ਜਨਰੇਟਿਵ AI ਸੰਬੰਧੀ ਮਾਂ-ਪਿਓ ਦੀ ਗਾਈਡ

Meta ਲੰਮੇ ਸਮੇਂ ਤੋਂ ਲੋਕਾਂ ਦੀ ਨਵੀਆਂ ਦਿਲਚਸਪੀਆਂ ਅਤੇ ਕਨੈਕਸ਼ਨ ਖੋਜਣ ਵਿੱਚ ਮਦਦ ਕਰਨ ਅਤੇ ਆਪਣੇ ਪਲੇਫ਼ਾਰਮਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਨ ਲਈ AI ਦੀ ਵਰਤੋਂ ਕੀਤੀ ਹੈ, ਪਰ ਹੁਣ Meta ਯੂਜ਼ਰਾਂ ਨੂੰ ਆਪਣੇ ਅਨੁਭਵਾਂ ਨੂੰ ਬਿਹਤਰ ਵਾਸਤੇ ਜਨਰੇਟਿਵ AI ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦੇ ਰਿਹਾ ਹੈ। ਆਓ ਜਨਰੇਟਿਵ AI ਬਾਰੇ ਆਮ ਜਾਣਕਾਰੀ ਨਾਲ ਸ਼ੁਰੂਆਤ ਕਰੀਏ।

ਜਨਰੇਟਿਵ AI ਸਮੱਗਰੀ ਨੂੰ ਬਣਾਉਣ ਜਾਂ ਇਸ ਵਿੱਚ ਸੋਧ ਕਰਨ ਲਈ ਆਰਟੀਫਿਸ਼ਿਅਲ ਇੰਟੈਲੀਜੈਂਸ ਦੀ ਵਰਤੋਂ ਕਰਦਾ ਹੈ, ਜਿਸ ਵਿੱਚ ਟੈਕਸਟ, ਚਿੱਤਰ, ਐਨੀਮੇਸ਼ਨ ਅਤੇ ਕੰਪਿਊਟਰ ਕੋਡ ਸ਼ਾਮਲ ਹੋ ਸਕਦੇ ਹਨ। ਇਸਦੀ ਵਰਤੋਂ ਸਵਾਲਾਂ ਦੇ ਜਵਾਬ ਦੇਣ ਜਾਂ ਨਵੇਂ ਦਸਤਾਵੇਜ਼ ਬਣਾਉਣ ਲਈ ਕੀਤੀ ਜਾ ਸਕਦੀ ਹੈ, ਜਿਵੇਂ ਕਿ ਪਲਾਨ ਕੀਤੀ ਯਾਤਰਾ ਲਈ ਵਸਤੂ-ਸੂਚੀ ਜਾਂ ਸ਼ੇਕਸਪੀਅਰ ਦੀ ਸ਼ੈਲੀ ਵਿੱਚ ਇੱਕ ਕਵਿਤਾ। ਇਸ ਨਾਲ ਲੇਖ, ਰਿਪੋਰਟਾਂ ਅਤੇ ਹੋਰ ਦਸਤਾਵੇਜ਼ਾਂ ਦੀ ਰੂਪ-ਰੇਖਾ ਤਿਆਰ ਕਰਨ ਲਈ ਖੋਜ ਸਹਾਇਤਾ ਵਜੋਂ ਮਦਦ ਮਿਲ ਸਕਦੀ ਹੈ। ਇਸਦੀ ਵਰਤੋਂ ਕਿਸੇ ਫ਼ੋਟੋਗ੍ਰਾਫ਼ ਨੂੰ ਐਡਿਟ ਕਰਨ, ਕਿਸੇ ਲੰਮੇ ਲੇਖ ਦਾ ਬੁਲੇਟ ਪੁਆਇੰਟਾਂ ਵਿੱਚ ਸਾਰਾਂਸ਼ ਬਣਾਉਣ, ਈਮੇਲ ਦੇ ਲਹਿਜੇ ਨੂੰ ਵਿਵਸਥਿਤ ਕਰਨ, ਖਰੀਦਾਰੀ ਕਰਨ ਵੇਲੇ ਉਤਪਾਦਾਂ ਦੀ ਤੁਲਨਾ ਕਰਨ ਅਤੇ ਹੋਰ ਬਹੁਤ ਕੁਝ ਕਰਨ ਲਈ ਕੀਤੀ ਜਾ ਸਕਦੀ ਹੈ।

Meta ਨੇ ਲੰਮੇ ਸਮੇਂ ਤੋਂ ਵੱਖ-ਵੱਖ ਉਦੇਸ਼ਾਂ ਲਈ AI ਦੀ ਵਰਤੋਂ ਕੀਤੀ ਹੈ, ਜਿਵੇਂ ਕਿ ਸਿਫ਼ਾਰਸ਼ਾਂ ਕਰਨ ਵਿੱਚ ਮਦਦ ਕਰਨਾ ਅਤੇ ਉਨ੍ਹਾਂ ਇਵੈਂਟਾਂ ਬਾਰੇ ਲੋਕਾਂ ਨੂੰ ਸੂਚਿਤ ਕਰਨਾ ਜਿਨ੍ਹਾਂ ਵਿੱਚ ਉਨ੍ਹਾਂ ਦੀ ਦਿਲਚਸਪੀ ਹੋ ਸਕਦੀ ਹੈ। ਇਹ ਆਪਣੇ ਯੂਜ਼ਰਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਨ ਲਈ ਵੀ AI ਦੀ ਵਰਤੋਂ ਕਰਦਾ ਹੈ।

Meta ਹੁਣ ਆਪਣੀਆਂ ਸਾਰੀਆਂ ਸੇਵਾਵਾਂ ਵਿੱਚ ਯੂਜ਼ਰਾਂ ਲਈ ਜਨਰੇਟਿਵ AI ਉਪਲਬਧ ਕਰਵਾ ਰਿਹਾ ਹੈ। ਉਦਾਹਰਨ ਲਈ, Meta ਦੇ ਨਵੇਂ AI ਸਵਾਲਾਂ ਦੇ ਜਵਾਬ ਦੇ ਸਕਦੇ ਹਨ, ਵੱਖ-ਵੱਖ ਵਿਸ਼ਿਆਂ 'ਤੇ ਗੱਲਬਾਤ ਵਿੱਚ ਸ਼ਾਮਲ ਹੋ ਸਕਦੇ ਹਨ ਅਤੇ ਗੱਲਬਾਤ ਦੇ ਲਹਿਜੇ ਵਿੱਚ ਲਿਖ ਸਕਦੇ ਹਨ। ਹਰੇਕ AI ਦਾ ਵੱਖਰਾ ਪੈਟਰਨ ਅਤੇ ਵਿਸ਼ੇਸ਼ਤਾ ਹੁੰਦੀ ਹੈ, ਜਿਵੇਂ ਕਿ ਗੇਮਾਂ, ਭੋਜਨ, ਯਾਤਰਾ, ਮਜ਼ਾਕ ਅਤੇ ਰਚਨਾਤਮਕਤਾ, ਪਰ ਉਨ੍ਹਾਂ ਦੇ ਜਵਾਬ AI ਵੱਲੋਂ ਉਤਪੰਨ ਕੀਤੇ ਜਾਂਦੇ ਹਨ, ਅਸਲ ਲੋਕਾਂ ਵੱਲੋਂ ਨਹੀਂ।

ਤੁਸੀਂ ਕਿਸੇ AI ਨਾਲ ਆਹਮਣੇ-ਸਾਹਮਣੇ ਗੱਲਬਾਤ ਕਰ ਸਕਦੇ ਹੋ ਜਾਂ @Meta AI ਟਾਈਪ ਕਰਕੇ ਅਤੇ ਉਸ ਤੋਂ ਬਾਅਦ ਕੋਈ ਸਵਾਲ ਜਾਂ ਬੇਨਤੀ ਟਾਈਪ ਕਰਕੇ Meta AI ਨੂੰ ਗਰੁੱਪ ਚੈਟ ਵਿੱਚ ਲਿਆ ਸਕਦੇ ਹੋ। ਲੋਕ Meta AI ਨਾਲ ਇੰਟਰੈਕਟ ਕਰਦੇ ਸਮੇਂ ਜਾਂ ਸਿੱਧਾ ਵੈੱਬ ਅਨੁਭਵ ਰਾਹੀਂ ਮੈਸੇਜ ਵਿੱਚ "/imagine" ਟਾਈਪ ਕਰਕੇ ਚਿੱਤਰ ਵੀ ਉਤਪੰਨ ਕਰ ਸਕਦੇ ਹਨ।

ਜਨਰੇਟਿਵ AI ਦੀ ਇੱਕ ਹੋਰ ਉਦਾਹਰਨ ਸਟਿੱਕਰ ਹਨ, ਜੋ Meta ਦੇ ਪਲੇਟਫ਼ਾਰਮਾਂ 'ਤੇ ਬਹੁਤ ਪ੍ਰਸਿੱਧ ਹਨ। ਯੂਜ਼ਰ ਗੱਲਬਾਤ ਕਰਨ ਅਤੇ ਆਪਣੇ ਬਾਰੇ ਦੱਸਣ ਵਿੱਚ ਮਦਦ ਕਰਨ ਲਈ ਟੈਕਸਟ ਰਾਹੀਂ ਚਿੱਤਰ ਦਾ ਵਰਣਨ ਕਰਕੇ ਹੀ AI ਵੱਲੋਂ ਉਤਪੰਨ ਕੀਤੇ ਸਟਿੱਕਰਾਂ ਦੀ ਵਰਤੋਂ ਕਰ ਸਕਦੇ ਹਨ।

Meta ਵਿੱਚ Meta AI ਵੱਲੋਂ ਉਤਪੰਨ ਕੀਤੇ ਗਏ ਫੋਟੋਰੀਅਲਿਸਟਿਕ ਚਿੱਤਰਾਂ 'ਤੇ ਦਿਖਾਈ ਦੇਣ ਵਾਲੇ ਸੰਕੇਤ ਸ਼ਾਮਲ ਹੁੰਦੇ ਹਨ, ਜਿਸ ਨਾਲ ਲੋਕਾਂ ਵੱਲੋਂ ਇਨ੍ਹਾਂ ਚਿੱਤਰਾਂ ਅਤੇ ਮਨੁੱਖਾਂ ਵੱਲੋਂ ਉਤਪੰਨ ਸਮੱਗਰੀ ਵਿੱਚ ਉਲਝਣ ਦੀ ਸੰਭਾਵਨਾ ਨੂੰ ਘੱਟ ਕਰਨ ਵਿੱਚ ਮਦਦ ਮਿਲਦੀ ਹੈ। ਇਨ੍ਹਾਂ ਸੂਚਕਾਂ ਵਿੱਚ Meta AI ਅਸਿਸਟੈਂਟ ਵਿੱਚ ਮੌਜੂਦ ਇਮੇਜ ਜਨਰੇਟਰ ਤੋਂ ਬਣਾਈ ਗਈ ਸਮੱਗਰੀ 'ਤੇ ਸਪਸ਼ਟ ਤੌਰ 'ਤੇ ਦਿਖਣ ਵਾਲਾ ਵਾਟਰਮਾਰਕ ਅਤੇ ਹੋਰ ਜਨਰੇਟਿਵ AI ਵਿਸ਼ੇਸ਼ਤਾਵਾਂ ਲਈ ਉਤਪਾਦ ਦੇ ਅੰਦਰ ਉਚਿਤ ਮਾਪ ਸ਼ਾਮਲ ਹਨ।

Meta AI ਅਨੁਭਵ ਅਮਰੀਕਾ ਵਿੱਚ ਇਸਦੇ ਪਲੇਟਫ਼ਾਰਮਾਂ 'ਤੇ ਹਰ ਕਿਸੇ ਲਈ ਉਪਲਬਧ ਹਨ ਅਤੇ ਇਸ ਵਿੱਚ ਗਾਈਡਲਾਈਨਾਂ ਸ਼ਾਮਲ ਹਨ ਜੋ ਦੱਸਦੀਆਂ ਹਨ ਇੱਕ ਜਨਰੇਟਿਵ AI ਮਾਡਲ, ਕਿਹੜੀਆਂ ਚੀਜ਼ਾਂ ਬਣਾ ਸਕਦਾ ਹੈ ਅਤੇ ਕੀ ਨਹੀਂ ਬਣਾ ਸਕਦਾ। ਇੱਥੇ ਇਸ ਬਾਰੇ ਹੋਰ ਜਾਣੋ ਕਿ ਸੁਰੱਖਿਅਤ ਅਨੁਭਵ ਪ੍ਰਦਾਨ ਕਰਨ Meta ਕਿਵੇਂ ਕੰਮ ਕਰਦਾ ਹੈ।

ਇਹ ਪਤਾ ਲਗਾਉਣਾ ਹਮੇਸ਼ਾ ਆਸਾਨ ਨਹੀਂ ਹੁੰਦਾ ਹੈ ਕਿ ਜਨਰੇਟਿਵ AI ਦੀ ਵਰਤੋਂ ਕਰਕੇ ਕੋਈ ਚੀਜ਼ ਬਣਾਈ ਗਈ ਸੀ ਜਾਂ ਨਹੀਂ। ਸੋਸ਼ਲ ਮੀਡੀਆ 'ਤੇ ਹੋਰ ਪੋਸਟਾਂ ਵਾਂਗ, ਸਮੱਗਰੀ ਯੂਜ਼ਰਾਂ ਵੱਲੋਂ ਬਣਾਈ ਜਾ ਸਕਦੀ ਹੈ, ਪੇਸਟ ਜਾਂ ਅੱਪਲੋਡ ਕੀਤੀ ਜਾ ਸਕਦੀ ਹੈ ਅਤੇ ਇਹ ਸੰਭਵ ਹੈ ਕਿ ਉਨ੍ਹਾਂ ਨੂੰ ਜਨਰੇਟਿਵ AI ਵਜੋਂ ਲੇਬਲਬੱਧ ਨਾ ਕੀਤਾ ਜਾ ਸਕਦਾ। Meta ਸਮੇਤ ਕੁਝ ਜਨਰੇਟਿਵ AI ਸੇਵਾਵਾਂ, ਦਿਖਾਈ ਦੇਣਯੋਗ ਚਿੰਨ੍ਹ ਸ਼ਾਮਲ ਕਰਨਗੇ, ਤਾਂ ਜੋ ਤੁਸੀਂ ਇੱਕ ਜਨਰੇਟਿਵ AI ਚਿੱਤਰ ਦੀ ਪਛਾਣ ਕਰ ਸਕੋ - ਪਰ ਅਜਿਹਾ ਹਮੇਸ਼ਾ ਨਹੀਂ ਹੁੰਦਾ ਹੈ।

Meta ਯੂਜ਼ਰਾਂ ਨੂੰ ਸਮੱਗਰੀ ਅਪਲੋਡ ਕਰਨ ਦੀ ਇਜਾਜ਼ਤ ਦਿੰਦਾ ਹੈ ਅਤੇ ਯੂਜ਼ਰਾਂ ਲਈ ਜਨਰੇਟਿਵ AI ਵਾਲੋਂ ਬਣਾਈ ਕਿਸੇ ਚੀਜ਼ ਨੂੰ ਅੱਪਲੋਡ ਕਰਨਾ ਸੰਭਵ ਹੈ, ਜਿਸਨੂੰ ਲੇਬਲਬੱਧ ਨਹੀਂ ਕੀਤਾ ਗਿਆ ਹੈ।