விர்ச்சுவல் ரியாலிட்டிக்கான குடும்ப வழிகாட்டி
எழுதியவர் - கேத்தரின் ஆலன், லிமினா இம்மர்ஸிவ்
விளக்கச் சித்திரங்கள் - சூசன் யுங்
ஜூலை 17, 2025
முன்னுரை
விர்ச்சுவல் ரியாலிட்டி (VR) என்பது வளர்ந்து வரும் ஒரு தொழில்நுட்பமாகும், இது மக்கள் இணைக்கும் விதத்தை மாற்றக்கூடிய மற்றும் பல வழிகளில் பிணைப்புகளை வலுப்படுத்தக்கூடிய சக்தியைக் கொண்டுள்ளது என்று நாங்கள் நம்புகிறோம். குடும்பங்கள் தங்கள் Quest ஹெட்செட்களை வீட்டில் ஒன்றாக நேரத்தைச் செலவிடவும் குடும்ப வாழ்க்கையை வளப்படுத்தவும் ஒரு கருவியாகப் பயன்படுத்துவதை நாங்கள் தொடர்ந்து கேள்விப்பட்டிருக்கிறோம், மேலும் குடும்பங்கள் மற்றும் 10 வயதுக்கு மேற்பட்ட பிள்ளைகளுக்காக, பெற்றோர் மேற்பார்வைக் கருவிகள் மற்றும் பெற்றோர் நிர்வகிக்கும் கணக்குகள் மூலம் நாங்கள் தொடர்ந்து உருவாக்கி வருகிறோம்.
பெற்றோர்களும் பாதுகாவலர்களும் தங்கள் ஹெட்செட்களைக் குடும்பமாக எவ்வாறு பயன்படுத்துவது என்பது குறித்து கூடுதல் வழிகாட்டுதலையும், தங்கள் சாதனத்திலிருந்து அதிகப் பலன்களைப் பெறுவதற்கான பரிந்துரைகளையும் பெற விரும்புவதை நாங்கள் அறிந்துகொண்டோம். அதை வழங்க உதவுவதற்காக, பெற்றோர்கள் மற்றும் குடும்பத்தினருடன் கலந்தாலோசித்து இந்த வழிகாட்டியை உருவாக்க, லிமினா இம்மர்ஸிவ் நிறுவனத்தின் VR பாதுகாப்பு நிபுணரான கேத்தரின் ஆலனுடன் நாங்கள் இணைந்து பணியாற்றினோம். அதில், VRஐ ஆர்வமுடன் பயன்படுத்தும் குடும்பங்களிடமிருந்து அவர்கள் வீட்டில் Questஐ எவ்வாறு பயன்படுத்துகிறார்கள் என்பது குறித்த உதவிக்குறிப்புகளைக் காண்பீர்கள். இதில், செயல்பாடுகள் மற்றும் உட்பொருள் வழிகாட்டிகள், அத்துடன் அமைப்பு தொடர்பான மற்றும் குடும்பம் முழுவதும் மகிழ்ச்சிகரமான பாதுகாப்பான அனுபவத்தை எவ்வாறு பெறலாம் என்பதற்கான பரிந்துரைகள் உள்ளன. இந்த வழிகாட்டி உங்கள் Questஐப் பயன்படுத்துவதற்கான சில புதிய யோசனைகளைத் தூண்டும் என நாங்கள் நம்புகிறோம்!
வழங்குபவர் - நடாலி சாய், Reality Labs கொள்கை மேலாளர்
விர்ச்சுவல் ரியாலிட்டிக்கான குடும்ப வழிகாட்டி
அடிப்படை அம்சங்களைப் புரிந்துகொள்ளுதல்
VR செயல்பாடுகளில் பகிர்தல்
VRக்காக உங்கள் இடத்தை அமைத்தல்
VR இல் பிள்ளை நலமுடன் வாழ்தலை உறுதிசெய்தல்
VR இல் சமூகமாகச் சேர்ந்து பழகுதல்
அடிப்படை அம்சங்களைப் புரிந்துகொள்ளுதல்
VR என்பது கடந்த காலத்தில் கிடைக்கப்பெற்ற வேறு எந்தத் தொழில்நுட்பங்களையும் போல் இல்லாத ஒன்றாகும். உங்கள் வீட்டில் ஒரு Meta Quest உள்ளதெனில், நீங்கள் இதுவரை உருவாக்கப்பட்டதிலேயே மிகவும் சக்திவாய்ந்த இம்மர்ஸிவ் சாதனங்களில் ஒன்று உங்களிடம் உள்ளது. இது புதிய உலகங்களுக்குள் உங்களை அழைத்துச் சென்று உங்கள் வீட்டை மெய்நிகர் அதிசயங்களால் மலரச் செய்யும் திறன் கொண்ட ஒரு சிறிய, அணியக்கூடிய கணினியாகும். இந்தத் தொழில்நுட்பத்தின் மூலம், புதிய, அற்புதமான அனுபவங்களைப் பெறுவதற்கான ஒரு நுழைவாயில் மற்றும் உங்கள் அன்றாடக் குடும்ப வாழ்வில் உதவுவதற்கான ஒரு கருவி என இரண்டையும் நீங்கள் பெறுவீர்கள்.
இருப்பினும், ஒப்பீட்டளவில் VR இன்னும் புதியதாக இருப்பதால் Meta Quest போன்ற சாதனங்கள், ஸ்மார்ட்ஃபோன்கள், கணினிகள் அல்லது தொலைக்காட்சிகளைப் போல் அன்றாட வாழ்வின் ஒரு அங்கமாக இல்லாமல் இருக்கலாம். ஸ்மார்ட்ஃபோன்கள் வாழ்வின் இயல்பான அங்கமாக மாறுவதற்கு முன் இருந்த காலத்தைப் பல பெற்றோர்கள் இன்னும் நினைவு வைத்திருக்கிறார்கள், அதேபோல், இம்மர்ஸிவ் தொழில்நுட்பமும் தற்போது அந்தக் காலகட்டத்தில் பயணித்துக்கொண்டிருக்கிறது — சுவாரசியமானது, மிகவும் சக்திவாய்ந்தது, எனினும் இன்னும் பரிச்சயமில்லாத புதிய விஷயமாகவே கருதப்படுகிறது. இந்த வழிகாட்டியானது நீங்களும் உங்கள் குடும்பமும் இந்தச் சக்திவாய்ந்த புதிய மீடியா வடிவத்தைப் பயன்படுத்தி அதன் பலன்களை முழுமையாகப் பெறுவதற்கு உதவும் வகையில் வடிவமைக்கப்பட்டுள்ளது. உங்கள் Meta Quest சாதனம் சரியான செயலிகளுடன் இணைக்கப்படும்போது, அவசியமான பாதுகாப்பு மற்றும் நலமுடன் வாழ்தல் குறித்த உதவிக்குறிப்புகளுடன் குடும்ப வாழ்வியலின் அத்தியாவசியமான அங்கமாக அதனை மாற்றும் விதத்திற்கான பல யோசனைகளை இது வழங்குகிறது.
இந்த வழிகாட்டியை ஒன்றிணைத்து உருவாக்கும் பணியில், நாங்கள் Meta Questஐ அதிகளவு பயன்படுத்தி அனுபவம் பெற்ற ஏராளமான குடும்பங்களில் சிலரிடம் பேசினோம். இவை ஏற்கெனவே Meta Questஐத் தொடர்ந்து பயன்படுத்தி, இது தங்களின் வாழ்க்கைக்கு எல்லா வழிகளிலும் கூடுதல் மதிப்பை அளித்துள்ளதாக உணர்ந்த குடும்பங்கள். இந்த வழிகாட்டி முழுவதிலும், நீங்கள் இந்த ‘சூப்பர் பயனர்’ குடும்பங்களின் அனுபவங்களைக் காண்பீர்கள் — அவர்கள் பகிர்ந்து கொள்வதற்கு அதிகளவு இம்மர்ஸிவ் அனுபவ அறிவைக் கொண்டிருக்கிறார்கள்!
VR என்றால் என்ன? MR என்றால் என்ன?
மக்கள் அடிக்கடி கேட்கும் ஒரு கேள்வி என்னவென்றால், VR மற்றும் MR என்றால் என்ன?
Meta Quest இவை இரண்டையும் செய்யும் வாய்ப்பை வழங்குகிறது. இதைப் பற்றிச் சிந்திக்க ஒரு எளிய வழி இதோ:
- VR (விர்ச்சுவல் ரியாலிட்டி) உங்களை முழுமையாக மெய்நிகர் இடத்துக்குள் கொண்டு செல்லும்.
- MR (மிக்ஸ்டு ரியாலிட்டி) உங்கள் நிஜ உலகில் டிஜிட்டல் விஷயங்களைச் சேர்க்கிறது, மேலும் நீங்கள் மீண்டும் VRஐத் தடையின்றி உபயோகிக்க அனுமதிக்கிறது. டிஜிட்டல் பொருட்களும் கதாபாத்திரங்களும் உங்கள் நிஜ உலகத்துடன் இணைந்து செயல்படலாம்.
நீங்கள் Meta Questஐப் பயன்படுத்துகிறீர்கள் என்றால், நீங்கள் ஏற்கனவே VRஐ அனுபவிக்கிறீர்கள், மேலும் MRஐயும் அனுபவித்திருக்க வாய்ப்புள்ளது. இம்மர்ஸிவ் தொழில்நுட்பம் என்பது VR மற்றும் MR இரண்டையும் மற்றும் பயனரைச் சூழ்ந்திருக்கும் உணர்வை உருவாக்கும் பிற தொழில்நுட்பங்களையும் கொண்ட ஒரு சொல்லாகும். இது அந்தச் சூழலிலேயே இருப்பது போன்ற ஒரு மேம்பட்ட உணர்வை வழங்க உதவுகிறது.
VR எடுத்துக்காட்டுகள்
Beat Saber செயலியிலிருந்து VR அனுபவத்திற்கான எடுத்துக்காட்டு
Population இல் இருந்து VR அனுபவத்திற்கான எடுத்துக்காட்டு: ஒரு செயலி
MR எடுத்துக்காட்டுகள்
First Encounters செயலியில் காணப்படும் MR அனுபவத்திற்கான ஒரு எடுத்துக்காட்டு
Miracle Pool செயலியில் காணப்படும் MR அனுபவத்தின் ஒரு எடுத்துக்காட்டு
இதன் சிறப்பு, ஒரு விதத்தில் இது உடலையும் மனதையும் முழுமையாக ஈடுபடுத்துகிறது, இது ஒரு பயனரை வெறும் பார்வையாளர் என்பதிலிருந்து தீவிரமான பங்கேற்பாளராக உருமாற்றுகிறது.
எங்கள் Quest ‘சூப்பர் பயனர்களிடம்’ பேசியபோது, VR என்பது ஒரு வேறுபட்ட வகையிலான ‘திரை நேரம்’ என்பதாக அவர்கள் உணர்ந்தனர் என்ற சுவாரஸ்யமான விஷயத்தைக் கண்டறிந்தோம். VR நேரம் பொதுவாக சாதாரண திரை நேரத்தைவிட உடல் ரீதியாகவும் மன ரீதியாகவும் அதிகமான செயல்பாட்டுடன் இருக்கிறது. VR நிச்சயமாக இன்னும் ஒரு திரையைப் பயன்படுத்தினாலும், இதில் உங்கள் உடல் முழுவதையும் நீங்கள் அனுபவத்திற்குள் உட்படுத்துவதால், இது ஒரு மாறுபட்ட அனுபவமாக உணரப்படுகிறது. மேலும் சுறுசுறுப்பான மைதானப் பயிற்சியுடன் ஒத்ததாக இருக்கிறது. நாங்கள் கலந்துரையாடிய பல பெற்றோர்கள், குளிர்காலத்தில் வானிலை எப்படி இருந்தாலும், Quest சாதனம் குடும்பத்தினரை இயங்க வைத்துக்கொண்டு இருப்பதாகக் குறிப்பிட்டனர்.
பெற்றோர்கள் தெரிவித்த இந்தக் கருத்து, VR என்பது மற்ற திரை மீடியா வடிவங்களிலிருந்து அடிப்படையில் வேறுபட்டது என்பதைக் குறிக்கிறது — இது நீங்கள் வெறுமனே பார்ப்பதற்கு மட்டுமானதல்ல, நீங்கள் ஈடுபட்டுச் செய்யும் ஒரு விஷயமாகும். ஒரு தட்டையான செவ்வகத் திரையைப் பார்ப்பதற்குப் பதிலாக, விர்ச்சுவல் ரியாலிட்டி அந்த அனுபவத்திற்குள்ளேயே உங்களை வைக்கிறது. வலைதளங்கள் நீங்கள் வருகை தருவதற்கானவை, தொலைக்காட்சி நிகழ்ச்சிகள் நீங்கள் பார்ப்பதற்கானவை, மற்றும் பாட்காஸ்ட்கள் நீங்கள் கேட்பதற்கானவை ஆனால் Quest இல் ஒரு அனுபவம் என்பது நீங்கள் நேரடியாகப் பங்குபெறும் ஒன்றாகும்.
VR உணர்வுகளைச் சுற்றிச் சூழ்ந்திருப்பதால், அது உடனடி அனுபவமாக உணரப்படுகிறது. ஒரு இடத்தின் குறியீட்டுப் பிரதிநிதித்துவம் அங்கே இல்லை, அதற்குப் பதிலாக நேரடியாக அந்த இடத்தில் இருப்பது போன்ற உணர்வை அளிக்கிறது. இந்த உடனடியான உணர்வு, ஒரு அதிரடி விளையாட்டில் இதயத்துடிப்பு அதிகரிப்பது முதல் விடியற்காலையில் அமைதியான வனப்பகுதி போல் உருவாக்கப்பட்ட நிம்மதியான சூழலில் இரத்த அழுத்தம் குறைவது வரை, அனைத்து விதமான உண்மையான உடல் ரீதியான வெளிப்பாடுகளையும் தூண்டலாம்.
VR உங்கள் முழு உடலையும் ஈடுபடுத்துகிறது. நீங்கள் அசைவற்று அமர்ந்திருந்தாலும், உங்கள் மூளை அந்தச் சூழலிலேயே நீங்கள் இருப்பதாக உணர்கிறது. எங்கள் ‘சூப்பர் பயனர்’ ஆராய்ச்சியில் கலந்து கொண்ட பங்கேற்பாளர்களில் ஒருவர் கூறியது போல, "என் மகள் ஒரு 3D பியானோ செயலியைப் பயன்படுத்தும்போது, அவள் உண்மையாகவே காற்றில் மிதக்கும் பியானோ விசைகளைப் பார்க்கிறாள். அவளது மனமும் கைகளும் அந்த விசைகளின் வரிசையை நினைவில் வைத்துக்கொள்கிற முறைகளை ஒரு புத்தகம் படித்தால் கூட அந்த அளவுகுப் பெற முடியாது” மற்றொரு பங்கேற்பாளர், தனது மகனுக்குப் பிடித்த Quest செயலியைப் பற்றிப் பேசும்போது, "இது வெறும் பட்டன்களை அழுத்துவது மட்டுமல்ல, அனுபவத்தை உணர நீங்கள் உண்மையில் குனிந்து நிமிர்ந்து உங்கள் உடலை அசைக்கிறீர்கள் அல்லது முன்னே நடந்து செல்கிறீர்கள்."
இந்த உடலோடு இணைந்து உணர்தல் என்பது இம்மர்ஸிவ் அனுபவங்களைப் பல நேரங்களில் மறக்கமுடியாத நினைவாக்குகிறது. நம்மில் பலர் சொந்தமாக அனுபவம் பெற்றிருப்பதால், நாம் செயலில் ஈடுபடுவதன் மூலம் கற்றுக்கொள்கிறோம், எனவே, கல்வி சார்ந்த உட்பொருட்களுக்கு VR மிகவும் சிறந்தது.
மேலே விவரிக்கப்பட்டுள்ள இந்த அதிசய சக்திகள், வழக்கமான குடும்ப வாழ்வின் அங்கமாக இருக்கும் இந்த Meta Quest ஹெட்செட்டிற்கு எத்தகைய அர்த்தத்தை வழங்குகின்றன? அடிப்படையில், ஒரு VR ஹெட்செட் என்பது பல்வேறு அனுபவ நோக்கங்களுக்காகப் பயன்படுத்தக்கூடிய மிகுந்த திறன் வாய்ந்த பன்முகக் கருவி ஆகும். உங்கள் சாதனம், உங்களைக் களப் பயணத்துக்கு அழைத்துச் செல்வது முதல், மெய்நிகர் நாடக நிகழ்ச்சிக்கு அழைத்துச் செல்வது, காலை உடற்பயிற்சி செய்யுமாறு ஊக்கப்படுத்துவது வரை பலவிதமான செயல்களைச் செய்ய முடியும்..
நிகரில்லாத விஷயமாக, VR இன் சக்தியானது, உடலையும் மனதையும் முழுமையாக ஈடுபடுத்தும் விதத்தில் உள்ளது. செயல் எதுவும் தேவைப்படாத பார்வையாளர் என்பதிலிருந்து தீவிரமாகச் செயல்படும் பங்கேற்பாளராக மாற்றத்தை ஏற்படுவதுதான் இதனை அசாதாரணமானதாக ஆக்குகிறது.
அப்படியானால் இம்மர்ஸிவ் தொழில்நுட்பத்தை மிகவும் சிறப்பானதாக்குவது எது?
இதன் சிறப்பு, ஒரு விதத்தில் இது உடலையும் மனதையும் முழுமையாக ஈடுபடுத்துகிறது, இது ஒரு பயனரை வெறும் பார்வையாளர் என்பதிலிருந்து தீவிரமான பங்கேற்பாளராக உருமாற்றுகிறது.
தீவிரமாக விளையாடுதல்
எங்கள் Quest ‘சூப்பர் பயனர்களிடம்’ பேசியபோது, VR என்பது ஒரு வேறுபட்ட வகையிலான ‘திரை நேரம்’ என்பதாக அவர்கள் உணர்ந்தனர் என்ற சுவாரஸ்யமான விஷயத்தைக் கண்டறிந்தோம். VR நேரம் பொதுவாக சாதாரண திரை நேரத்தைவிட உடல் ரீதியாகவும் மன ரீதியாகவும் அதிகமான செயல்பாட்டுடன் இருக்கிறது. VR நிச்சயமாக இன்னும் ஒரு திரையைப் பயன்படுத்தினாலும், இதில் உங்கள் உடல் முழுவதையும் நீங்கள் அனுபவத்திற்குள் உட்படுத்துவதால், இது ஒரு மாறுபட்ட அனுபவமாக உணரப்படுகிறது. மேலும் சுறுசுறுப்பான மைதானப் பயிற்சியுடன் ஒத்ததாக இருக்கிறது. நாங்கள் கலந்துரையாடிய பல பெற்றோர்கள், குளிர்காலத்தில் வானிலை எப்படி இருந்தாலும், Quest சாதனம் குடும்பத்தினரை இயங்க வைத்துக்கொண்டு இருப்பதாகக் குறிப்பிட்டனர்.
பெற்றோர்கள் தெரிவித்த இந்தக் கருத்து, VR என்பது மற்ற திரை மீடியா வடிவங்களிலிருந்து அடிப்படையில் வேறுபட்டது என்பதைக் குறிக்கிறது — இது நீங்கள் வெறுமனே பார்ப்பதற்கு மட்டுமானதல்ல, நீங்கள் ஈடுபட்டுச் செய்யும் ஒரு விஷயமாகும். ஒரு தட்டையான செவ்வகத் திரையைப் பார்ப்பதற்குப் பதிலாக, விர்ச்சுவல் ரியாலிட்டி அந்த அனுபவத்திற்குள்ளேயே உங்களை வைக்கிறது. வலைதளங்கள் நீங்கள் வருகை தருவதற்கானவை, தொலைக்காட்சி நிகழ்ச்சிகள் நீங்கள் பார்ப்பதற்கானவை, மற்றும் பாட்காஸ்ட்கள் நீங்கள் கேட்பதற்கானவை ஆனால் Quest இல் ஒரு அனுபவம் என்பது நீங்கள் நேரடியாகப் பங்குபெறும் ஒன்றாகும்.
VR உணர்வுகளைச் சுற்றிச் சூழ்ந்திருப்பதால், அது உடனடி அனுபவமாக உணரப்படுகிறது. ஒரு இடத்தின் குறியீட்டுப் பிரதிநிதித்துவம் அங்கே இல்லை, அதற்குப் பதிலாக நேரடியாக அந்த இடத்தில் இருப்பது போன்ற உணர்வை அளிக்கிறது. இந்த உடனடியான உணர்வு, ஒரு அதிரடி விளையாட்டில் இதயத்துடிப்பு அதிகரிப்பது முதல் விடியற்காலையில் அமைதியான வனப்பகுதி போல் உருவாக்கப்பட்ட நிம்மதியான சூழலில் இரத்த அழுத்தம் குறைவது வரை, அனைத்து விதமான உண்மையான உடல் ரீதியான வெளிப்பாடுகளையும் தூண்டலாம்.
மனதை மட்டுமல்ல, உடலையும் ஈடுபடுத்துதல்
VR உங்கள் முழு உடலையும் ஈடுபடுத்துகிறது. நீங்கள் அசைவற்று அமர்ந்திருந்தாலும், உங்கள் மூளை அந்தச் சூழலிலேயே நீங்கள் இருப்பதாக உணர்கிறது. எங்கள் ‘சூப்பர் பயனர்’ ஆராய்ச்சியில் கலந்து கொண்ட பங்கேற்பாளர்களில் ஒருவர் கூறியது போல, "என் மகள் ஒரு 3D பியானோ செயலியைப் பயன்படுத்தும்போது, அவள் உண்மையாகவே காற்றில் மிதக்கும் பியானோ விசைகளைப் பார்க்கிறாள். அவளது மனமும் கைகளும் அந்த விசைகளின் வரிசையை நினைவில் வைத்துக்கொள்கிற முறைகளை ஒரு புத்தகம் படித்தால் கூட அந்த அளவுகுப் பெற முடியாது” மற்றொரு பங்கேற்பாளர், தனது மகனுக்குப் பிடித்த Quest செயலியைப் பற்றிப் பேசும்போது, "இது வெறும் பட்டன்களை அழுத்துவது மட்டுமல்ல, அனுபவத்தை உணர நீங்கள் உண்மையில் குனிந்து நிமிர்ந்து உங்கள் உடலை அசைக்கிறீர்கள் அல்லது முன்னே நடந்து செல்கிறீர்கள்."
இந்த உடலோடு இணைந்து உணர்தல் என்பது இம்மர்ஸிவ் அனுபவங்களைப் பல நேரங்களில் மறக்கமுடியாத நினைவாக்குகிறது. நம்மில் பலர் சொந்தமாக அனுபவம் பெற்றிருப்பதால், நாம் செயலில் ஈடுபடுவதன் மூலம் கற்றுக்கொள்கிறோம், எனவே, கல்வி சார்ந்த உட்பொருட்களுக்கு VR மிகவும் சிறந்தது.
மேலே விவரிக்கப்பட்டுள்ள இந்த அதிசய சக்திகள், வழக்கமான குடும்ப வாழ்வின் அங்கமாக இருக்கும் இந்த Meta Quest ஹெட்செட்டிற்கு எத்தகைய அர்த்தத்தை வழங்குகின்றன? அடிப்படையில், ஒரு VR ஹெட்செட் என்பது பல்வேறு அனுபவ நோக்கங்களுக்காகப் பயன்படுத்தக்கூடிய மிகுந்த திறன் வாய்ந்த பன்முகக் கருவி ஆகும். உங்கள் சாதனம், உங்களைக் களப் பயணத்துக்கு அழைத்துச் செல்வது முதல், மெய்நிகர் நாடக நிகழ்ச்சிக்கு அழைத்துச் செல்வது, காலை உடற்பயிற்சி செய்யுமாறு ஊக்கப்படுத்துவது வரை பலவிதமான செயல்களைச் செய்ய முடியும்..
நிகரில்லாத விஷயமாக, VR இன் சக்தியானது, உடலையும் மனதையும் முழுமையாக ஈடுபடுத்தும் விதத்தில் உள்ளது. செயல் எதுவும் தேவைப்படாத பார்வையாளர் என்பதிலிருந்து தீவிரமாகச் செயல்படும் பங்கேற்பாளராக மாற்றத்தை ஏற்படுவதுதான் இதனை அசாதாரணமானதாக ஆக்குகிறது.
VR இல் இருந்து அதிகப் பலன்களைப் பெறுவதற்கான சிறந்த மனநிலை
முழுக் குடும்பத்தையும் ஈடுபடுத்துங்கள்
எங்கள் நேர்காணல்களில் தொடர்ச்சியாகக் கூறப்பட்ட ஒரு கருப்பொருள் என்னவென்றால், பிள்ளைகள் மட்டுமல்ல, முழுக் குடும்பமும் ஈடுபடும்போது VR சிறப்பாகச் செயல்படும் என்பதுதான். தங்களுடைய பிள்ளைகளுடன் சேர்ந்து Questஐச் செயற்பாட்டுடன் பயன்படுத்தும் பெற்றோர்கள் அல்லது VR செயலியில் பிள்ளைகளுடன் தொடர்ச்சியாக ஈடுபட்டிருக்கும் பெற்றோர்கள், தாங்களும் அதிக மகிழ்ச்சியை அனுபவிப்பதோடு மட்டுமல்லாமல், முழுக் குடும்பத்திற்கும் அந்த அனுபவத்தைப் பாதுகாப்பானதாகவும் மிகவும் அர்த்தமுள்ளதாகவும் மாற்ற முடிகிறது.
பெற்றோர்கள் பங்கேற்கும்போது, தங்கள் பிள்ளைகள் ரசிப்பார்கள் என நன்கறிந்த செயலிகள் மற்றும் அனுபவங்களைக் கண்டறிய அவர்கள் உதவலாம், என்பதுடன் குடும்ப VR செயல்பாடுகளுக்கான யோசனைகளையும் கூட சொல்லலாம். பெற்றோர்கள் பிரச்சினைகளுக்குச் சாத்தியமானவற்றைக் கூட ஆரம்பத்திலேயே கண்டறிய முடியும், எடுத்துக்காட்டாக, ஒரு கேம் தங்கள் பிள்ளையின் வயதுக்கும், மனநிலைக்கும் தகுந்ததாக உள்ளதா என்பதை அறிந்துகொள்ளுதல்.
இம்மர்ஸிவ் தொழில்நுட்பத்தை உங்கள் பிள்ளை பயன்படுத்தும்போது அவர்களை வழிகாட்டும் விதம் குறித்து மேலும் அறிய 'VR இல் பிள்ளை நலமுடன் வாழ்தலை உறுதிசெய்தல்' என்பதைப் பாருங்கள்.
VR இல் பெற்றோர் ஈடுபடுவதின் இன்னொரு நன்மை என்னவென்றால், பெற்றோர்கள் முன்மாதிரியாக இருந்து ஆரோக்கியமான தொழில்நுட்பப் பழக்கங்களைக் காட்டலாம். பிற திரை நேர வடிவங்கள் போலவே, சீரான சமநிலை மிகவும் முக்கியம். எனினும், VR மிகவும் புதியதாக இருப்பதால், அதை எப்போது, எவ்வளவு நேரம் பயன்படுத்துவது சரியாக இருக்கும் என்பதைக் கணிப்பது கடினமாக இருக்கலாம். மொபைல் ஃபோன்கள் மற்றும் கன்சோல் கேம்களுக்கான முன்மாதிரி நடத்தையைப் போலவே, VR உடன் எவ்வாறு செயலை மேற்கொள்ள வேண்டும் மற்றும் எந்த நோக்கத்தில் பயன்படுத்த வேண்டும் என்பதற்கும் பெற்றோர் ஒரு நல்ல முன்னுதாரணமாக இருக்கலாம். நல்ல டிஜிட்டல் பழக்கங்களை மாதிரியாக்குவது பற்றிய கூடுதல் தகவல்களைஇங்கே காணலாம்.
Meta Quest என்பது ஒரு வசதியான கருவியாகும்
இம்மர்ஸிவ் தொழில்நுட்பம் பற்றிய மிகப்பெரிய தவறான கருத்து என்னவென்றால், இது கேமிங் செயல்பாட்டுக்கானது மட்டும் தான் வேறு எதற்கானதும் அல்ல என்பதாகும். சில குடும்பங்கள் போட்டித்தன்மை வாய்ந்த மல்டிபிளேயர் கேம்களை விளையாடுவதை விரும்புகின்றனர், அதே சமயம் மற்றவர்கள் VR கதைகளில் மூழ்குவதையும், நேரலை இசைக் கச்சேரிகளுக்குச் செல்வதையும், ஒன்றாக உடற்பயிற்சி செய்வதையும் விரும்புகிறார்கள். VR என்பது உங்கள் குடும்பத்தின் நலன்களுக்கு ஏற்றவாறு வடிவமைக்கக்கூடிய ஒரு வசதியான கருவியாகும்.
தன்னம்பிக்கை, அமைதி மற்றும் வெளிப்படைத் தன்மையை உணருங்கள்
முதல் முறையாக VR ஹெட்செட் அணியும்போது உங்களைச் சற்று வெட்கப்படச் செய்யலாம், கவலை வேண்டாம் அந்த உணர்வு விரைவில் மறைந்துவிடும்! உண்மையில், நாங்கள் பேசிய பல குடும்பங்கள் முதலில் தாங்கள் தயக்கம் காட்டியதாகத் தெரிவித்தனர். ஆனால் பழகிய பிறகு, அந்தச் சாதனம் அவர்கள் குடும்ப வாழ்வின் ஒரு அர்த்தமுள்ள அங்கமாக மாறியது என்றனர்.
இறுதியாக, VRக்கான சிறந்த மனப்பாங்கு என்பது அமைதியும் திறந்த மனதுமாக இருக்கும் ஒரு கலவையாகும். VR ஒரு விதமான மாயாஜாலம் போல் செயல்படுகிறது — இது மெய்நிகர் இடங்களை உண்மையானதாக உணர வைப்பதன் மூலம் இருப்பின் மாயையை உருவாக்குகிறது. அந்த மாயாஜாலத்தை நீங்கள் எவ்வளவு அதிகமாக ஏற்றுக்கொள்கிறீர்களோ அவ்வளவு அதிகமாக உங்கள் இம்மர்ஸிவ் அனுபவம் முழுமையானதாகவும், பயனளிக்கக்கூடியதாகவும் இருக்கும்.
முடிவுரை
VR என்பது ஒரு சக்திவாய்ந்த புதிய ஊடகமாகும்: இது திரை நேரத்தைச் செயல்பாட்டுடனும் முழுமையான இம்மர்ஸிவ் அனுபவமாகவும் மாற்றக்கூடிய ஒன்றாகும். பல பிற டிஜிட்டல் அனுபவங்களைப் போலல்லாமல், VR என்பது நீங்கள் பார்ப்பதற்கு மட்டுமல்ல, நீங்கள் ஈடுபட்டுச் செய்யும் ஒரு விஷயமாகும்.
இம்மர்ஸிவ் தொழில்நுட்பம் இன்னும் வளர்ச்சியடைந்து வருகிறது, மேலும் அதனைக் குடும்ப வாழ்க்கையில் ஒரே ஒரு சரியான வழியில் ஒருங்கிணைக்க வேண்டும் என்ற அவசியம் இல்லை. பரிசோதனை செய்து, உணர்ந்து, உங்கள் குடும்பத்தினருக்கு எது பயனளிக்கிறது என்பதைக் கண்டறியுங்கள். ஆர்வத்துடனும் திறந்த மனதுடனும் அணுகினால், உங்கள் Meta Quest ஒரு சாதாரண கேட்ஜெட்டை விட மேம்படுத்தப்பட்ட ஒன்றாக மாறும், இது பலவிதமான புதிய அனுபவங்களுக்கான ஒரு நுழைவாயிலாகவும், கருவியாகவும் மாறலாம்.
மேலும் அறிய, பக்கத்தின் மேலே நகர்த்தி, “VR செயல்பாடுகளில் பகிர்தல்” பிரிவைக் கிளிக் செய்யுங்கள்.
பிரத்தியேகமான செய்திகள் மற்றும் உதவி வளங்கள்
Meta Horizon மற்றும் Meta Quest பெற்றோருக்கான பயனர் வழிகாட்டி
மேலும் படித்திடுக
