உங்கள் பதின்மவயதினர்
இணைய வழி கொடுமைப்படுத்தலுக்கு ஆளாகியிருந்தால்
என்ன செய்வது

உங்கள் பதின்மவயதினர் பாதுகாப்பாக இருப்பதை உறுதிப்படுத்திக் கொள்ளுங்கள்

உங்கள் பதின்மவயதினரின் பாதுகாப்பு மற்றும் நலமுடன் வாழ்தல் எப்போதும் முதன்மையான முன்னுரிமையாகும். அவர்கள் தங்களுக்கு ஆதரவு வழங்கப்படுவதாகவும், கூறுவது கேட்கப்படுவதாகவும், ஊக்குவிக்கப்படுவதாகவும் உணர நீங்கள் எவ்வாறு உதவலாம்? அவர்கள் மிகவும் பாதிக்கப்படக்கூடிய நிலையில் உள்ளதால், நிபந்தனையற்ற ஆதரவை அவர்களுக்குத் தெரிவிப்பது அவசியம். நீங்கள் இருவரும் விரும்புவது ஒரே இறுதி முடிவு என்பதை வார்த்தைகள் மற்றும் செயல்கள் மூலம் விவரிவிக்கவும்: இணைய வழி கொடுமைப்படுத்துதலை நிறுத்தி, அது மீண்டும் நிகழாது என்பதை உறுதிப்படுத்திக் கொள்ளுதல். ஒருவருக்கொருவர் பரஸ்பரம் ஒத்துக்கொண்ட தொடர் செயல்பாட்டை மேற்கொள்வதற்கு ஒன்றிணைந்து செயல்படுவதன் மூலம் இதை நிறைவேற்ற முடியும். அவர்களின் கண்ணோட்டத்தை நிராகரிக்காமல், ஆனால் அவர்களின் குரலையும் கண்ணோட்டத்தையும் அங்கீகரிக்க இது மிகவும் முக்கியமானதாகும்; இது உண்மையில் குணப்படுத்துதல் மற்றும் மீட்டெடுப்புச்‌ செயல்முறைக்கு உதவலாம். இணைய வழி கொடுமைப்படுத்துதலில் இலக்கிடப்பட்டவர்கள் தாங்கள் பெரியவர்களிடம் கூறும்போது அவர்கள் அறிவுப்பூர்வமாகவும், தர்க்கரீதியாகவும் தலையிடுவார்கள் என்றும் அத்துடன் நிலைமையை மோசமாக்க மாட்டார்கள் என்பதையும் உறுதியாக அறிந்திருக்க வேண்டும். நீங்கள் அவர்களுக்குத் துணையாக உள்ளீர்கள் என்பதையும், விஷயங்களைச் சீர்படுத்துவதற்கு அவர்களுடன் கூட்டாளியாக இருப்பீர்கள் என்பதையும் அவர்களுக்கு மீண்டும் உறுதியளிக்கவும்.

ஆதாரங்களைச் சேகரித்தல்

நிகழ்ந்தது என்ன, யார் ஈடுபட்டார்கள் போன்ற தகவல்களை உங்களால் முடிந்த அளவு சேகரிக்கவும். பெரும்பாலான சூழல்களில் உங்கள் பதின்மவயதினர் தன்னை யார் கொடுமைப்படுத்துகிறார்கள் என்பதை, அடையாளம் காண முடியாத ஒரு சூழ்நிலையாக இருந்தாலும் அல்லது அறிமுகமில்லாத திரைப்பெயர் சம்பந்தப்பட்டியிருந்தாலும் கூட அவர்கள் அறிவார்கள் (அல்லது குறைந்தபட்சம் அவர்களுக்குத் தெரியும் என்று கருதுங்கள்). பெரும்பாலும் தவறான நடத்தையானது பள்ளியில் நடந்து கொண்டிருக்கும் ஒரு விஷயத்துடன் தொடர்பு கொண்டதாக இருக்கும். அவ்வாறாக இருந்தால், உங்கள் கவலைகள் குறித்து அங்குள்ள நிர்வாகியைத் தொடர்புகொண்டு, பள்ளிக் கொள்கையின் தேவைகளுக்கு இணங்க ஒரு சம்பவம் குறித்து புகார் செய்யப்பட்டிருப்பதையும் விசாரணை தொடங்கப்பட்டிருப்பதையும் உறுதிப்படுத்தவும். உங்கள் பதின்மவயதினர் இணைய வழி கொடுமைப்படுத்தலுக்கு ஆளாகிறார்கள் என்பதற்கான சான்றாக செயல்படக்கூடிய உரையாடல்கள், மெசேஜ்கள், படங்கள், காணொளிகள் மற்றும் பிற விஷயங்களை ஸ்கிரீன் ஷாட்கள் அல்லது திரைப் பதிவுகள் செய்து அவற்றை ஆதாரமாகச் சமர்ப்பிக்கவும். விசாரணைச் செயல்முறையில் உதவுவதற்கு அனைத்துச் சம்பவங்களின் பதிவுகளையும் வைத்திருங்கள். அத்துடன், சம்பவம் எப்போது, ​​எங்கே நிகழ்ந்தது (பள்ளியில், குறிப்பிட்ட செயலிகளில்), யார் ஈடுபட்டார்கள் (துன்புறுத்துபவர்களாக அல்லது சாட்சிகளாக) போன்ற தொடர்புடைய விவரங்களைக் குறிப்பெடுத்து வைத்துக் கொள்ளவும்.

தளம் அல்லது செயலிக்கு புகாரளித்தல்