਡਿਜੀਟਲ ਯੁੱਗ ਵਿੱਚ ਪਾਲਣ-ਪੋਸ਼ਣ ਨੂੰ ਕਿਵੇਂ ਆਸਾਨ ਬਣਾ ਸਕਦਾ ਹੈ
ਹੋਰ ਪੜ੍ਹੋ
