Vind aanlyn balans

Vir jongmense (en vir almal!) is dit belangrik om die regte balans te vind tussen tyd wat aanlyn en vanlyn spandeer word. Soos tegnologie op meer plekke oral in ons lewe verskyn, moet ons aandag skenk aan sowel die hoeveelheid as die gehalte tyd wat ons in aanlyn ruimtes deurbring.

Soos altyd: die gesprek is net die eerste stap. Ouers moet ’n goeie idee hê oor waar hul tieners hul tyd aanlyn deurbring, en gesprekke met hulle voer oor of daardie tyd goed spandeer word.

Die heel belangrikste: probeer jou bes om te verstaan hoe hul gebruik van tegnologie en die internet hulle laat voel. Deur meer te wete te kom oor hoe jou tiener graag hul tyd aanlyn deurbring, kan jy hul welstand ondersteun deur hulle te help om ’n balans te vind tussen aanlyn en vanlyn aktiwiteite.

Hoewel daar dalk nie ’n enkele beste manier is om met jou tieners oor hul gebruik van die internet te gesels nie, is daar maniere om met die gesprek te begin. Begin om op ’n gepaste tyd die onderwerp aan te roer as jy opmerk dat skermtyd jou tiener negatief raak.

’n Goeie beste praktyk is om eers ’n gevoel te kry van hoe hulle voel oor die tyd wat hulle reeds aanlyn en op sosiale media deurbring. Om hierdie gevoel te kry, kan jy vrae vra soos:

• Voel jy of jy te veel tyd aanlyn deurbring?
• Keer die tyd wat jy aanlyn deurbring jou om jou ander verantwoordelikhede na te kom?
• Hoe raak die tyd wat jy bestee jou (fisiek of emosioneel?

“Ja”-antwoorde op die eerste twee vrae sal vir jou ’n aanduiding gee van hoe jou tiener voel oor die tyd wat hulle aanlyn spandeer. Van daar af kan jy begin om hulle te help om maniere te vind om daardie tyd te bestuur, en dit te balanseer met betekenisvolle aktiwiteite vanlyn.

Jy kan opvolgvrae vra soos:

• Hoe lank wag jy in die oggend voordat jy na jou foon kyk?
• Voel jy verward of angstig daarsonder?
• Is jy baie op jou foon besig terwyl jy saam met jou vriende kuier?
• Watter soort vanlyn aktiwiteite mis jy om te doen?
• Is daar enigiets waarvoor jy wens jy meer tyd het?

Nog ’n manier om skermtyd te verminder, is om nie net die foon weg te sit nie, maar om ook daardie tyd aktief met betekenisvolle en prettige aktiwiteite te vul.

As jou tiener daarvan hou om kuns te skep, musiek te speel, boeke te lees, goed te bou, of aan sport deel te neem – of enigiets ander wat nie skermtyd behels nie – help hulle! Ontwikkel daardie belangstellings deur te bly belangstel in wat hulle doen. Jongmense gebruik soms hul fone vir vertroosting, of soms net weens verveling. Moenie dat hulle altyd daardie gevoelens omseil nie. ’n Klein bietjie ongemak of verveling kan ’n jongmens daartoe lei om op ander maniere te groei as hulle deur daardie gevoelens kan werk.

Die dinge, onderwerpe of skeppers wat jongmense aanlyn volg, is dikwels ’n goeie aanduiding van die dinge waarin hulle vanlyn belangstel.

As hulle byvoorbeeld skeppers volg wat jou leer hoe om self te kook, te dans, of enige ander vaardigheid te beoefen, kan jy hulle aanmoedig om sommige van daardie handleidings tuis of saam hul met vriende te oefen. Help hulle om balans te vind en ondersteun hul selfuitdrukking deur prettige vanlyn aktiwiteite met inspirasie uit die aanlyn wêreld aan te moedig.

Deur steeds in hul lewe belang te stel, kan jy hulle help om daardie vanlyn belangstellings te ontwikkel en totale skermtyd te verminder.

Het jy idees nodig? Hier is ’n paar aktiwiteite wat jou tiener kan help om balans te vind:

Meta Get Digital: Welstandsaktiwiteite vir jongmense

Instagram het handige nutsgoed waarmee ouers en tieners positiewe ervarings op die toepassing kan skep. As jy en jou tiener byvoorbeeld gesels oor hoe om jou tyd ten beste op Instagram deur te bring, praat ook oor nutsgoed wat jou help om balans te vind, soos om daaglikse tydlimiete op die toepassing te stel of om onthounotas in te stel om ’n blaaskans te neem.

Jy kan hierdie nutsgoed kry by:

Instagram – Stel daaglikse tydlimiet

Instagram – Neem ’n blaaskans

Jonger tieners het dalk jou leiding nodig om hulle met hul eerste ervarings met sosiale media te help. Gebruik een van die vele beskikbare toesignutsgoed om positiewe en gebalanseerde ervarings op Instagram te koester. In jou gesprekke met jou tiener kan jy gesels oor hoe dit belangrik is om balans te vind tussen die gehalte en aantal tyd wat op Instagram deurgebring word. Kom ooreen op ’n gesonde balans en stel saam toesignutsgoed op.

Instagram se toesignutsgoed kan jou help om ’n ogie te hou oor jou tieners se lys met volgers en wie gevolg word, daaglikse tydlimiete vir die toepassing te stel en insigte te sien oor hul toepassinggebruik.

Instagram-toesignutsgoed

Kom meer te wete oor Meta se produkte en hulpbronne om jou en jou tiener te help om balans te vind:

Facebook – stel tydlimiete