சமூக ஊடகம் & தற்கொலைத் தடுப்பு: எவ்வாறு உதவியைக் கண்டறிவது மற்றும் உதவி செய்வது

• ஒரு நபர் "தற்கொலையால் இறந்தார்" என்று சொல்ல முயற்சி செய்யுங்கள் ("தற்கொலை செய்துகொண்டார்" என்பதற்குப் பதிலாக இவ்வாறு சொல்லலாம் – கீழே உள்ள உதவிகரமாக இல்லாத மொழிக்கான எடுத்துக்காட்டுகளைப் பாருங்கள்).
• தற்கொலை என்பது சிக்கலானது மற்றும் ஒரு நபர் தனது வாழ்க்கையை முடித்துக்கொள்ள பல காரணிகள் பங்களிக்கின்றன என்பதைச் சுட்டிக்காட்டுங்கள்.
• நம்பிக்கை மற்றும் மீண்டெழுதல் பற்றிய மெசேஜ்களைச் சேர்த்திடுங்கள்.
• தற்கொலை செய்து கொள்ள நினைக்கும் மற்றவர்களுக்கு எங்கே, எப்படி உதவி பெறலாம் என்று சொல்லுங்கள்.
• அவர்களுக்குப் பிடித்தமான செயல்களில் ஈடுபடுவது, நண்பர்களுடன் சேர்ந்து நேரத்தை போக்குவது போன்ற தற்கொலையிலிருந்து பாதுகாக்க உதவும் காரணிகள் பற்றிய தகவல்களைச் சேர்த்திடுங்கள்.
• தற்கொலை தடுக்கக்கூடியது என்றும், உதவி கிடைக்கக்கூடியது, மேற்கொள்ளப்படும் சிகிச்சைகள் வெற்றிகரமாக உள்ளன என்றும், மீண்டெழுதல் சாத்தியம் என்றும் குறிப்பிடுங்கள்.
• இளம் வயதினர் என்ன உணர்கிறார்கள் என்பதைப் பற்றிப் பேச அவர்களை ஊக்குவித்திடுங்கள் — அவ்வாறானவர் ஒரு நண்பராகவோ, நம்பகமான பெரியவராகவோ, ஒரு தொழில்முறை நிபுணராகவோ கூட இருக்கலாம்.

• தற்கொலையைக் குற்றச்செயல் அல்லது பாவச்செயல் என்று விவரிக்கும் வார்த்தைகளைப் பயன்படுத்த வேண்டாம் ("தற்கொலை செய்துகொண்டார்" என்பதை விட "தற்கொலையால் இறந்தார்" என்று சொல்லுங்கள்). இது ஒருவருக்கு அவர்கள் நினைப்பது தவறானது அல்லது ஏற்றுக்கொள்ள முடியாதது என்று பரிந்துரைக்கலாம் அல்லது அவர்கள் உதவி கேட்டால் அவர்கள் நியாயம் கற்பிக்கப்படுவார்கள் என்று ஒருவர் கவலைப்படலாம்.
• பிரச்சினைகள், வாழ்க்கைமுறை மனஅழுத்தங்கள் அல்லது மனநலம் சார்ந்த பிரச்சினைகளுக்குத் தற்கொலையை ஒரு 'தீர்வாக' சொல்லாதீர்கள்.
• கவர்ச்சிகரமான, நேசிக்கக்கூடிய அல்லது தற்கொலையைக் கவர்ந்திழுக்கும் வார்த்தைகளைப் பயன்படுத்த வேண்டாம்.
• சிறுமைப்படுத்தும் அல்லது தற்கொலையை அதைவிட சிக்கலானதாகத் தோன்றக்கூடிய வார்த்தைகளைப் பயன்படுத்தாதீர்கள்.
• ஒரு நிகழ்வு குறித்து குறை கூறியோ, கொடுமைப்படுத்துதல் அல்லது சமூக ஊடகப் பயன்பாடு போன்ற ஒற்றை காரணத்திற்காகத் தற்கொலை நிகழ்ந்ததாகவோ கூறாதீர்கள்.
• கட்டுக்கதைகள், அவமதித்தல், ஒரே மாதிரியான கருத்துகளை வலுப்படுத்துகிற வார்தைகள் அல்லது தற்கொலை பற்றி மேற்கொண்டு எதுவும் செய்ய முடியாது என்று பரிந்துரைத்தல் போன்ற தீர்மானிக்கும் விதமான சொற்றொடர்களைப் பயன்படுத்த வேண்டாம்.
• உண்மையான தற்கொலை அல்லது தற்கொலை முயற்சி பற்றிய விரிவான தகவல்களை வழங்க வேண்டாம்.
• தற்கொலை முறைகள் அல்லது தற்கொலை நடந்த இடம் பற்றிய தகவல்களை வழங்க வேண்டாம்.
• ஒரு குறிப்பிட்ட இடத்தில் அல்லது ‘ஹாட் ஸ்பாட்’ இடத்தில் பல தற்கொலைச் செயல்கள் நடந்திருந்தால் அதனை அங்கீகரிக்க வேண்டாம்.

சமூக ஊடகங்களில் பதின்மவயதினரின் தற்கொலை எண்ணம் தொடர்பான நடத்தைகளைக் கவனியுங்கள்

• தன்னைத்தானே காயப்படுத்திக்கொள்வேன் அல்லது தற்கொலை செய்துகொள்வேன் என்று மிரட்டுதல்
• தற்கொலை செய்து கொள்வதற்கான வழிகளைத் தேடுவது (எ.கா. மாத்திரைகள், ஆயுதங்கள் அல்லது பிற வழிகளை அணுகுவது)
• வேண்டுமென்றே தன்னைதானே காயப்படுத்திக் கொள்ளுதல் (அதாவது கிழித்துக்கொள்ளுதல், வெட்டிக்கொள்ளுதல் அல்லது எரித்துக்கொள்ளுதல்)
• மரணம், இறந்து போதல் அல்லது தற்கொலை ஆகியவை குறித்து பேசுவது அல்லது எழுதுவது
• நம்பிக்கையின்மை
• ஆத்திரப்படுதல், கோபமடைதல், பழிவாங்க முயற்சித்தல்
• கவனக்குறைவாகச் செயல்படுதல் அல்லது ஆபத்தான செயல்களில் ஈடுபடுதல், சிந்திக்காமல் இருப்பது போல் தோன்றுதல்
• சிக்கலில் இருந்து வெளியேற வழியே இல்லாததுபோல் சிக்கிக்கொண்ட உணர்வுடன் இருத்தல்
• மது அல்லது போதைப்பொருள் பயன்பாடு அதிகரித்தல்
• நண்பர்கள், குடும்பம் அல்லது சமூகத்திலிருந்து விலகுதல்
• பதற்றம், கலக்கம், உறக்கநிலை அல்லது பசியார்வத்தில் ஏற்படும் மாற்றங்கள்
• மனநிலையில் வியத்தகு மாற்றங்கள்
• வாழ்வதற்கு எந்தக் காரணமும் இல்லாமல் இருத்தல், வாழ்க்கையில் எந்த நோக்கமும் இல்லாமல் இருத்தல்

ஆபத்தான ஆன்லைன் "சவால்களுக்கு" பதிலளித்தல்

• ஆபத்தைப் புரிந்து கொள்ளுதல். ஆபத்தை நிராகரிக்க வேண்டாம். இந்தப் பகிர்வு பரவுவதைத் தடுப்பதில் ஒவ்வொருவருக்கும் பங்கு உண்டு.
• செவிமடுப்பதில் தீவிரமாக இருங்கள். இளம் வயதினர் தாங்கள் ஆன்லைனில் பார்த்த விஷயங்கள் அல்லது நண்பர்கள் அல்லது மற்றவர்கள் செய்த பதிவுகள் அல்லது கருத்துகளைப் பற்றி ஏதேனும் கவலைகள் அல்லது கவலைகளை வெளிப்படுத்தினால், அதைச் செவிமடுத்துக் கேட்டு உதவியளிப்பது முக்கியம்.
• தாக்கத்தைக் கருத்தில் கொள்ளுதல். ஆன்லைன் சுய-தீங்கு மற்றும் தற்கொலை சவால்கள் பற்றிய எச்சரிக்கைகளை முன்னனுப்புவது கூட சிலருக்குத் தூண்டுதலாக இருக்கலாம். மக்கள் தொடர்ந்து தகவலறிந்து இருப்பது முக்கியம், ஆனால் தற்கொலை தொடர்பான தலைப்புடன் நீங்கள் எதைப் பகிர்கிறீர்கள் என்பதையும் அது மற்றவர்களை எவ்வாறு பாதிக்கலாம் என்பதையும் கவனத்தில் கொள்ளுங்கள்.
• அது குறித்து புகாரளித்திடுங்கள். சமூக ஊடக சேனல்களுக்குத் தீங்கு விளைவிக்கும் அல்லது துன்பம் தரக்கூடிய பொருத்தமற்ற ஆன்லைன் உள்ளடக்கத்தை யார் வேண்டுமானாலும் புகாரளிக்கலாம். தளங்கள் தங்கள் கொள்கைகளுக்கு எதிரான பகிர்வை மதிப்பாய்வு செய்து அகற்றும்.
• அதைப் பற்றிப் பேசுங்கள். உங்களுக்குப் பதின்மவயது பிள்ளைகள் இருந்தால் (அல்லது இளம் வயதினருடன் பணிபுரிபவராக இருந்தால்), அவர்கள் என்ன செய்கிறார்கள் அல்லது பார்க்கிறார்கள் என்பதைப் பகிர்ந்துகொள்ள அவர்களை ஊக்குவிக்கும் வகையில் அவர்களின் ஆன்லைன் செயல்பாட்டைப் பற்றி அவர்களிடம் பேசுவதற்கான வழிகளைக் கண்டறியுங்கள். சவாலைப் பற்றி நேரடியாகக் கேட்பது பலனளிக்கவில்லை என்றால், அதைக் கண்டறிய மறைமுகமான வழிகளை முயற்சி செய்யுங்கள். இளம் வயதினர் தங்கள் பெற்றோரிடம் நம்பிக்கை வைக்கலாம் என்பதியும், நேர்மையாக இருப்பதற்காகத் தண்டிக்கப்பட மாட்டார்கள் என்பதையும் அறிந்து கொள்ள வேண்டும்.