நல்ல டிஜிட்டல் நடத்தைகளுக்கு முன்மாதிரியாகத் திகழ்தல்
Meta அமைப்பால் எழுதப்பட்டது
ஜூன் 13, 2022
இளம் வயதினர் கற்றுக்கொள்ளும் மிக முக்கியமான வழிகளில் ஒன்று முன்மாதிரியாகத் திகழ்தல் ஆகும். பெற்றோர்கள் மற்றும் குடும்ப உறுப்பினர்களின் செயல்பாடுகளும் நடத்தைகளும் பதின்மவயதினர் தங்களைச் சுற்றியுள்ள உலகத்துடன் எவ்வாறு ஈடுபட வேண்டும் என்பதைக் கற்றுக்கொள்வதற்கு முக்கியமான விஷயங்களாக அமைகின்றன. நிஜ உலகில், பல்வேறு வழிகளில் பயனுள்ள நடத்தையை நாம் மாதிரியாகக் கொள்கிறோம். உதாரணமாக, ஒரு பூங்காவிற்குச் செல்லும்போது, தரையில் கிடக்கும் ஒரு குப்பையை எடுத்து குப்பைத்தொட்டியில் போடுவதற்கான வாய்ப்பை நாம் பயன்படுத்திக்கொள்ளலாம். நாம் எதுவும் சொல்லாவிட்டாலும் கூட, நாம் முன்மாதிரியாகச் செய்த அந்தச் செயல் ஒரு முக்கியமான பாடத்தைக் கற்பித்துள்ளது. அதாவது, அது நமது குப்பையாக இல்லாவிட்டாலும் கூட, ஒரு பொதுவான இடத்தைச் சுத்தம் செய்வதன் மூலம் அதை மேம்படுத்துவதற்கான பொறுப்பை நாம் ஏற்றுக்கொள்ள வேண்டும் என்பதே அது.
நிஜ உலகத்தைப் போலவே டிஜிட்டல் உலகிலும் முறையான நடத்தைகளுக்கு முன்மாதிரியாகத் திகழ்வது மிகவும் அவசியமான ஒன்றாகும். ஒரு பெற்றோராக, உங்கள் பதின்மவயதுப் பிள்ளைக்கு ஒரு முன்மாதிரியாகத் திகழும் வகையில் மதிப்புமிக்க வழிகளில் நீங்கள் ஏற்கெனவே தொழில்நுட்பத்தைப் பயன்படுத்தியிருப்பதற்கான சாத்தியம் இருக்கலாம். Facebook இல் நீங்கள் பின்தொடரும் உள்ளூர் உணவு வங்கிக்கு நன்கொடைகள் தேவைப்படுவதைக் கவனித்து, உங்களைப் பின்தொடர்பவர்களையும் உங்களுடன் சேர்ந்து பங்களிக்க ஊக்குவிக்கும் வகையில் ஒரு மெசேஜை ஆன்லைனில் பதிவிடுவதும் இதில் அடங்கும். அல்லது ஒருவர் நியாயமாக நடத்தப்படவில்லை என்பதற்காக நீங்கள் அவருக்காக குரல் கொடுத்து, மற்றவர்களையும் அவ்வாறே செய்யுமாறு ஊக்குவித்த அனுபவத்தைப் பற்றி பதிவிடுவதாக இருக்கலாம்.
ஆனால், பயனுள்ள டிஜிட்டல் நடத்தைகளுக்கு முன்மாதிரியாகத் திகழ்வதில் கூடுதல் சவால் உள்ளது. ஒரு குப்பையை எடுப்பதோ அல்லது மளிகைப் பொருட்களைச் சுமந்து வருபவருக்காகக் கதவைத் திறந்து பிடிப்பதோ பார்ப்பவர்களுக்குத் தெளிவாகத் தெரியும். ஆனால், கணினியைப் பயன்படுத்தும் ஒரு பெற்றோரைப் பார்க்கும் குழந்தைக்கு, அவர் செய்யும் எல்லாச் செயல்களும் ஒரே மாதிரியாகத்தான் தோன்றும். நாம் மின்னஞ்சலைச் சரிபார்த்தாலும், கேம் விளையாடினாலும் அல்லது ஆன்லைனில் சேவைகளைப் புரிந்தாலும், கவனிப்பவரைப் பொறுத்தவரை நாம் கணினியின் முன்பு அமர்ந்திருப்பதாக மட்டுமே தோன்றும். நல்ல டிஜிட்டல் நடத்தைக்கு முன்மாதிரியாகத் திகழ, இது உதவியாக இருக்காது.
இதற்கான ஒரு எளிய தீர்வு என்னவென்றால், நல்ல டிஜிட்டல் நடத்தைக்கு முன்மாதிரியாகத் திகழும்போது, அதை வெளிப்படையாகச் செய்யக் கற்றுக்கொள்வதுதான். எடுத்துக்காட்டாக, ஆன்லைனில் ஒருவருக்கு உதவும்போது நாம் என்ன செய்கிறோம் என்பதை நம் குழந்தைகளுக்குச் சொல்ல நாம் சிறிது நேரத்தை ஒதுக்கலாம்; "சரியான நேரத்திற்கு நான் அங்கு இருப்பேன், பக்கத்து வீட்டுக்காரருக்கு டாக்டரை சந்திப்பதற்கு உதவ ஒரு பயணத்தை ஏற்பாடு செய்துகொண்டிருக்கிறேன்". வாய்ப்பிருக்கும்போது, அவர்களை நமது கருணை அடிப்படையிலான டிஜிட்டல் செயல்கள் மற்றும் சேவையிலும் கூட ஈடுபடுத்தலாம்; "அடுத்த வாரம் நிகழவிருக்கும் இரத்தத்தான முகாம் ஒன்றை விளம்பரப்படுத்த Facebook இல் ஓர் அழைப்பைப் பதிவிடுகிறேன் - இது எப்படி இருக்கிறது?" நாம் டிஜிட்டல் நற்செயல்களை வெளிப்படையாகச் செய்வது, இப்போதும் சரி எதிர்காலத்திலும் சரி, நமது பிள்ளைகள் இணைய உலகில் எத்தகைய மனிதர்களாக இருப்பார்கள் என்பதை வடிவமைக்க ஒரு சிறந்த முன்மாதிரியாக அமையும்.
நிஜ உலகத்தைப் போலவே டிஜிட்டல் உலகிலும் முறையான நடத்தைகளுக்கு முன்மாதிரியாகத் திகழ்வது மிகவும் அவசியமான ஒன்றாகும். ஒரு பெற்றோராக, உங்கள் பதின்மவயதுப் பிள்ளைக்கு ஒரு முன்மாதிரியாகத் திகழும் வகையில் மதிப்புமிக்க வழிகளில் நீங்கள் ஏற்கெனவே தொழில்நுட்பத்தைப் பயன்படுத்தியிருப்பதற்கான சாத்தியம் இருக்கலாம். Facebook இல் நீங்கள் பின்தொடரும் உள்ளூர் உணவு வங்கிக்கு நன்கொடைகள் தேவைப்படுவதைக் கவனித்து, உங்களைப் பின்தொடர்பவர்களையும் உங்களுடன் சேர்ந்து பங்களிக்க ஊக்குவிக்கும் வகையில் ஒரு மெசேஜை ஆன்லைனில் பதிவிடுவதும் இதில் அடங்கும். அல்லது ஒருவர் நியாயமாக நடத்தப்படவில்லை என்பதற்காக நீங்கள் அவருக்காக குரல் கொடுத்து, மற்றவர்களையும் அவ்வாறே செய்யுமாறு ஊக்குவித்த அனுபவத்தைப் பற்றி பதிவிடுவதாக இருக்கலாம்.
ஆனால், பயனுள்ள டிஜிட்டல் நடத்தைகளுக்கு முன்மாதிரியாகத் திகழ்வதில் கூடுதல் சவால் உள்ளது. ஒரு குப்பையை எடுப்பதோ அல்லது மளிகைப் பொருட்களைச் சுமந்து வருபவருக்காகக் கதவைத் திறந்து பிடிப்பதோ பார்ப்பவர்களுக்குத் தெளிவாகத் தெரியும். ஆனால், கணினியைப் பயன்படுத்தும் ஒரு பெற்றோரைப் பார்க்கும் குழந்தைக்கு, அவர் செய்யும் எல்லாச் செயல்களும் ஒரே மாதிரியாகத்தான் தோன்றும். நாம் மின்னஞ்சலைச் சரிபார்த்தாலும், கேம் விளையாடினாலும் அல்லது ஆன்லைனில் சேவைகளைப் புரிந்தாலும், கவனிப்பவரைப் பொறுத்தவரை நாம் கணினியின் முன்பு அமர்ந்திருப்பதாக மட்டுமே தோன்றும். நல்ல டிஜிட்டல் நடத்தைக்கு முன்மாதிரியாகத் திகழ, இது உதவியாக இருக்காது.
இதற்கான ஒரு எளிய தீர்வு என்னவென்றால், நல்ல டிஜிட்டல் நடத்தைக்கு முன்மாதிரியாகத் திகழும்போது, அதை வெளிப்படையாகச் செய்யக் கற்றுக்கொள்வதுதான். எடுத்துக்காட்டாக, ஆன்லைனில் ஒருவருக்கு உதவும்போது நாம் என்ன செய்கிறோம் என்பதை நம் குழந்தைகளுக்குச் சொல்ல நாம் சிறிது நேரத்தை ஒதுக்கலாம்; "சரியான நேரத்திற்கு நான் அங்கு இருப்பேன், பக்கத்து வீட்டுக்காரருக்கு டாக்டரை சந்திப்பதற்கு உதவ ஒரு பயணத்தை ஏற்பாடு செய்துகொண்டிருக்கிறேன்". வாய்ப்பிருக்கும்போது, அவர்களை நமது கருணை அடிப்படையிலான டிஜிட்டல் செயல்கள் மற்றும் சேவையிலும் கூட ஈடுபடுத்தலாம்; "அடுத்த வாரம் நிகழவிருக்கும் இரத்தத்தான முகாம் ஒன்றை விளம்பரப்படுத்த Facebook இல் ஓர் அழைப்பைப் பதிவிடுகிறேன் - இது எப்படி இருக்கிறது?" நாம் டிஜிட்டல் நற்செயல்களை வெளிப்படையாகச் செய்வது, இப்போதும் சரி எதிர்காலத்திலும் சரி, நமது பிள்ளைகள் இணைய உலகில் எத்தகைய மனிதர்களாக இருப்பார்கள் என்பதை வடிவமைக்க ஒரு சிறந்த முன்மாதிரியாக அமையும்.
தொடர்புடைய உதவி விவரங்கள்
மேற்பார்வை போன்ற கருவிகளைப் பயன்படுத்துவது மூலம் டிஜிட்டல் யுகத்தில் குழந்தை வளர்ப்புப் பணியை எளிதாக்கும் விதம்
மேலும் படித்திடுக
