ஆன்லைனில் செலவிடும் நேரத்திற்கான சீரான சமநிலையைக் கண்டறிதல்
Meta அமைப்பால் எழுதப்பட்டது
மார்ச் 2, 2022
எல்லா திரை நேரமும் ஒரே மாதிரி இருப்பதில்லை
இளம் நபர்களுக்கு (மற்றும் அனைவருக்கும்!) ஆன்லைனில் மற்றும் ஆஃப்லைனில் செலவழித்த நேரத்திற்கு இடையே சரியான சீரான சமநிலையைக் கண்டறிவது முக்கியம் ஆகும். நம் வாழ்வில் அதிக இடங்களில் தொழில்நுட்பங்கள் பெருவாரியாகத் தோன்றுவதால், ஆன்லைன் இடங்களில் நாம் செலவிடும் நேரத்தின் அளவு மற்றும் தரம் ஆகிய இரண்டிலும் கவனம் செலுத்த வேண்டும்.
எப்போதும் போல்: உரையாடல் என்பது முதல் படி மட்டுமே. தங்கள் பதின்மவயது பிள்ளைகள் ஆன்லைனில் தங்கள் நேரத்தை எங்கு செலவிடுகிறார்கள் என்பதைப் பற்றி பெற்றோர்கள் நன்கு அறிந்திருக்க வேண்டும், மேலும் அது நல்ல முறையில் செலவிடப்பட்டதா என்பதைப் பற்றி அவர்களுடன் உரையாட வேண்டும்.
எல்லாவற்றிற்கும் மேலாக: அவர்கள் தொழில்நுட்பம் மற்றும் இணையத்தைப் பயன்படுத்தும் விதம் அவர்களை எப்படி உணரவைக்கிறது என்பதைப் புரிந்துகொள்ள உங்களால் முடிந்தவரை முயற்சி செய்யுங்கள். உங்கள் பதின்மவயதுப் பிள்ளை ஆன்லைனில் எப்படி நேரத்தைச் செலவிட விரும்புகிறார் என்பதைப் பற்றி மேலும் அறிந்துகொள்வதன் மூலமும், அவருக்கு ஆஃப்லைன் மற்றும் ஆன்லைன் செயல்பாடுகளுக்கு இடையே சமநிலையைக் கண்டறிய உதவுவதன் மூலமும் அவர்கள் நலமுடன் வாழ்வதற்கு நீங்கள் ஆதரவாக இருக்கலாம்.
திரை நேரத்தை நிர்வகிக்க பதின்மவயதினருக்கு உதவுவதற்கான உதவிக்குறிப்புகள்
உங்கள் பதின்மவயதினருக்கு இணையப் பயன்பாட்டைப் பற்றிப் பேசுவதற்கு ஒரே சிறந்த வழி என்று எதுவும் இல்லை என்றாலும், உரையாடலைத் தொடங்குவதற்கான வழிகள் உள்ளன. உங்கள் பிள்ளையின் திரை நேரம் அவரை எதிர்மறையாகப் பாதிப்பதை நீங்கள் கவனித்தால், அதைப் பற்றி சரியான நேரத்தில் பேசத் தொடங்குங்கள்.
அவர்கள் ஏற்கெனவே ஆன்லைனில் செலவழித்த நேரத்தைப் பற்றியும் சமூக ஊடகத்தைப் பயன்படுத்துவதைப் பற்றியும் அவர்கள் எப்படி உணர்கிறார்கள் என்பதை முதலில் புரிந்துகொள்வது ஒரு சிறந்த நடைமுறையாக இருக்கும். இந்த எண்ணத்தை அவர்கள் பெறுவதற்கு, நீங்கள் பின்வரும் கேள்விகளைக் கேட்கலாம்:
- ஆன்லைனில் அதிக நேரம் செலவிடுவது போல் உங்களுக்குத் தோன்றுகிறதா?
- நீங்கள் ஆன்லைனில் செலவிடும் நேரம் உங்கள் மற்ற பொறுப்புகளை நிறைவேற்றுவதைத் தடுக்கிறதா?
- நீங்கள் செலவிடும் திரை நேரம் உங்களுக்கு (உடல் ரீதியாகவோ மன ரீதியாகவோ) எவ்வாறு பாதிப்பை ஏற்படுத்துகிறது?
முதல் இரண்டு கேள்விகளுக்கு "ஆம்" என்ற பதில் வந்தால், உங்கள் பதின்மவயதுப் பிள்ளை ஆன்லைனில் செலவழிக்கும் நேரத்தைப் பற்றி எப்படி உணர்கிறார்கள் என்பதைப் பற்றிய குறிப்பை அது தரும். அங்கிருந்து, அந்த நேரத்தை நிர்வகிப்பதற்கான வழிகளைக் கண்டறிந்து, அதனை பயனுள்ள ஆஃப்லைன் செயல்பாடுகள் மூலம் சமநிலைப்படுத்த அவர்களுக்கு உதவலாம்.
அதனைத் தொடர்ந்து பின்வரும் கேள்விகளை நீங்கள் அவர்களிடம் கேட்கலாம்:
- காலையில் உங்கள் ஃபோனைப் பார்க்காமல் உங்களால் எவ்வளவு நேரம் இருக்க முடிகிறது?
- அது இல்லாமல் உங்களுக்கு கவனச்சிதறல் அல்லது கவலை ஏற்படுவதாக உணர்கிறீர்களா?
- உங்கள் நண்பர்களுடன் ஹேங் அவுட் செய்யும்போது, உங்கள் ஃபோனை அதிகம் பயன்படுத்துகிறீர்களா?
- எந்த வகையான ஆஃப்லைன் செயல்பாடுகளை நீங்கள் செய்யத் தவறுகிறீர்கள்?
- உங்களுக்கு ஏதாவது ஒரு விஷயத்திற்கு அதிக நேரம் இருந்திருக்க வேண்டும் என்ற விருப்பம் இருக்கிறதா?
ஆஃப்லைன் ஆர்வங்களை ஆராய்ந்தறிதல்
திரை நேரத்தைக் குறைப்பதற்கான மற்றொரு சிறந்த வழி, ஃபோனைத் தள்ளி வைப்பது மட்டுமல்லாமல், அந்த நேரத்தை ஆஃப்லைனில் பயனுள்ள மற்றும் வேடிக்கையான செயல்பாடுகள் மூலம் நிரப்பும் செயலில் ஈடுபடுவது ஆகும்.
உங்கள் பதின்மவயதுப் பிள்ளை கலைப்படைப்பை உருவாக்குவது, இசைக் கருவிகளை வாசிப்பது, புத்தகங்களைப் படிப்பது, பொருட்களைக் கட்டமைப்பது, விளையாடுவது - அல்லது திரை நேரம் சம்பந்தப்படாத வேறு ஏதேனும் செயல்பாடுகளில் ஈடுபட்டிருந்தால் - அவர்களுக்கு உதவுங்கள்! அவர்கள் என்ன செய்கிறார்கள் என்பதில் ஆர்வமாக இருப்பதன் மூலம் அவர்கள் அந்த ஆர்வங்களை வளர்த்துக்கொள்ள உதவுங்கள். இளம் நபர்கள் ஆறுதலுக்காக அல்லது சில சமயங்களில் சலிப்பை போக்குவதற்காக தங்கள் ஃபோன்களை நாடலாம். அந்த உணர்வுகளை அவர்கள் எப்போதும் தவிர்க்காமல் இருக்க முயற்சி செய்யுங்கள். சிறிய அசௌகரியம், சலிப்பு போன்ற உணர்வை ஓர் இளம் நபர் அனுபவிக்கும்போது அது அவர்களை மற்ற வழிகளில் செல்வதற்கு வழிவகுக்கும்.
பெரும்பாலும், இளம் நபர்கள் ஆன்லைனில் பின்தொடரும் விஷயங்கள், தலைப்புகள் மற்றும் படைப்பாளர்கள்தான் அவர்கள் ஆஃப்லைனில் ஆர்வமுள்ள விஷயங்களில் ஈடுபடுவதற்கு ஒரு நல்ல குறிகாட்டியாக இருக்கும்.
எடுத்துக்காட்டாக, ’நீங்களாகவே செய்யக்கூடிய விஷயங்களான’ சமையல், நடனம் அல்லது வேறு ஏதேனும் திறமையைக் கற்றுக்கொடுக்கும் படைப்பாளர்களைப் பின்தொடர்ந்தால், அந்தப் பயிற்சிகளில் சிலவற்றை வீட்டிலோ அவர்களது நண்பர்களுடனோ பயிற்சி செய்ய அவர்களை ஊக்குவியுங்கள். ஆன்லைன் உலகின் தூண்டுதல்களைப் பயன்படுத்தி, வேடிக்கையான ஆஃப்லைன் செயல்பாடுகளை ஊக்குவிப்பதன் மூலம், அவர்கள் சமநிலையைக் கண்டறியவும் தங்களது தனித்திறனை வெளிப்படுத்தவும் உதவுங்கள்.
அவர்களுடைய வாழ்க்கையில் நீங்கள் ஆர்வம் காட்டுவதன் மூலம், அவர்கள் ஆஃப்லைன் செயல்பாடுகளில் ஈடுபாட்டை வளர்த்துக்கொள்ள உதவலாம். இது அவர்களின் ஒட்டுமொத்தத் திரை நேரத்தைக் குறைக்க உதவலாம்.
யோசனைகள் வேண்டுமா? உங்கள் பதின்மவயதுப் பிள்ளைக்குச் சமநிலையைக் கண்டறிய உதவும் சில செயல்பாடுகள் இதோ இங்கே:
Meta டிஜிட்டலுக்கு மாறுவோம்: இளையோருக்கான ஆரோக்கியச் செயல்பாடுகள்
சமூக ஊடகத்தில் செலவிடும் நேரத்திற்கான சமநிலையைக் கண்டறிதல்
செயலியில் நேர்மறையான அனுபவங்களை உருவாக்க பெற்றோர்கள் மற்றும் பதின்மவயதினரை அனுமதிக்கும் பயனுள்ள கருவிகளை Instagram கொண்டுள்ளது. எடுத்துக்காட்டாக, Instagram இல் நேரத்தைச் சிறப்பாகச் செலவிடுவது எப்படி என்று நீங்களும் உங்கள் பதின்மவயதுப் பிள்ளையும் பேசும்போது, செயலியில் தினசரி நேர வரம்புகளை அமைப்பது அல்லது உறக்க நிலையைச் செயல்படுத்துவது போன்ற சமநிலையைக் கண்டறிய உதவும் கருவிகளைப் பற்றியும் பேசுங்கள்.
இந்தக் கருவிகளை நீங்கள் இங்கே பார்க்கலாம்: Instagram - தினசரி நேர வரம்பை அமைத்தல்
Instagram - உறக்க நிலையைச் செயல்படுத்துதல்
இளம் பதின்மவயதினருக்கு, சமூக ஊடகங்களில் அவர்களின் தொடக்க நிலை அனுபவங்கள் மூலம் அவர்களுக்கு வழிகாட்ட நீங்கள் உதவ விரும்பலாம். Instagram இல் நேர்மறையான மற்றும் நேரத்தைச் செலவிடுவதற்கான சமநிலையான அனுபவங்களை வளர்க்க, அவற்றில் கிடைக்கக்கூடிய பல மேற்பார்வைக் கருவிகளைப் பயன்படுத்துங்கள். உங்கள் பதின்வயதுப் பிள்ளையுடனான உரையாடல்களில், Instagram இல் செலவிடும் நேரத்தின் அளவு மற்றும் அந்த நேரத்தை எவ்வளவு பயனுள்ளதாகச் செலவிடுகிறார்கள் என்பதற்கு இடையே சமநிலையைக் கண்டறிவதன் முக்கியத்துவத்தைப் பற்றிப் பேசுங்கள். ஆரோக்கியமான சமநிலையை ஏற்றுக்கொண்டு மேற்பார்வைக் கருவிகளை ஒன்றாக அமைத்திடுங்கள்.
Instagram இன் மேற்பார்வைக் கருவிகள், உங்கள் பதின்மவயதுப் பிள்ளையைப் பின்தொடர்பவர்கள் மற்றும் உங்கள் பிள்ளை பின்தொடரும் பட்டியலைப் பார்க்கவும், செயலிக்கான தினசரி நேர வரம்புகளை அமைக்கவும், அவர்களின் செயலி பயன்பாடு பற்றிய புள்ளிவிவரங்களைப் பார்க்கவும் உதவும்.
Instagram - மேற்பார்வைக் கருவிகள்
நீங்களும் உங்கள் பதின்மவயதுப் பிள்ளையும் சமநிலையைக் கண்டறிய உதவும் Metaவின் தயாரிப்புகள் மற்றும் உதவி விவரங்கள் பற்றிய கூடுதல் தகவல்களை அறிக:
Facebook - நேர வரம்புகளை அமைத்தல்
அம்சங்கள் மற்றும் கருவிகள்
தொடர்புடைய உதவி விவரங்கள்
மேற்பார்வை போன்ற கருவிகளைப் பயன்படுத்துவது மூலம் டிஜிட்டல் யுகத்தில் குழந்தை வளர்ப்புப் பணியை எளிதாக்கும் விதம்
மேலும் படித்திடுக
